Saturday, July 2, 2022

Latest Posts

ಕಂಗನಾ ರಾಣಾವತ್ ವಿರುದ್ಧ ಡ್ರಗ್ಸ್​ ಸೇವನೆ ಆರೋಪ: ತನಿಖೆಗೆ ‘ಮಹಾ’ ಸರಕಾರ ಆದೇಶ!

ಮುಂಬೈ: ಕಂಗನಾ ರಾಣಾವತ್ ಅವರ ವಿರುದ್ಧದ ಡ್ರಗ್ಸ್​ ಸೇವನೆಯ ಆರೋಪದ ಬಗ್ಗೆ ವಿಸ್ತೃತ ತನಿಖೆ ನಡೆಸಬೇಕು ಎಂದು ಉದ್ಧವ್ ಠಾಕ್ರೆ ಸರ್ಕಾರ ಶುಕ್ರವಾರ ಮುಂಬೈ ಪೊಲೀಸ್​ಗೆ ಆದೇಶ ನೀಡಿದೆ.
ಕಂಗನಾ ಕೂಡ ನಿಷೇಧಿತ ಮಾದಕವಸ್ತು, ನಾರ್ಕೋಟಿಕ್ಸ್ ಡ್ರಗ್ಸ್​ಗಳನ್ನು ತೆಗೆದುಕೊಳ್ಳುತ್ತಿದ್ದರು ಎಂಬ ಆರೋಪದ ಕಾರಣ ಅದರ ತನಿಖೆಯಾಗಬೇಕು ಎಂದು ಸರ್ಕಾರ ಹೇಳಿದೆ.
ಸರ್ಕಾರದ ಆದೇಶ ಮುಂಬೈ ಪೊಲೀಸ್ ಕಚೇರಿ ತಲುಪಿದ್ದು, ಕ್ರೈಂ ಬ್ರಾಂಚ್ ಇದರ ತನಿಖೆ ನಡೆಸಲಿದೆ.
ಈ ಹಿಂದೆ ಹಿರಿಯ ನಟ ಶೇಖರ್ ಸುಮನ್ ಅವರ ಪುತ್ರ ನಟ ಅಧ್ಯಾಯನ್ ಸುಮನ್ ಅವರು ಕಂಗನಾ ವಿರುದ್ಧ ಡ್ರಗ್ಸ್ ಸೇವನೆಯ ಆರೋಪ ಮಾಡಿದ್ದರು. ಇದನ್ನು ಆಧರಿಸಿ ಮುಂಬೈ ಪೊಲೀಸರು ಈ ಬಗ್ಗೆ ತನಿಖೆ ನಡೆಸಲಿದ್ದಾರೆ ಎಂದು ಮಂಗಳವಾರ ಮಹಾರಾಷ್ಟ್ರ ಗೃಹ ಸಚಿವ ಅನಿಲ್ ದೇಶಮುಖ್​ ಹೇಳಿದ್ದರು.
ಈ ಸಂಬಂಧ ಅಧ್ಯಾಯನ್ ಸುಮನ್ ಮತ್ತು ಕಂಗನಾ ರಾಣಾವತ್​ಗೆ ಸಮನ್ಸ್ ಜಾರಿಗೊಳಿಸುವುದಕ್ಕೆ ಮುಂಬೈ ಪೊಲೀಸರು ಸಿದ್ಧತೆ ನಡೆಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss