Thursday, August 11, 2022

Latest Posts

ಕೊಡಗು: ಸೋಮವಾರ 12 ಮಂದಿಗೆ ಕೊರೋನಾ ಸೋಂಕು ದೃಢ

ಮಡಿಕೇರಿ: ಕೊಡಗು ಜಿಲ್ಲೆಯಲ್ಲಿ‌ ಸೋಮವಾರ ಬೆಳಗ್ಗೆ 12ಹೊಸ ಕೋವಿಡ್-19 ಪ್ರಕರಣಗಳು ದೃಢಪಟ್ಟಿದೆ.
ರ್ಯಾಪಿಡ್ ಆಂಟಿಜನ್ ಪರೀಕ್ಷೆಯ ಮೂಲಕ ಮೈಸೂರಿನ 20 ವರ್ಷದ ಮಹಿಳೆ ಮತ್ತು 35 ವರ್ಷದ ಪುರುಷ, ಸೋಮವಾರಪೇಟೆ ಶಿರಂಗಾಲ ಸರ್ಕಾರಿ ಶಾಲೆ ಸಮೀಪದ 53 ವರ್ಷದ ಪುರುಷ,ಕುಶಾಲನಗರ ರಾಧಾ ಕೃಷ್ಣ ಲೇಔಟಿನ ಸೋಮೇಶ್ವರ ಬ್ಲಾಕ್ ನ 34 ವರ್ಷದ ಮಹಿಳೆ, 41 ವರ್ಷದ ಪುರುಷ ಮತ್ತು 9ವರ್ಷದ ಬಾಲಕನಲ್ಲಿ ಸೋಂಕು ಕಾಣಿಸಿಕೊಂಡಿದೆ.
ಹಾಸನ ಅರಕಲಗೂಡುವಿನ 34ವರ್ಷದ ಪುರುಷ,ಮಡಿಕೇರಿ ವೈದ್ಯಕೀಯ ಕಾಲೇಜ್ ನ ಬೋಧಕೇತರ ಸಿಬ್ಬಂದಿ ವಸತಿಗೃಹದ 27 ವರ್ಷದ ಪುರುಷ,ಮಡಿಕೇರಿ ಕಾಲೇಜು ರಸ್ತೆಯ ಉಡುಪಿ ಹೊಟೇಲ್ ಸಮೀಪದ 53ವರ್ಷದ ಪುರುಷ,ಸೋಮವಾರಪೇಟೆ ಸುಗ್ಗಿಕಟ್ಟೆ ಚೌಡ್ಲುವಿನ 45ವರ್ಷದ ಮಹಿಳೆಯಲ್ಲಿ ಸೋಂಕು ಗೋಚರಿಸಿದೆ.
‌ ಸೋಮವಾರಪೇಟೆ ಬಿಳಿಗಿರಿಯ ಕುಂಬೂರು ಗ್ರಾಮದ 28ವರ್ಷದ ಮಹಿಳೆ,ಮಡಿಕೇರಿ ಚೈನ್ ಗೇಟ್ ನ ಪಿ.ಡಬ್ಲ್ಯೂ. ಡಿ ವಸತಿ ಗೃಹದ 43 ವರ್ಷದ ಪುರುಷನಿಗೆ ಸೋಂಕು ದೃಢಪಟ್ಟಿದೆ. ಇದರೊಂದಿಗೆ ಜಿಲ್ಲೆಯಲ್ಲಿನ ಒಟ್ಟು ಕೊರೋನಾ ಸೋಂಕಿತರ ಸಂಖ್ಯೆ 2283ರಷ್ಟಾಗಿದ್ದು, 1872 ಮಂದಿ ಗುಣಮುಖರಾಗಿದ್ದಾರೆ. 381ಸಕ್ರಿಯ ಪ್ರಕರಣಗಳಿದ್ದು, 30 ಮಂದಿ ಸಾವಿಗೀಡಾಗಿದ್ದು,ಜಿಲ್ಲೆಯಲ್ಲಿನ ಕಂಟೈನ್ ಮೆಂಟ್ ವಲಯಗಳ ಸಂಖ್ಯೆ 332ರಷ್ಟಾಗಿದೆ ಎಂದು ಜಿಲ್ಲಾಧಿಕಾರಿ ಅನೀಸ್ ಕಣ್ಮಣಿ ಜಾಯ್ ಅವರು ತಿಳಿಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss