Thursday, August 18, 2022

Latest Posts

ಕೊಲೆ ಆರೋಪಿ ಭಾಗಿ: ಗೃಹ ಇಲಾಖೆ ವೈಫಲ್ಯ, ಪುತ್ರಿಯ ಮದುವೆಯಲ್ಲಿ ಕೇರಳ ಸಿಎಂಗೆ ಮುಜುಗರ!

ತಿರುವನಂತಪುರ: ಅಂತರ ಧರ್ಮೀಯ ವಿವಾಹವಾದ ಕೇರಳ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್​ ಪುತ್ರಿಯ ಮದುವೆ ಕಾರ್ಯಕ್ರಮವು ಇದೀಗ ಮತ್ತೊಂದು ವಿವಾದಕ್ಕೆ ಸಿಲುಕಿದೆ.
ತಿರುವನಂತಪುರದ ಸಿಎಂ ಅಧಿಕೃತ ನಿವಾಸವಾದ ಕ್ಲಿಪ್ ಹೌಸ್ ನಲ್ಲಿ ಸರಳವಾಗಿ ನಡೆದ ಮದುವೆಯಲ್ಲಿ ಕೊಲೆ ಅಪರಾಧಿಯೊಬ್ಬ ಪಾಲ್ಗೊಂಡಿದ್ದು , ಹಲವರ ಅಚ್ಚರಿಗೂ, ಆತಂಕಕ್ಕೂ ಕಾರಣವಾಗಿದೆ. ರಾಜ್ಯ ಗೃಹ ಇಲಾಖೆಯ ವೈಫಲ್ಯಕ್ಕೂ ಇದು ಸಾಕ್ಷಿಯಾಗಿದೆ ಎಂದು ಹೇಳಲಾಗುತ್ತಿದೆ.
ಪಿಣರಾಯಿ ವಿಜಯನ್​ ಅವರ ಪುತ್ರಿ ವೀಣಾ ವಿವಾಹವು ಸಿಪಿಐಎಂ ಯುವ ಘಟಕವಾದ ಡಿವೈಎಫ್ಐ ರಾಷ್ಟ್ರೀಯ ಅಧ್ಯಕ್ಷ ಪಿ.ಎ.ಮೊಹಮ್ಮದ್​ ರಿಯಾಸ್ ಜೊತೆಗೆ ಸುಮಾರು 50ರಷ್ಟು ಜನರ ಸಮ್ಮುಖದಲ್ಲಿ ಸೋಮವಾರ ನೆರವೇರಿತು. ಇದರಲ್ಲಿ ಮೊಹಮ್ಮದ್​ ಹಾಶೀಮ್ ಕೂಡ ಒಬ್ಬ.
ಈತ ಕೊಲೆ ಪ್ರಕರಣವೊಂದರಲ್ಲಿ ಶಿಕ್ಷೆಗೆ ಗುರಿಯಾಗಿ ಜೈಲಿನಲ್ಲಿದ್ದ. ಕೋವಿಡ್​ ಕಾರಣದಿಂದಾಗಿ ಪರೋಲ್​ ಮೇಲೆ ಬಿಡುಗಡೆಗೊಂಡಿದ್ದಾನೆ.
ರಿಯಾಸ್​ಗೆ ಹಾಶೀಮ್​ ಆಪ್ತನಾಗಿದ್ದು , ಮದುವೆಯಲ್ಲಿ ಪಾಲ್ಗೊಂಡಿದ್ದ. ಆದರೆ ಕೊಲೆ ಅಪರಾಧಿಯೊಬ್ಬ ಸಿಎಂ ನಿವಾಸಕ್ಕೆ ತೆರಳಿದ್ದು, ಗೃಹ ಇಲಾಖೆಯ ದೊಡ್ಡ ವೈಫಲ್ಯ ಎಂದೇ ಪರಿಗಣಿಸಲಾಗಿದೆ. ಇದಲ್ಲದೆ ಗೃಹ ಖಾತೆಯನ್ನು ಸ್ವತಃ ಸಿಎಂ ಪಿಣರಾಯಿ ವಿಜಯನ್​ ನಿರ್ವಹಿಸುತ್ತಿದ್ದು , ಘಟನೆ ಇರಿಸುಮುರಿಸಿಗೆ ಕಾರಣವಾಗಿದೆ. ಅಲ್ಲದೆ ಇದು ರಾಜಕೀಯ ವಿವಾದಕ್ಕೂ ದಾರಿಮಾಡಿಕೊಟ್ಟಿದೆ. ಜೊತೆಗೆ ಸಿಪಿಎಂ ಪಕ್ಷದವರಿಗೂ ಮುಜುಗರ ಉಂಟು ಮಾಡಿದೆ.
ಏಳು ವರ್ಷಗಳ ಶಿಕ್ಷೆಗೆ ಗುರಿಯಾಗಿದ್ದ ಹಾಶೀಮ್​ನನ್ನು ಕೇರಳ ಹೈಕೋರ್ಟ್ ಪ್ರಕರಣದಿಂದ ಮುಕ್ತಗೊಳಿಸಿತ್ತು. ಆದರೆ ಸುಪ್ರೀಂಕೋರ್ಟ್ ಮತ್ತೆ ಶಿಕ್ಷೆ ವಿಧಿಸಿತ್ತು. ಅಂತಹ ವ್ಯಕ್ತಿಯೊಬ್ಬ ಸಿಎಂ ನಿವಾಸದ ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲು ಹೇಗೆ ಸಾಧ್ಯ ಎಂದು ಬಿಜೆಪಿ ರಾಜ್ಯ ಘಟಕ ಪ್ರಶ್ನಿಸಿದೆ. ಆತನ ಪರೋಲ್​ ರದ್ದುಗೊಳಿಸಲು ಸುಪ್ರೀಂಕೋರ್ಟ್​ ಮೊರೆ ಹೋಗುವುದಾಗಿ ಬಿಜೆಪಿ ರಾಜ್ಯ ಸಮಿತಿ ತಿಳಿಸಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss

error: Content is protected !!