Tuesday, August 16, 2022

Latest Posts

ತನ್ನ ರಿಕ್ಷಾದಲ್ಲಿ ಕೈತೊಳೆಯಲು ನಳ್ಳಿ ನೀರು, ಹ್ಯಾಂಡ್‌ವಾಶ್, ಸ್ಯಾನಿಟೈಸರ್ ಅಳವಡಿಸಿಕೊಂಡಿದ್ದಾರೆ ಉಡುಪಿಯ ಬಶೀರ್!

ಉಡುಪಿ: ಭವಿಷ್ಯದಲ್ಲಿ ನೋವೆಲ್ ಕೊರೋನಾ ವೈರಸ್ ಜೊತೆಗೆ ಜೀವನ ಅನಿವಾರ್ಯವಾಗಿದೆ. ಈ ವೈರಸ್ ಸಂಪೂರ್ಣವಾಗಿ ನಿರ್ಮೂಲನೆಯಾಗುವುದಿಲ್ಲ, ನಿಯಂತ್ರಣವಷ್ಟೇ ಸದ್ಯಕ್ಕಿರುವ ದಾರಿ. ಈ ಹಿನ್ನೆಲೆಯಲ್ಲಿ ನವನವೀನ ಯೋಚನೆ-ಯೋಜನೆಗಳು ಹುಟ್ಟಿಕೊಳ್ಳುತ್ತಿವೆ.
ಉಡುಪಿ ನಗರದ ಹೊರ ವಲಯದಲ್ಲಿರುವ 80 ಬಡಗುಬೆಟ್ಟು ಗ್ರಾಮದ ರಾಜೀವನಗರದ ನಿವಾಸಿ ಬಶೀರ್ ಅಹ್ಮದ್ ಆದ್ ಅವರು ಕೋವಿಡ್ -19 ಸೋಂಕು ಹರಡದಂತೆ ಮುಂಜಾಗ್ರತಾ ಕ್ರಮಗಳಿಗೆ ಬೇಕಾದ ವ್ಯವಸ್ಥೆಗಳೊಂದಿಗೆ ತನ್ನ ಆಟೋ ರಿಕ್ಷಾವನ್ನು ವಿಶಿಷ್ಟ ರೀತಿಯಲ್ಲಿ ಅಣಿಗೊಳಿಸಿದ್ದಾರೆ. ತನ್ನ ರಿಕ್ಷಾದಲ್ಲಿ ಕೈತೊಳೆಯಲು ಬೇಕಾದ ನಳ್ಳಿ ನೀರು, ಹ್ಯಾಂಡ್‌ವಾಶ್, ಸ್ಯಾನಿಟೈಸರ್ ವ್ಯವಸ್ಥೆಯನ್ನು  ಅಳವಡಿಸಿಕೊಂಡಿದ್ದಾರೆ.
ಹೇಗಿದೆ ಹೊಸ ವ್ಯವಸ್ಥೆ?
ಆಟೋ ರಿಕ್ಷಾದ ಬಲಭಾಗದಲ್ಲಿ ದೊಡ್ಡ ಪೈಪ್‌ನಿಂದ ಆರು ಲೀಟರ್ ಸಾಮರ್ಥ್ಯದ ನೀರಿನ ಟ್ಯಾಂಕ್ ನಿರ್ಮಿಸಲಾಗಿದೆ. ಎಡಭಾಗದಲ್ಲಿ ಚಾಲಕ ಸೀಟಿನ ಕೆಳಗಡೆ ಆ ಟ್ಯಾಂಕಿನಿಂದ ಬರುವ ನೀರನ್ನು ಬಳಸಲು ನಳ್ಳಿಯನ್ನು ಅಳವಡಿಸಲಾಗಿದೆ. ಜೊತೆಗೆ ಸ್ಯಾನಿಟೈಸರ್ ಕೂಡ ರಿಕ್ಷಾದಲ್ಲಿ ಇಡಲಾಗಿದೆ. ಇವರಲ್ಲಿ ಎರಡು ರಿಕ್ಷಾಗಳಿದ್ದು, ಒಂದು ರಿಕ್ಷಾದಲ್ಲಿ ನೋವೆಲ್ ಕೊರೋನಾ ವೈರಸ್ ಹರಡದಂತೆ ತಡೆಯಲು ಬೇಕಾದ ಎಲ್ಲ ಮುನ್ನೆಚ್ಚರಿಕೆ ಕ್ರಮ ಆಳವಡಿಸಿಕೊಂಡಿದ್ದಾರೆ.
ಕೋವಿಡ್-19 ಸೋಂಕು ತಗುಲದೇ ಎಲ್ಲರೂ ಸುರಕ್ಷಿತ ವಾಗಿರಬೇಕು ಎಂಬ ಉದ್ದೇಶದಿಂದ ಈ ರೀತಿ ಮಾಡಲಾಗಿದೆ. ಮುಂದೆ ನನ್ನ ಇನ್ನೊಂದು ರಿಕ್ಷಾಕ್ಕೂ ಇದೇ ರೀತಿ ವ್ಯವಸ್ಥೆ ಮಾಡಲಾಗುವುದು ಎಂದು ಬಶೀರ್ ಅಹ್ಮದ್ ತಿಳಿಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss