Thursday, June 30, 2022

Latest Posts

ಜಾನಿ ಬೈರ್ಸ್ಟೋವ್ ಭರ್ಜರಿ ಆಟ: ಕಿಂಗ್ಸ್​ ಇಲೆವೆನ್ ಪಂಜಾಬ್ ಗೆಲುವಿಗೆ 202ರನ್​ಗಳ ಗುರಿ

ದುಬೈ: ಸನ್​ರೈಸರ್ಸ್ ಹೈದರಾಬಾದ್​ ಹಾಗು ಕಿಂಗ್ಸ್​ ಇಲೆವೆನ್ ಪಂಜಾಬ್​ ನಡುವಿನ ಪಂದ್ಯದಲ್ಲಿ ಟಾಸ್​ ಗೆದ್ದು ಬ್ಯಾಟಿಂಗ್ ಆಯ್ದುಕೊಂಡ ಹೈದರಾಬಾದ್ ಬೃಹತ್ ಮೊತ್ತವನ್ನು ಕಲೆ ಹಾಕಿದೆ.
ಆರಂಭಿಕರಾದ ನಾಯಕ ಡೇವಿಡ್ ವಾರ್ನರ್​ ಹಾಗೂ ಜಾನಿ ಬೈರ್ಸ್ಟೋವ್ ಅವರ ಭರ್ಜರಿ ಅರ್ಧಶತಕಗಳ ಕಿಂಗ್ಸ್​ ಇಲೆವೆನ್ ಪಂಜಾಬ್​ ಗೆಲುವಿಗೆ 202ರನ್​ಗಳ ಗುರಿ ನೀಡಿದೆ .
ನಾಯಕ ವಾರ್ನರ್​(52) ಹಾಗೂ ಬೈರ್ಸ್ಟೋವ್​(97) ಮೊದಲ ವಿಕೆಟ್​ಗೆ 160 ರನ್​ಗಳ ಬೃಹತ್ ಮೊತ್ತದ ಜೊತೆಯಾಟ ನೀಡಿದರು.ಇವರಿಬ್ಬರ ನಂತರ ಬಂದ ಮನೀಶ್ ಪಾಂಡೆ ಕೇವಲ 1 ರನ್​ಗಳಿಸಿ ಅರ್ಷ್​ದೀಪ್​ ಸಿಂಗ್ ಬೌಲಿಂಗ್​ನಲ್ಲಿ ಅವರಿಗೆ ಕ್ಯಾಚ್​ ನೀಡಿ ಔಟಾದರೆ, ಇವರ ಬೆನ್ನಲ್ಲೇ ಅಬ್ದುಲ್ ಸಮದ್​ 8 ರನ್​ಗಳಿಸಿ ಬಿಷ್ಣೋಯ್​ಗೆ ಮೂರನೇ ಬಲಿಯಾದರು. ಯುವ ಬ್ಯಾಟ್ಸ್​ಮನ್​ ಗರ್ಗ್​ ಶೂನ್ಯಕ್ಕೆ ವಿಕೆಟ್​ ಒಪ್ಪಿಸಿದರು.
ಆದರೆ ಕೊನೆಯ 2 ಓವರ್​ಗಳಲ್ಲಿ ಅಬ್ಬರಿಸಿದ ಕೇನ್​ ವಿಲಿಯಮ್ಸನ್​ ಹಾಗೂ ಅಭಿಷೇಕ್ ಶರ್ಮಾ ತಂಡದ ಮೊತ್ತವನ್ನು 200 ರ ಗಡಿದಾಟಿಸಿದರು.
ಅಭಿಷೇಕ್ 6 ಎಸೆತಗಳಲ್ಲಿ 12 ಹಾಗೂ ವಿಲಿಯಮ್ಸನ್​ 10 ಎಸೆತಗಳಲ್ಲಿ 20 ರನ್​ಗಳಿಸಿದರು.
ಕಿಂಗ್ಸ್ ಇಲೆವೆನ್ ಪಂಜಾಬ್ ಪರ ರವಿಬಿಷ್ಣೋಯ್ 3 ವಿಕೆಟ್​, ಅರ್ಷ್​ದೀಪ್​ 2 ಹಾಗೂ ಶಮಿ ಒಂದು ವಿಕೆಟ್ ಪಡೆದರು

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss