Saturday, January 23, 2021

Latest Posts

ಕೊರೋನಾ ಆರ್‌ಟಿ-ಪಿಸಿಆರ್ ಪರೀಕ್ಷೆ, ಚಿಕಿತ್ಸಾ ದರ ನಿಗದಿ: ಕೇಂದ್ರ ಪ್ರತಿಕ್ರಿಯೆ ಕೇಳಿದ ಸುಪ್ರೀಂ

ಹೊಸದಿಗಂತ ಆನ್ ಲೈನ್ ಡೆಸ್ಕ್:

ಕೋವಿಡ್-19ಕ್ಕೆ ಸಂಬಂಸಿದ ಆರ್‌ಟಿ-ಪಿಸಿಆರ್ ಪರೀಕ್ಷೆ ಮತ್ತು ಚಿಕಿತ್ಸೆಗೆ ದೇಶಾದ್ಯಂತ ದರವೊಂದನ್ನು ನಿಗದಿಪಡಿಸಲು ಕೇಂದ್ರ ಸರಕಾರಕ್ಕೆ ನಿರ್ದೇಶನ ನೀಡಬೇಕೆಂದು ಕೋರುವ ಸಾರ್ವಜನಿಕ ಹಿತಾಸಕ್ತಿ ಅರ್ಜಿ ಬಗ್ಗೆ ಸರ್ವೋಚ್ಚ ನ್ಯಾಯಾಲಯ ಮಂಗಳವಾರ ಕೇಂದ್ರದ ಪ್ರತಿಕ್ರಿಯೆ ಕೇಳಿತು.

ಮುಖ್ಯ ನ್ಯಾಯಾಶ ಎಸ್.ಎ.ಬೊಬ್ಡೆ , ನ್ಯಾ.ಎ.ಎಸ್.ಬೋಪಣ್ಣ, ವಿ.ರಾಮಸುಬ್ರಹ್ಮಣ್ಯನ್ ಅವರನ್ನೊಳಗೊಂಡ ಪೀಠವೊಂದು ಈ ಬಗ್ಗೆ ಕೇಂದ್ರ ಆರೋಗ್ಯ ಸಚಿವಾಲಯಕ್ಕೆ ನೋಟಿಸ್ ನೀಡಿದೆ.ವಕೀಲ ಅಜಯ್ ಅಗರ್ವಾಲ್  ಎಂಬವರು ಈ ಬಗ್ಗೆ ಅರ್ಜಿ ಸಲ್ಲಿಸಿದ್ದು, ಎರಡು ವಾರಗಳ ಬಳಿಕ ನ್ಯಾಯಾಲಯ ಇದನ್ನು ವೀಡಿಯೋ ಕಾನರೆನ್ಸ್ ಮೂಲಕ ವಿಚಾರಣೆಗೆತ್ತಿಕೊಂಡಿದೆ.ಈ ಸಂದರ್ಭದಲ್ಲೇ ಕೋವಿಡ್-19ರ ಚಿಕಿತ್ಸಾ ವೆಚ್ಚ ನಿಗದಿಪಡಿಸುವಂತೆ ಕೋರುವ ಇನ್ನೊಂದು ಅರ್ಜಿಯನ್ನೂ ಇದರೊಂದಿಗೇ ವಿಚಾರಣೆಗೆತ್ತಿಕೊಳ್ಳುವುದಾಗಿ ನ್ಯಾಯಾಲಯ ಹೇಳಿತು.

ಆರ್‌ಟಿ-ಪಿಸಿಆರ್ ಪರೀಕ್ಷೆಗೆ ದೇಶಾದ್ಯಂತ ಏಕರೂಪದ 400ರೂ.ಗಳ ಗರಿಷ್ಠ ದರ ನಿಗದಿಪಡಿಸಬೇಕು.ಈಗ ವಿಭಿನ್ನ ರಾಜ್ಯ ಸರಕಾರಗಳು ಮತ್ತು ಕೇಂದ್ರಾಡಳಿತ ಪ್ರದೇಶ ಹಾಗೂ ದಿಲ್ಲಿ ಎನ್‌ಸಿಟಿ ಸರಕಾರಗಳು ಈ ಪರೀಕ್ಷೆಗೆ 900ರೂ.ಗಳಿಂದ 2800ರೂ.ಗಳವರೆಗೆ ದರ ನಿಗದಿಪಡಿಸಿವೆ.

ಆಂಧ್ರದಲ್ಲಿ ಇದರಿಂದ ಪ್ರಯೋಗಾಲಯಗಳು ಗಳಿಸುವ ಲಾಭ ಶೇ.1400ರಷ್ಟು ಇದ್ದರೆ, ದಿಲ್ಲಿಯಲ್ಲಿ ಶೇ.1200ರಷ್ಟಿದೆ .ವಾಸ್ತವವಾಗಿ ಭಾರತೀಯ ಮಾರುಕಟ್ಟೆಯಲ್ಲಿ ಆರ್‌ಟಿ-ಪಿಸಿಆರ್ ಕಿಟ್‌ಗಳು ಈಗ 200ರೂ.ಗಳಿಗೂ ಕಡಿಮೆ ದರದಲ್ಲಿ ಲಭಿಸುತ್ತಿವೆ.ಆದ್ದರಿಂದ ಆಸ್ಪತ್ರೆಗಳು ಮತ್ತು  ಪ್ರಯೋಗಾಲಯಗಳು ನಡೆಸುತ್ತಿರುವ ದೊಡ್ಡ ಲೂಟಿ ಇದಾಗಿದೆ ಎಂಬುದಾಗಿ ಅವರು ಪ್ರತಿಪಾದಿಸಿದ್ದಾರೆ.

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

Don't Miss

error: Content is protected !!