Monday, July 4, 2022

Latest Posts

ಕಾಸರಗೋಡು| ಬಾಯಾರು ದೇವಸ್ಥಾನದ ಹೆಸರಿನ ವಾಟ್ಸ್ ಆ್ಯಪ್ ಗ್ರೂಪ್: ಅಶ್ಲೀಲ ವೀಡಿಯೋ‌ ಪೋಸ್ಟ್ ಮಾಡಿದ ಮೊಬೈಲ್ ನಂಬರ್ ಪಾಕಿಸ್ತಾನದ್ದು?

ಕಾಸರಗೋಡು: ಕಾಸರಗೋಡು ಜಿಲ್ಲೆಯ ಉಪ್ಪಳ ಪೈವಳಿಕೆ ಸಮೀಪದ ಬಾಯಾರು ದೇವಸ್ಥಾನದ ಹೆಸರಿನಲ್ಲಿ ಇರುವ ವಾಟ್ಸ್ಆ್ಯಪ್ ಗ್ರೂಪ್ ನಲ್ಲಿ ಅಶ್ಲೀಲ ವೀಡಿಯೋಗಳನ್ನು ಪೋಸ್ಟ್ ಮಾಡಿದ ಮೊಬೈಲ್ ನಂಬರ್ ಪಾಕಿಸ್ತಾನ ಮೂಲದ್ದಾಗಿದೆ ‌ಎಂಬ ಆತಂಕಕಾರಿ ಮಾಹಿತಿ ಬಹಿರಂಗಗೊಂಡಿದೆ.
ಕಾಸರಗೋಡು ಜಿಲ್ಲೆಯ ಬಾಯಾರಿನ ಐತಿಹಾಸಿಕ ಹಿನ್ನೆಲೆಯಿರುವ ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ಹೆಸರಿನಲ್ಲಿ ಇದ್ದ ವಾಟ್ಸ್ಆ್ಯಪ್ ಗ್ರೂಪ್ ಒಂದರಲ್ಲಿ ಅಶ್ಲೀಲ ವೀಡಿಯೋ ಪೋಸ್ಟ್ ಆದ ಘಟನೆ ಇತ್ತೀಚೆಗೆ ನಡೆದಿದ್ದು ಇದರಿಂದ ಶ್ರೀ ಕ್ಷೇತ್ರದ ಭಕ್ತಾದಿಗಳು ಆಕ್ರೋಶಗೊಂಡಿದ್ದಾರೆ. ಈ ಗ್ರೂಪ್ ನ್ನು ಆರಂಭ ಮಾಡಿದವರು ಕಮ್ಯೂನಿಸ್ಟ್ ಪಕ್ಷದ ಸಕ್ರಿಯ ಸದಸ್ಯರಾಗಿದ್ದಾರೆ.

ಹಿಂದು ಧಾರ್ಮಿಕ ಭಾವನೆಗೆ ಧಕ್ಕೆ ತರುವುದೇ ಕಮ್ಯೂನಿಸ್ಟರ ಮೂಲ ಉದ್ದೇಶ ಎಂಬುದು ಇದರಿಂದ ಸ್ಪಷ್ಟವಾಗುತ್ತದೆ. ಈಗಾಗಲೇ ಕಮ್ಯೂನಿಸ್ಟರ ಹಿಂದು ವಿರೋಧಿ ಧೋರಣೆಯನ್ನು ಶಬರಿಮಲೆ ವಿಷಯದಲ್ಲಿ ಜನಸಾಮಾನ್ಯರು ತಿಳಿದಿದ್ದಾರೆ. ಬಾಯಾರಿನ ಘಟನೆಯೂ ಕೂಡ ಕಮ್ಯೂನಿಸ್ಟರ ಹಿಂದು ಧರ್ಮ ವಿರೋಧಿ ಚಟುವಟಿಕೆಯ ಭಾಗವಾಗಿದೆ.

