Tuesday, June 28, 2022

Latest Posts

ಐಪಿಎಲ್ ನಿಂದ ಹೊರಬಿದ್ದ ಭುವನೇಶ್ವರ್​ ಕುಮಾರ್, ಅಮಿತ್​ ಮಿಶ್ರಾ 

ದುಬೈ: ಸನ್​ರೈಸರ್ಸ್​ ತಂಡದ ಅನುಭವಿ ಬೌಲರ್ ಭುವನೇಶ್ವರ್​ ಕುಮಾರ್​ ಸೊಂಟದ ನೋವಿಗೆ ಒಳಗಾಗಿದ್ದು, 2020ರ ಐಪಿಎಲ್​ನಿಂದ ಹೊರಬಿದ್ದಿದ್ದಾರೆ.
ಚೆನ್ನೈ ಸೂಪರ್​ ಕಿಂಗ್ಸ್​ ವಿರುದ್ಧದ ಪಂದ್ಯದ ವೇಳೆ ಭುವನೇಶ್ವರ್​ ಕುಮಾರ್ ಸೊಂಟದ ಉಳುಕಿಗೆ ಒಳಗಾಗಿ ಮೈದಾನದಿಂದ ಹೊರನಡೆದಿದ್ದರು.
ಅವರು ಸಂಪೂರ್ಣ ಓವರ್​ ಕೋಟಾವನ್ನೂ ಮುಗಿಸಿರಲಿಲ್ಲ. ಎಎನ್​ಐ ಸುದ್ದಿ ಸಂಸ್ಥೆಯೊಂದಿಗೆ ಮಾತನಾಡಿರುವ ಎಸ್​ಆರ್​ಹೆಚ್​ ಮೂಲ, ಗಾಯದ ಕಾರಣ ವೇಗಿ ಶ್ರೀಮಂತ ಕ್ರಿಕೆಟ್​ ಲೀಗ್​ನಿಂದ ಹೊರಗುಳಿಯಲು ನಿರ್ಧರಿಸಿದ್ದಾರೆ ಎಂದು ತಿಳಿಸಿದ್ದಾರೆ.
ಐಪಿಎಲ್​ನಲ್ಲಿ 2 ಬಾರಿ ಪರ್ಪಲ್​ ಕ್ಯಾಪ್ ಪಡೆದಿರುವ ಭುವಿಯಂತಹ ಬೌಲರ್​ ಟೂರ್ನಿಯಿಂದ ಹೊರಬಿದ್ದಿರುವುದು ನಿಜಕ್ಕೂ ಹೈದರಾಬಾದ್​ ತಂಡಕ್ಕೆ ತುಂಬಲಾರದ ನಷ್ಟವಾಗಿದೆ.
ಡೆಲ್ಲಿಗೆ ಆಘಾತ ಕೊಟ್ಟ ಅಮಿತ್​ ಮಿಶ್ರಾ 
ಡೆಲ್ಲಿ ತಂಡದ ಮಂಚೂಣಿ ಬೌಲರ್​ ಅಮಿತ್​ ಮಿಶ್ರಾ ಕೂಡ ಹೊರಬಿದ್ದಿದ್ದಾರೆ. ಕೆಕೆಆರ್ ವಿರುದ್ಧದ ಪಂದ್ಯದಲ್ಲಿ ಗಾಯಗೊಂಡಿದ್ದ ಮಿಶ್ರಾ ಕೇವಲ 2 ಓವರ್​​ ಮಾತ್ರ ಬೌಲಿಂಗ್ ಮಾಡಿದ್ದರು.
ಕೆಕೆಆರ್​ ವಿರುದ್ಧ ಶನಿವಾರ ನಡೆದಿದ್ದ ಪಂದ್ಯದಲ್ಲಿ ಲೆಗ್​ ಸ್ಪಿನ್ನರ್​ ಅಮಿತ್ ಮಿಶ್ರಾಗೆ ಚೆಂಡನ್ನು ತಡೆಯುವ ವೇಳೆ ಗಂಭೀರ ಗಾಯವಾಗಿತ್ತು.ಎಎನ್​ಐ ಜೊತೆ ಮಾತನಾಡಿರುವ ಡೆಲ್ಲಿ ಕ್ಯಾಪಿಟಲ್ಸ್​ ತಂಡದ ಅಧಿಕಾರಿ ಮಾತನಾಡಿದ್ದು , ಅಮಿತ್​ ಮಿಶ್ರಾ ಅವರಿಗೆ ಬೆರಳಿನ ನರಕ್ಕೆ ಪೆಟ್ಟು ಬಿದ್ದಿರುವುದು ಖಚಿತವಾಗಿದೆ ಎಂದಿದ್ದಾರೆ.ಮಿಶ್ರಾ ವೈದ್ಯಕೀಯ ವರದಿ ಬಂದಿದೆ. ಅದು ತಂಡಕ್ಕೆ ಕೆಟ್ಟ ಸುದ್ದಿಯಾಗಿದೆ. ಅವರು ಈ ಆವೃತ್ತಿಯ ಮುಂದಿನ ಪಂದ್ಯಗಳಿಗೆ ಲಭ್ಯರಿರುವುದಿಲ್ಲ. ಅವರ ಅನುಪಸ್ಥಿತಿ ಖಂಡಿತ ಡೆಲ್ಲಿ ತಂಡಕ್ಕೆ ಕಾಡಲಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss