Sunday, April 11, 2021

Latest Posts

ಗೌಪ್ಯತಾ ನಿಯಮಕ್ಕೆ ಬಳಕೆದಾರರ ಆಕ್ರೋಶ: ಹೊಸ ಅಪ್ಡೇಟ್​​​​ ಗಡುವು ಮುಂದೂಡಿದ WhatsApp!

ಹೊಸ ದಿಗಂತ ಆನ್ ಲೈನ್ ಡೆಸ್ಕ್:

ಹೊಸ ಗೌಪ್ಯತಾ ನಿಯಮಗಳ ಹೊಸ ನವೀಕರಣವನ್ನು ವಾಟ್ಸ್​ಆ್ಯಪ್​ ಮೇ 15ಕ್ಕೆ ಮುಂದೂಡಿರುವುದಾಗಿ ತಿಳಿಸಿದೆ.
400 ದಶಲಕ್ಷಕ್ಕೂ ಹೆಚ್ಚು ಬಳಕೆದಾರರನ್ನು ಹೊಂದಿರುವ ವಾಟ್ಸ್​ಆ್ಯಪ್​, ಭಾರತದಲ್ಲಿ ಅತಿದೊಡ್ಡ ಮಾರುಕಟ್ಟೆ ಪಡೆದಿದೆ. ಆದರೆ ಕಳೆದ ಕೆಲ ದಿನಗಳಿಂದ ಬಳೆಕೆದಾರರ ಕೆಂಗಣ್ಣಿಗೆ ಗುರಿಯಾಗಿದ್ದ ವಾಟ್ಸ್​ಆ್ಯಪ್​ ಇದೀಗ ಹೊಸ ನವೀಕರಣವನ್ನು ಮುಂದೂಡಿರುವುದಾಗಿ ತಿಳಿಸಿದೆ.
ಈ ಕುರಿತು ವಾಟ್ಸ್​ಆ್ಯಪ್​ ತನ್ನ ನಿಯಮಗಳನ್ನು ಪರಿಶೀಲನೆ ಮತ್ತು ನವೀಕರಿಸುವಂತೆ ಬಳಕೆದಾರರಿಗೆ ಕೇಳುವ ದಿನಾಂಕವನ್ನು ಹಿಂದಕ್ಕೆ ತೆಗೆದುಕೊಳ್ಳುತ್ತಿದೆ ಎಂದು ಬ್ಲಾಗ್ ಪೋಸ್ಟ್​​ನಲ್ಲಿ ಹೇಳಿದೆ.
ಫೆಬ್ರವರಿ 8 ರಂದು ಯಾರ ಖಾತೆಯನ್ನೂ ಅಮಾನತುಗೊಳಿಸುವುದಿಲ್ಲ ಮತ್ತು ಅಳಿಸುವುದಿಲ್ಲ. ವಾಟ್ಸ್​ಆ್ಯಪ್​ನಲ್ಲಿ ಗೌಪ್ಯತೆ ಮತ್ತು ಸುರಕ್ಷತೆ ಹೇಗೆ ಕಾರ್ಯನಿರ್ವಹಿಸುತ್ತದೆ ಎಂಬುದರ ಬಗೆಗಿನ ತಪ್ಪು ಮಾಹಿತಿ ತೆಗೆದುಹಾಕಲು ನಾವು ಇನ್ನೂ ಹೆಚ್ಚಿನದನ್ನು ಮಾಡಲಿದ್ದೇವೆ. ಈ ನಂತರ ಪಾಲಿಸಿ ಪರಿಶೀಲಿಸಲು ಕ್ರಮೇಣ ಜನರ ಬಳಿಗೆ ಹೋಗುತ್ತೇವೆ. ಮೇ 15ರಂದು ಹೊಸ ವ್ಯವಹಾರ ಆಯ್ಕೆಗಳು ಲಭ್ಯವಾಗಲಿವೆ. ಅಂದು ಆ್ಯಪ್​ ಅನ್ನು ಅಪ್ಡೇಟ್​​​​ ಮಾಡಿಕೊಳ್ಳಬಹುದು ಎಂದು ತಿಳಿಸಿದೆ.
ಇನ್ನು ನಮ್ಮ ಇತ್ತೀಚಿನ ಅಪ್ಡೇಟ್​‌ನಲ್ಲಿ ಎಷ್ಟು ಗೊಂದಲಗಳಿವೆ ಎಂಬುದನ್ನು ನಾವು ಅನೇಕ ಜನರಿಂದ ಕೇಳಿದ್ದೇವೆ. ಸಾಕಷ್ಟು ತಪ್ಪು ಮಾಹಿತಿಗಳು ಕಳವಳ ಉಂಟುಮಾಡಿದೆ. ನಮ್ಮ ಪಾಲಿಸಿ ಮತ್ತು ನಿಜಾಂಶ ಅರ್ಥಮಾಡಿಕೊಳ್ಳಲು ಪ್ರತಿಯೊಬ್ಬರಿಗೂ ಸಹಾಯ ಮಾಡಲು ನಾವು ಬಯಸುತ್ತೇವೆ ಎಂದು ವಾಟ್ಸ್​ಆ್ಯಪ್​ ಹೇಳಿದೆ.

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

spot_imgspot_img

Don't Miss