Saturday, January 16, 2021

Latest Posts

ಕಿಷ್ಕಿಂದಾ ಪರಿಸರದಲ್ಲಿ ಪುನಿತ್ ರಾಜ್ ಕುಮಾರ್ ‘ಜೇಮ್ಸ್’ ಸಿನಿಮಾ ಚಿತ್ರೀಕರಣ

ಕೊಪ್ಪಳ: ಐತಿಹಾಸಿಕ ಪ್ರಸಿದ್ದಿ ಪಡೆದಿರುವ ಕಿಷ್ಕಿಂದಾ ಪರಿಸರದಲ್ಲಿ ಕನ್ನಡದ ಮೇರು ನಟ ಪುನಿತ್ ರಾಜ್ ಕುಮಾರ್ ನಟಿಸುತ್ತಿರುವ ಜೇಮ್ಸ್ ಚಲನಚಿತ್ರದ ಚಿತ್ರೀಕರಣವು ಶನಿವಾರ ಆರಂಭವಾಗಿದೆ.
ಜೇಮ್ಸ್ ಚಿತ್ರೀಕರಣಕ್ಕಾಗಿ ಗ್ರಾಮೀಣ ಸೋಗಡಿನ ಕಥಾ ಹಂದರದಲ್ಲಿ ಅದಕ್ಕೆ ತಕ್ಕಂತೆ ಸೆಟ್‌ನ್ನು ನಿರ್ಮಿಸಲಾಗಿದ್ದು, ೧ನೇ ಶತಮಾನದ ಚಿಕ್ಕಬೆಣಕಲ್‌ನ ವಿಶ್ವವಿಖ್ಯಾತ ಮೌರ್ಯರ ಗುಹೆ ಆಕಾರದಲ್ಲಿ ಪುಟ್ಟ ಪುಟ್ಟ ಮನೆಗಳನ್ನು ಹೋಲುವಂತಹ ಶೆಟ್‌ಗಳನ್ನು ನಿರ್ಮಿಸಿ ಚಿತ್ರೀಕರಣ ನಡೆಸಿತ್ತಿರುವುದು ಸ್ಥಳೀಯರಲ್ಲಿ ಸಾಕಷ್ಟು ಕುತೂಹಲ ಮೂಡಿಸಿದೆ.
ನಿಸಗ್ ನಿರ್ಮಿತ ಬೆಟ್ಟಗಳ ಸಾಲು ಪ್ರವಾಸಿಗರಿಗೆ ಕೈಬೀಸಿ ಕರೆಯುವಂತಿದ್ದು, ಅಂಜನಾದ್ರಿ ಪರ್ವತ ಹಾಗೂ ವಾಣಿ ಭದ್ರೇಶ್ವರ ದೇವಸ್ಥಾನದ ಸುತ್ತಲು ಪ್ರದೇಶವು ಚಿತ್ರಿಕರಣಕ್ಕೆ ಪ್ರಸಕ್ತ ಸ್ಥಳವಾಗಿದೆ. ಈ ಹಿಂದೆಯೂ ಅನೇಕ ದೇಶ ವಿದೇಶಿಗಳ ಸಿನಿಮಾ ಚಿತ್ರೀಕರಣಗಳಾಗಿವೆ.
ಪ್ರಸ್ತುತ ಜೇಮ್ಸ್ ಚಲನಚಿತ್ರದಲ್ಲಿ ಪವರ್‌ಸ್ಟಾರ್ ಪುನೀತ್‌ರಾಜ್‌ಕುಮಾರ ನಾಯಕರಾಗಿ ನಟಿಸುತ್ತಿದ್ದು, ನಿರ್ದೇಶಕ ಚೇತನ್‌ಕುಮಾರ್ ಮಾರ್ಗದರ್ಶನದಲ್ಲಿ ಕೆಲ ದೃಶ್ಯಗಳನ್ನು ಚಿತ್ರೀಕರಿಸಲಾಯಿತು. ಚಿತ್ರಕಥೆ ಚೇತನ್‌ಕುಮಾರ್ ಗಂಗಾವತಿ ಬೆಟ್ಟಗುಡ್ಡಗಳ ಪ್ರಾಕೃತಿಕ ಸೌಂದರ್ಯಕ್ಕೆ ಮಾರುಹೋಗಿದ್ದು, ಕೇಲ ಕಾಲ ಚಿತ್ರಿಕರಣವನ್ನು ನಡೆಸಲಿದ್ದಾರೆ.
ಚರಣ್‌ರಾಜ್ ಈ ಚಿತ್ರಕ್ಕೆ ಸಂಗೀತ ನೀಡಿದ್ದು, ಸಿನಿಆಟೋಗ್ರಫಿ ಶ್ರೀಶ ಕುಡುವಳ್ಳಿ ಅವರದಿದೆ. ಪ್ರಿಯಾ ಆನಂದ್ ನಾಯಕಿಯಾಗಿ ನಟಿಸುತ್ತಿದ್ದು, ಬಸಾಪಟ್ಟಣ ಮೂಲದ ತೆಲುಗು ಖ್ಯಾತ ಚಿತ್ರನಟ ಶ್ರೀಕಾಂತ ಕೂಡ ಈ ಚಿತ್ರದಲ್ಲಿ ನಟಿಸುತ್ತಿದ್ದಾರೆ. ಕಿಶೋರ್ ಪತ್ತಿಕೊಂಡ ನಿರ್ಮಿಸುತ್ತಿರುವ ಅದ್ಧೂರಿ ಚಿತ್ರದ ಚಿತ್ರೀಕರಣ ಈ ಭಾಗದಲ್ಲಿ ನಡೆಯುತ್ತಿರುವುದು ವಿಶೇಷ. ಈ ಹಿಂದೆ ಪವನ್ ಒಡೆಯರ್ ಅವರ ನಿರ್ದೇಶನದ ರಣವಿಕ್ರಮ ಚಿತ್ರವೂ ಕೂಡ ಈ ಭಾಗದಲ್ಲೇ ಚಿತ್ರೀಕರಣಗೊಂಡಿದ್ದು, ಆ ಚಿತ್ರಕ್ಕೆ ಪುನೀತ್‌ರಾಜ್‌ಕುಮಾರ್ ನಾಯಕನಟರಾಗಿ ನಟಿಸಿದ್ದರು. ಹಿಂದಿ, ಕನ್ನಡ, ತೆಲುಗು, ಇಂಗ್ಲೀಷ್‌ನAತಹ ಬಹುಭಾಷ ಚಿತ್ರಗಳು ಇಲ್ಲಿ ಚಿತ್ರೀಕರಣಗೊಂಡಿದ್ದು ನಿರ್ದೇಶಕರ ಅಚ್ಚುಮೆಚ್ಚಿನ ತಾಣವಾಗಿದೆ.

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

Don't Miss

error: Content is protected !!