Wednesday, August 17, 2022

Latest Posts

ಜಪಾನ್‌… ಭಾರತ… ಅಂದಹಾಗೆ ಕೊರೋನಾವೈರಸ್ ಲಸಿಕೆಯ ಶೋಧ ಎಲ್ಲಿಗೆ ಬಂತು??

ಹೊಸದಿಲ್ಲಿ: ವಿಶ್ವಾದ್ಯಂತ ಕೊರೋನಾವೈರಸ್‌ಗೆ ಲಸಿಕೆ ಕಂಡುಹಿಡಿಯುವ ಪ್ರಕ್ರಿಯೆ ನಡೆಯುತ್ತಿದೆ. ಪ್ರಮುಖ ಲಸಿಕೆ ತಯಾರಿಕಾ ಕಂಪೆನಿಯಾದ ನೋವಾವಾಕ್ಸ್  ಮಾನವನ ಮೇಲೆ ಪ್ರಯೋಗವನ್ನು ಆರಂಭಿಸಿದೆ. ಅದು  ಆಸ್ಟ್ರೇಲಿಯಾದಲ್ಲಿ  ಮಾನವರ ಮೇಲೆ ಲಸಿಕೆ ಪ್ರಯೋಗಿಸಿದೆ. ಒಟ್ಟು 132 ಮಂದಿಗೆ ಈ ಲಸಿಕೆ ಪ್ರಯೋಗಿಸಲಾಗುವುದು. ಈ ಪ್ರಯೋಗದ ಫಲಿತಾಂಶವು ಜುಲೈನಲ್ಲಿ ಲಭ್ಯವಾಗಲಿದೆ ಎಂದು ಕಂಪೆನಿಯು ಹೇಳಿದೆ.


ಮನುಷ್ಯನಲ್ಲಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಗುರಿಯನ್ನು ಈ ಲಸಿಕೆಯು ಹೊಂದಿದೆ. ಮೊದಲ ಹಂತದ ಪ್ರಯೋಗವು ಯಶಸ್ವಿಯಾದರೆ ಎರಡನೇ ಹಂತದ ಪ್ರಯೋಗವನ್ನು ಮುಂದುವರಿಸುವುದಾಗಿ ಕಂಪೆನಿ ಹೇಳಿದೆ. ಈ ಹಂತದಲ್ಲಿ ಇನ್ನಷ್ಟು ದೇಶಗಳಲ್ಲಿ ಮನುಷ್ಯರ ಮೇಲೆ ಲಸಿಕೆ ಪ್ರಯೋಗಿಸಲಾಗುವುದು.
ಜಪಾನ್‌ನಲ್ಲಿ….
ಇದೇ ವೇಳೆ, ಜಪಾನಿನ ಆಂಜೆಸ್ ಕಂಪೆನಿ ಈ ವಷಾಂತ್ಯದೊಳಗೆ ತಾನು ಲಸಿಕೆಯನ್ನು ಮಾರುಕಟ್ಟೆಗೆ ಬಿಡುವುದಾಗಿ ಹೇಳಿದೆ. ಅದು ಕೂಡ ಮಾನವರ ಮೇಲೆ ಲಸಿಕೆ ಪ್ರಯೋಗ ನಡೆಸುವುದಾಗಿ ತಿಳಿಸಿದೆ.  ಈ ಕುರಿತಾದ ಡಿಎನ್‌ಎ  ಪರೀಕ್ಷೆಯನ್ನು ಸೆಪ್ಟೆಂಬರ್‌ನಲ್ಲಿ ನಡೆಸುವುದಾಗಿ ಹೇಳಿದ್ದ ಕಂಪೆನಿಯು ಇದೀಗ ಜುಲೈನಲ್ಲೆ ಇದನ್ನು ನಡೆಸುವುದಾಗಿ ಹೇಳಿದೆ. ಪ್ರಾಣಿಗಳ ಮೇಲೆ ತಾವು ನಡೆಸಿದ ಪ್ರಯೋಗದಿಂದ ಪ್ರಾಣಿಗಳಲ್ಲಿ ಉತ್ತಮ ಫಲಿತಾಂಶ ಕಂಡುಬಂದಿದೆ ಎಂದು ಕಂಪೆನಿ ತಿಳಿಸಿದೆ.
ಭಾರತದಲ್ಲಿ….
ಭಾರತದಲ್ಲಿ ಕೂಡ ಲಸಿಕೆ ಕಂಡುಹಿಡಿಯುವ ಪ್ರಯತ್ನಗಳು ನಡೆಯುತ್ತಿವೆ. ಮಾನವ ಪ್ರಯೋಗವು ಇನ್ನಾರು ತಿಂಗಳುಗಳಲ್ಲಿ ಶುರುವಾಗಬಹುದು ಎಂದು ಐಸಿಎಂಆರ್ ತಿಳಿಸಿದೆ. ಪುಣೆಯ ಪ್ರಯೋಗಾಲಯದಲ್ಲಿ ವೈರಾಣುವಿನ ಅಂಶವನ್ನು ಬೇರ್ಪಡಿಸಿ ಅದನ್ನು ಭಾರತ್ ಬಯೋಟೆಕ್ ಇಂಟರ್‌ನ್ಯಾಷನಲ್ ಲಿಮಿಟೆಡ್‌ಗೆ ನೀಡಲಾಗಿದೆ. ಅಲ್ಲಿ ಇನ್ನಷ್ಟು ಸಂಶೋಧನೆ ನಡೆಸಿ ಲಸಿಕೆ ತಯಾರಿಸಲಾಗುವುದು. ಬಹುಶ ಮಾನವರ ಮೇಲೆ ಪ್ರಯೋಗವು ಇನ್ನು ಆರು ತಿಂಗಳಲ್ಲಿ ಶುರುವಾಗಬಹುದು ಎಂದು ಸಂಸ್ಥೆಯು ಹೇಳಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss

error: Content is protected !!