ಕಂಗನಾ- ಠಾಕ್ರೆ ನಡುವೆ ವಾಕ್ ಸಮರ| ನಾನು ನಿಮ್ಮ ಹಾಗೇ ನನ್ನ ತಂದೆಯ ಅಧಿಕಾರದಿಂದಲೋ, ಆಸ್ತಿಯಿಂದಲೋ ಬದುಕುತ್ತಿಲ್ಲ: ಕಿಡಿಕಾರಿದ ಕಂಗನಾ

ಮುಂಬೈ: ಕಂಗನಾ ಹಾಗೂ ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆ ನಡುವೆ ವಾಗ್ದಾಳಿ ತೀವ್ರವಾಗುತ್ತಿದ್ದು, ಇಂದು ಮತ್ತೆ ಅವರ ನಡುವೆ ವಾಕ್ ಸಮರ ನಡೆದಿದೆ. ಮಹಾರಾಷ್ಟ್ರ ಮುಖ್ಯಮಂತ್ರಿ ಉದ್ಧವ್ ಠಾಕ್ರೆಯ ವಿವಾದಾತ್ಮಕ ಹೇಳಿಕೆಗಳ ಬಗ್ಗೆ ಕಂಗನಾ ಇಂದು ಮೌನ ಮುರಿದು ಠಾಕ್ರೆ ವಿರುದ್ಧ ಕಿಡಿಕಾರಿದ್ದಾರೆ.

ಉದ್ಧವ್ ಭಾನುವಾರ ತಮ್ಮ ದಸರಾ ಭಾಷಣದಲ್ಲಿ ಕೆಲವರು ತಿನ್ನಲು ಆಹಾರವಿಲ್ಲದೆ ಮುಂಬೈಗೆ ಬರುತ್ತಾರೆ ಮತ್ತು ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ (ಪಿಒಕೆ) ಎಂದು ಕರೆಯುವ ಮೂಲಕ ನಗರವನ್ನು ನಿಂದಿಸುತ್ತಾರೆ ಎಂಬ ಹೇಳಿಕೆ ನೀಡಿದ್ದಾರೆ. ಮುಂಬೈಯನ್ನು ಪಿಒಕೆ ಆಗಿದೆ, ಎಲ್ಲೆಡೆ ಮಾದಕ ವ್ಯಸನಿಗಳಿವೆ ಎಂದು ಅವರು ಚಿತ್ರಿಸುತ್ತಿದ್ದಾರೆ.ಆದರೆ ನಮ್ಮ ನಾಡಿನಲ್ಲಿ ನಾವು ತುಳಸಿ ಬೆಳೆಯುತ್ತೇವೆ, ಗಾಂಜಾ ಅಲ್ಲ. ಗಾಂಜಾ ಕ್ಷೇತ್ರಗಳು ನಿಮ್ಮ ರಾಜ್ಯದಲ್ಲಿವೆ, ನಮ್ಮ ಮಹಾರಾಷ್ಟ್ರದಲ್ಲಿ ಅಲ್ಲ ಎಂದು ನಿಮಗೆ ತಿಳಿದಿದೆ, ಎಂದು ಠಾಕ್ರೆ ಹೇಳಿದ್ದಾರೆ.

ಹೀಗೆ ವಾದ ಪ್ರತಿವಾದಗಳು ನಡೆಯುತ್ತಿದ್ದು, ಇಂದು ಮುಖ್ಯಮಂತ್ರಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ. ಮುಖ್ಯಮಂತ್ರಿಗಳೇ ನಾನು ನಿಮ್ಮ ಹಾಗೇ ನನ್ನ ತಂದೆಯ ಅಧಿಕಾರದಿಂದಲೋ, ಆಸ್ತಿಯಿಂದಲೋ ಬದುಕುತ್ತಿಲ್ಲ. ನಾನು ಸ್ವಜನಪಕ್ಷಪಾತದ ಉತ್ಪನ್ನವಾಗಲು ಬಯಸಿದರೆ ನಾನು ಹಿಮಾಚಲದಲ್ಲಿಯೇ ಉಳಿಯಬಹುದಿತ್ತು. ನಾನು ಹೆಸರಾಂತ ಕುಟುಂಬದಿಂದ ಬಂದವಳು. ಅವರ ಸಂಪತ್ತಿನ ಮೇಲೆ ಬದುಕಲು ನಾನು ಬಯಸುವುದಿಲ್ಲ ಮತ್ತು ಕೆಲವು ಜನರು ಸ್ವಾಭಿಮಾನ ಮತ್ತು ಸ್ವಸಂಪಾದನೆ ಹೊಂದಿದ್ದೇನೆ ಎಂದು ಕಿಡಿಕಾರಿದ್ದಾರೆ.

Chief Minister I am not drunk on my father’s power and wealth like you, if I wanted to be a nepotism product I could have stayed back in Himachal, I hail from a renowned family, I didn’t want to live off on their wealth and favours, some people have self respect and self worth.

— Kangana Ranaut (@KanganaTeam) October 26, 2020

ಈ ಹಿಂದಿನ ಟ್ವೀಟ್ ನಲ್ಲಿ ಕಂಗನಾ, ಮುಖ್ಯಮಂತ್ರಿ ಠಾಕ್ರೆ ನನ್ನು ಹರಾಮ್‌ಖೋರ್ ಎಂದು ಕರೆದಿದ್ದಾರೆ. ಈಗ ಉದ್ಧವ್ ನನ್ನನ್ನು ನಾಮಕ್ ಹರಾಮ್ ಎಂದು ಕರೆದರು, ಮುಂಬೈ ನನಗೆ ಆಶ್ರಯ ನೀಡದಿದ್ದರೆ ನನ್ನ ರಾಜ್ಯದಲ್ಲಿ ನನಗೆ ಆಹಾರ ಸಿಗುವುದಿಲ್ಲ ಎಂದು ಹೇಳಿಕೊಳ್ಳುತ್ತಿದ್ದಾರೆ, ನಿಮ್ಮ ಮೇಲೆ ಅವಮಾನ ನಾನು ನಿಮ್ಮ ಮಗನ ವಯಸ್ಸಿನವಳು ಈ ರೀತಿ ನೀವು ಸ್ವಾಭಿಮಾನಿ ಮಹಿಳೆಯೊಂದಿಗೆ ಮಾತನಾಡುತ್ತಿದ್ದೀರಿ ಎಂದು ಕಂಗನಾ ಠಾಕ್ರೆಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

Raut called me Haramkhor now Uddhav called me namak haram, he is claiming I won’t get food in my state if Mumbai does not give me shelter, shame on you I am your son’s age this is how you speak to a self made single woman, Chief Minister you are the worse product of nepotism. https://t.co/uV5RCf3R0W

— Kangana Ranaut (@KanganaTeam) October 26, 2020