ಆ ವಾಟ್ಸ್ ಆ್ಯಪ್ ಗ್ರೂಪ್ ಗೆ ಹೆಸರು ಮಾತ್ರ ಶ್ರೀ ಕ್ಷೇತ್ರ ಬಾಯಾರು ಅಂತ ಇಡಲಾಗಿದೆ. ಊರ ದೇವಸ್ಥಾನದ ಹೆಸರಿನಲ್ಲಿ ವಾಟ್ಸ್ಆ್ಯಪ್ ಗ್ರೂಪ್ ಆರಂಭಿಸಿದ ಕಮ್ಯೂನಿಸ್ಟ್ ನ ಕಾಮ್ರೇಡ್ ಬುದ್ಧಿಗೆ ಭಕ್ತರು ರೋಷಗೊಂಡಿದ್ದಾರೆ. ಇತರ ಎಡ್ಮಿನ್ ಗಳು ಕೂಡ‌ ಕಮ್ಯೂನಿಸ್ಟ್ ಪಕ್ಷದ ಪದಾಧಿಕಾರಿಗಳೇ ಆಗಿದ್ದಾರೆ. ಉಳಿದಂತೆ ಯಾವ್ಯಾವುದೋ ಊರಿನವರು ಗುಂಪಿನ ಸದಸ್ಯರು. ಈ ಗ್ರೂಪ್ ನಲ್ಲಿ ದೇವಸ್ಥಾನದ ವಿಷಯ ಹೊರತುಪಡಿಸಿ ಉಳಿದೆಲ್ಲ ರಾಜಕೀಯ ವಿಚಾರಗಳನ್ನು ಹಾಕುತ್ತಿದ್ದರು. ಇತ್ತೀಚೆಗೆ ಈ ಗ್ರೂಪ್‌ ಗೆ ಯಾರೇ ಬೇಕಾದರೂ ಸೇರಲು ಅವಕಾಶ ಆಗುವಂತೆ ಲಿಂಕ್ ನ ಮೂಲಕ ಆಸ್ಪದ ನೀಡಿದ್ದು ಹಲವಾರು ಜನರು ಈ ಗ್ರೂಪ್ ಗ್ರಾಮ ದೇವಸ್ಥಾನಕ್ಕೆ ಸಂಬಂಧಿಸಿದ ಗ್ರೂಪ್ ಎಂದು ಸೇರಿದ್ದರು‌.

ಆದರೆ ಮೇ‌ 22ರಂದು ಅದೇ ಗ್ರೂಪ್ ನಲ್ಲಿ ಅಶ್ಲೀಲ ‌ಸಿನೆಮಾಗಳನ್ನು ಪೋಸ್ಟ್ ಮಾಡಲಾಗಿತ್ತು. ಈ ಕುರಿತಾಗಿ ಈಗಾಗಲೇ ಬಾಯಾರು ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ಸೇವಾ ಸಮಿತಿ, ಶ್ರೀ ಪಂಚಲಿಂಗೇಶ್ವರ ದೇವಸ್ಥಾನದ ಆಡಳಿತ ಮಂಡಳಿ ಹಾಗೂ ವಿಶ್ವ ಹಿಂದು ಪರಿಷತ್ ಕಾಸರಗೋಡು ಜಿಲ್ಲಾ ಸಮಿತಿಯ ವತಿಯಿಂದ ಮಂಜೇಶ್ವರ ಪೊಲೀಸರಿಗೆ ಪ್ರತ್ಯೇಕ ‌ದೂರುಗಳನ್ನು ನೀಡಲಾಗಿದೆ‌.

ಇದರ ಜೊತೆಗೆ ಈಗ ಆ ವೀಡಿಯೋವನ್ನು ಬಾಯಾರು ದೇವಸ್ಥಾನದ ಗ್ರೂಪ್ ನಲ್ಲಿ ಹಾಕಿದ್ದು ಪಾಕಿಸ್ತಾನದ ಮೂಲದ‌ ಮೊಬೈಲ್ ಸಂಖ್ಯೆ ಎಂಬ ಆತಂಕಕಾರಿ ಮಾಹಿತಿ ಬಂದಿದ್ದು, ಬಾಯಾರಿನಲ್ಲಿರುವ ಕಮ್ಯೂನಿಸ್ಟರಿಗೂ ಪಾಕಿಸ್ತಾನಕ್ಕೂ ಏನು‌ ನಂಟು ಎಂಬುದು ತನಿಖೆಯಿಂದಲೇ ಹೊರಬರಬೇಕಾಗಿದೆ. ಈ ಬಗ್ಗೆ ಸಮಗ್ರ ತನಿಖೆ ನಡೆಸಿ ತಪ್ಪಿತಸ್ಥ ದೇಶದ್ರೋಹಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಂಡು ಸಮಾಜ ವಿರೋಧಿ ಚಟುವಟಿಕೆಯನ್ನು ಸಂಪೂರ್ಣವಾಗಿ ಮಟ್ಟ ಹಾಕಬೇಕಾಗಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss