Wednesday, July 6, 2022

Latest Posts

ಕಂದಾಯ ಕಡತಗಳ ವಿಲೇವಾರಿಯಲ್ಲಿ ಉಡುಪಿ ಪ್ರಥಮ, ಮೈಸೂರು ದ್ವಿತೀಯ ಸ್ಥಾನ

ಹೊಸ ದಿಗಂತ ವರದಿ, ಮೈಸೂರು:

ಕಂದಾಯ ಕಡತಗಳ ವಿಲೇವಾರಿಯಲ್ಲಿ ರಾಜ್ಯದಲ್ಲಿಯೇ ಅರಮನೆ ನಗರಿ ಮೈಸೂರು ಜಿಲ್ಲೆ 2ನೇ ಸ್ಥಾನ ಪಡೆದರೆ, ಉಡುಪಿ ಜಿಲ್ಲೆ ಪ್ರಥಮ ಸ್ಥಾನ ಗಳಿಸಿದೆ.
ಈ ಹಿಂದೆ ರಾಜ್ಯದಲ್ಲಿ 26ನೇ ಸ್ಥಾನದಲ್ಲಿದ್ದ ಮೈಸೂರು, ಈ ಬಾರಿ ಉತ್ತಮ ಸಾಧನೆ ಮಾಡುವ ಮೂಲಕ ಇದೀಗ 2ನೇ ಸ್ಥಾನಕ್ಕೆ ಜಿಗಿದಿದೆ. ಮ್ಯೂಟೇಷನ್ಸ್, ಭೂ ಪರಿವರ್ತನೆ, ಸರ್ವೇ ಮತ್ತು ಪೋಡಿ ವಿಲೇವಾರಿ, ರೆವಿನ್ಯೂ ಕೋರ್ಟ್ ಕೇಸ್ ವಿಲೇವಾರಿ, ಪಿವೈಕೆಐ ಆರ್’ಟಿಸಿ ತಿದ್ದುಪಡಿಯ ಆಧಾರದ ಮೇಲೆ ವಿವಿಧ ಜಿಲ್ಲೆಗಳಿಗೆ ಸ್ಥಾನ ನೀಡಲಾಗುತ್ತದೆ.
ಈ ಹಿಂದೆ ಮೈಸೂರು ಜಿಲ್ಲೆ ಕಡತಗಳ ವಿಲೇವಾರಿಯಲ್ಲಿ ಸಾಕಷ್ಟು ಹಿಂದೆ ಉಳಿದಿತ್ತು. ಇದೀಗ ಕಡತಗಳು ತ್ವರಿತಗತಿಯಲ್ಲಿ ವಿಲೇವಾರಿ ಆಗುತ್ತಿದೆ. ಹೀಗಾಗಿ ನವೆಂಬರ್ ತಿಂಗಳಲ್ಲಿ ಮೈಸೂರು ರಾಜ್ಯದಲ್ಲಿ ದ್ವಿತೀಯ ಸ್ಥಾನ ಪಡೆದುಕೊಳ್ಳಲು ಸಾಧ್ಯವಾಗಿದೆ ಎಂದು ಜಿಲ್ಲಾಧಿಕಾರಿ ರೋಹಿಣಿ ಸಿಂಧೂರಿ ತಿಳಿಸಿದ್ದಾರೆ
ಕಡತ ವಿಲೇವಾರಿಯಲ್ಲಿ ಈ ಹಿಂದಿನ ತಿಂಗಳಲ್ಲಿ ಉಡುಪಿ ಪ್ರಥಮ ಸ್ಥಾನ ಪಡೆದರೆ, ದಾವಣಗೆರೆ ದ್ವಿತೀಯ, ತುಮಕೂರು ತೃತೀಯ ಸ್ಥಾನದಲ್ಲಿ ಇತ್ತು. ನವೆಂಬರ್ ತಿಂಗಳ ವರದಿಯ ಪ್ರಕಾರ ಉಡುಪಿ ಪ್ರಥಮ, ಮೈಸೂರು ದ್ವಿತೀಯ, ದಾವಣಗೆರೆ ತೃತೀಯ ಸ್ಥಾನ ಪಡೆದಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss