ಕೋಲಾರ ಜಿಲ್ಲೆಯಲ್ಲಿ 42 ಮಂದಿಗೆ ಪಾಸಿಟಿವ್, 54 ಮಂದಿ ಬಿಡುಗಡೆ

ಕೋಲಾರ:  ಜಿಲ್ಲೆಯಲ್ಲಿ ಸೋಮವಾರ ೪೨ ಸೋಂಕಿತ ಪ್ರಕರಣಗಳು ಪತ್ತೆಯಾಗಿದ್ದು, ಇದರಿಂದ ಒಟ್ಟು ಪ್ರಕರಣಗಳ ಸಂಖ್ಯೆ ೧೪೫೧ ಕ್ಕೆ ಏರಿದೆ. ಜತೆಗೆ ಇಂದು ಒಂದೇ ದಿನ ೫೪ ಮಂದಿ ಗುಣಮುಖರಾಗಿ ಬಿಡುಗಡೆಯಾಗಿದ್ದಾರೆ.
ಇಂದು ಪಾಸಿಟಿವ್ ಬಂದಿರುವ ಎಲ್ಲರೂ ಜಿಲ್ಲಾಸ್ಪತ್ರೆ ಮತ್ತು ಜಾಲಪ್ಪ ಆಸ್ಪತ್ರೆಯ ಹಾಗೂ ಇಂದಿನಿಂದ  ತಾಲೂಕು ಕೇಂದ್ರಗಳಲ್ಲಿ ಆರಂಭವಾಗಿರುವ ಹಾಸ್ಟೆಲ್ ಕಟ್ಟಗಳಲ್ಲಿ ದಾಖಲಾಗಿದ್ದು, ಎಲ್ಲರ ಆರೋಗ್ಯವೂ ಸ್ಥಿರವಾಗಿದೆ.
ಕೋಲಾರ ತಾಲೂಕಿನಲ್ಲಿ ೨೪, ಮಾಲೂರು ೫, ಬಂಗಾರಪೇಟೆ ೧, ಕೆಜಿಎಫ್‌ನಲ್ಲಿ ೯, ಮುಳಬಾಗಿಲಿನಲ್ಲಿ ೩ ಪಾಸಿಟಿವ್ ಪ್ರಕರಣ ವರದಿಯಾಗಿದೆ.
ಇಂದು ೫೪ ಮಂದಿ ಸೋಂಕಿತರು ಗುಣಮುಖರಾಗಿ ಬಿಡುಗಡೆಹೊಂದಿದ್ದು, ಒಟ್ಟು ಬಿಡುಗಡೆಯಾದವರ ಸಂಖ್ಯೆ ೭೫೫ ಆಗಿದೆ.
ಕೋಲಾರ ತಾಲೂಕಿನಿಂದ ೩೬, ಮಾಲೂರು ೫, ಬಂಗಾರಪೇಟೆ ೧, ಕೆಜಿಎಫ್‌ನಿಂದ ೧, ಮುಳಬಾಗಿಲಿನಿಂದ ೪, ಶ್ರೀನಿವಾಸಪುರದಿಂದ ೭ ಮಂದಿ ಗುಣಮುಖರಾಗಿ ಬಿಡುಗಡೆ ಹೊಂದಿದ್ದಾರೆ.
ಒಟ್ಟು ಸಕ್ರಿಯ ಪ್ರಕರಣಗಳ ಸಂಖ್ಯೆ ೬೭೧ ಆಗಿದೆ. ತುರ್ತು ನಿಗಾ ಘಟಕದಲ್ಲಿ ೨೨ ಸೋಂಕಿತರು ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಜಿಲ್ಲೆಯಲ್ಲಿ ಸೋಮವಾರ ಯಾರೂ ಸಾವನ್ನಪ್ಪಿಲ್ಲ, ಒಟ್ಟು ಈವರೆಗೂ ಸತ್ತವರ ಸಂಖ್ಯೆ ೨೫ ಆಗಿದೆ.
ಜಿಲ್ಲೆಯಲ್ಲಿ ಈಗ ಪ್ರಸ್ತುತ ೧೩೧೨೯ ಮಂದಿಯನ್ನು ನಿಗಾವಣೆಯಲ್ಲಿ ಇಡಲಾಗಿದೆ. ಈವರೆಗೂ ಜಿಲ್ಲೆಯಲ್ಲಿ ೨೬೧೬೫ ಮಾದರಿಗಳನ್ನು ಪರೀಕ್ಷಿಸಲಾಗಿದ್ದು, ೨೪೩೦೩ ಮಾದರಿಗಳು ನೆಗಟಿವ್ ಎಂದು ವರದಿಯಾಗಿದೆ.