Wednesday, August 10, 2022

Latest Posts

ಕವಿದ ಕತ್ತಲು ದೂರವಾಗಿಸಲು ಬೇಕಿದೆ ಸಹೃದಯಿಗಳ ನೆರವು: ರಮೇಶ್ ಪ್ರಭು ಶಸ್ತ್ರಚಿಕಿತ್ಸೆಗೆ ನೀವೂ ನೆರವಾಗುವಿರಾ?

ಮಂಗಳೂರು: ಜೀವನೋಪಾಯಕ್ಕಾಗಿ ಕ್ಯಾಂಟೀನ್ ಆರಂಭಿಸಿ ಪುಟ್ಟ ಸಂಸಾರದೊಂದಿಗೆ ನೆಮ್ಮದಿಯ ಬದುಕು ಕಂಡಿದ್ದ ಇವರ ಬಾಳಿನಲ್ಲಿ ಈಗ ಕತ್ತಲು ಆವರಿಸಿದೆ. ಈ ಕತ್ತಲು ದೂರವಾಗಬೇಕಾದರೆ ಸಹೃದಯಿ ಮನಸ್ಸುಗಳ ನೆರವಿನ ಹಸ್ತಬೇಕಿದೆ.
ವಿದ್ಯುತ್ ವಯರ್‌ಗೆ ತಗಲುತ್ತಿದ್ದ ಮರದ ಗೆಲ್ಲನ್ನು ಕತ್ತರಿಸಲು ಮರವೇರಿದ್ದ ಇವರು ಕಾಲುಜಾರಿ ಮರದಿಂದ ಕೆಳಗೆ ಬಿದ್ದು ಈಗ ಹಾಸಿಗೆ ಹಿಡಿದಿದ್ದಾರೆ.
ಮೂಲತಃ ಬೆಳ್ಳಾರೆಯವರಾದ 42ರ ಹರೆಯದ ರಮೇಶ್ ಪ್ರಭು ಅವರು ಬಂಟ್ವಾಳ ತಾಲೂಕಿನ ಮಂಚಿಯಲ್ಲಿ ಕಳೆದ 12 ವರ್ಷದಿಂದ ಸಣ್ಣ ಕ್ಯಾಂಟೀನ್ ಒಂದನ್ನು ಬಾಡಿಗೆಗೆ ಪಡೆದು ಎರಡು ಪುಟ್ಟ ಮಕ್ಕಳು ಮತ್ತು ಹೆಂಡತಿಯೊಂದಿಗೆ ಜೀವನ ನಡೆಸುತ್ತಿದ್ದರು. ಆದರೆ ಮರದಿಂದ ಬಿದ್ದ ಬಳಿಕ ಕಳೆದ ಸುಮಾರು ಒಂದು ವರ್ಷದಿಂದ ಯಾತನಾಮಯ ಜೀವನ ಸಾಗಿಸುತ್ತಿದ್ದಾರೆ. 10 ತಿಂಗಳ ಕಾಲ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆದ ಅವರು ಇನ್ನೂ ಗುಣಮುಖರಾಗಿಲ್ಲ. ಮರದಿಂದ ಬಿದ್ದು ಸೊಂಟದ ಕೆಳಭಾಗದ ಸ್ವಾಧೀನವನ್ನೇ ಕಳೆದುಕೊಂಡು ಹಾಸಿಗೆ ಹಿಡಿದಿದ್ದಾರೆ. ಆಸ್ಪತ್ರೆಯಲ್ಲಿ ಶಸ್ತ್ರ ಚಿಕಿತ್ಸೆ ನಡೆಸಲು ಕನಿಷ್ಠ 4 ಲಕ್ಷದ ಅಗತ್ಯವಿದ್ದು, ಇವರ ಶಸ್ತ್ರಚಿಕಿತ್ಸೆಗೆ ದಾನಿಗಳು ಮನಸ್ಸು ಮಾಡಬೇಕಿದೆ. ಚಿಕಿತ್ಸೆಗಾಗಿ ನೆರವು ನೀಡಿದರೆ ಮಾತ್ರ ಇವರು ಮತ್ತೆ ಚೇತರಿಸಿಕೊಳ್ಳಲು ಸಾಧ್ಯವಿದೆ. ಆದ್ದರಿಂದ ದಾನಿಗಳ ನೆರವನ್ನು ರಮೇಶ್ ಪ್ರಭು ನಿರೀಕ್ಷಿಸುತ್ತಿದ್ದಾರೆ.

ಹೀಗೆ ನೆರವಾಗಿ
ನೆರವು ನೀಡುವ ದಾನಿಗಳು ರಮೇಶ್ ಪ್ರಭು ಅವರ ಬಂಟ್ವಾಳ ತಾಲೂಕಿನ ಮಂಚಿಯಲ್ಲಿರುವ ಕರ್ಣಾಟಕ ಬ್ಯಾಂಕ್ ಖಾತೆಯ ಮೂಲಕ ನೆರವು ನೀಡಬಹುದು.
ಖಾತೆ ಸಂಖ್ಯೆ 4652500100714001 , IFSC ಸಂಖ್ಯೆ KARB0000465. ಹೆಚ್ಚಿನ ಮಾಹಿತಿಗೆ ರಮೇಶ್ ಪ್ರಭು ಅವರ ಮೊಬೈಲ್ ಸಂಖ್ಯೆ-9900400195.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss