Saturday, January 16, 2021

Latest Posts

ನೀವು ಚಹಾ ಪ್ರೀಯರೇ?ಅತಿಯಾದ ಚಹಾ ಸೇವನೆಯಿಂದ ಆಗುವ ದುಷ್ಪರಿಣಾಮಗಳ ಬಗ್ಗೆ ತಿಳಿದಿಲ್ಲದಿದ್ದರೆ ಇದನ್ನು ಓದಿ…!

ಮದ್ಯ ಸೇವನೆ, ತಂಬಾಕು ಸೇವನೆ, ದೂಮಪಾನದಂತದ್ದೇ ಮತ್ತೊಂದು ಚಟವೆಂದರೆ ಚಹಾ ಕುಡಿಯುವುದು. ತುಂಬಾ ಜನ ಚಹಕ್ಕೆ ಅಡಿಕ್ಟ್ ಆಗಿ ಇರುತ್ತಾರೆ. ಮಿತಿ ಮೀರಿ ಚಹಾ ಕುಡಿಯುತ್ತಾರೆ. ಊಟ, ತಿಂಡಿ ಇಲ್ಲದಿದ್ದರೂ ಪರವಾಗಿಲ್ಲ ಚಹಾ ಬೇಕೆ ಬೇಕು. ಆದರೆ ಈ ಚಹಾ ನಮ್ಮ ದೇಹಕ್ಕೆ ಒಳಿತು ಮಾಡುವುದಕ್ಕಿಂತಲೂ ಹೆಚ್ಚಾಗಿ ಕೆಡುಕನ್ನೇ ಮಾಡುತ್ತದೆ. ತುಂಬಾ ಜನಕ್ಕೆ ಇದು ಗೊತ್ತಿದ್ದರೂ ಚಹಾ ಸೇವಿಸುತ್ತಾರೆ. ಕೆಲವೊಂದಿಷ್ಟು ಜನಕ್ಕೆ ಚಹಾದಿಂದ ನಮ್ಮ ದೇಹಕ್ಕೆ ಆಗುವ ತೊಂದರೆಗಳ ಬಗ್ಗೆ ಗೊತ್ತಿರುವುದಿಲ್ಲ, ಹಾಗಾಗಿ ಅದನ್ನು ಕುಡಿಯುತ್ತಿರುತ್ತಾರೆ. ಚಹಾದಿಂದ ಆಗುವ ತೊಂದರೆಗಳು ಏನು ಎಂಬುದನ್ನು ಇಲ್ಲಿ ಬರೆದಿದ್ದೇನೆ ಓದಿ.

ಕಬ್ಬಿಣಾಂಶ ಕುಂದುತ್ತದೆ
ಅತಿಯಾಗಿ ಚಹಾ ಸೇವನೆಯಿಂದ ದೇಹದಲ್ಲಿರುವ ಕಬ್ಬಿಣಾಂಶ ಕಡಿಮೆ ಆಗುತ್ತದೆ. ಚಹಾ ಸೊಪ್ಪಿನಲ್ಲಿರುವ ಅಂಶ ನಿಮ್ಮ ದೇಹದಲ್ಲಿ ಇರುವ ಕಬ್ಬಿಣಾಂಶವನ್ನು ಹಿರಿಕೊಳ್ಳುತ್ತದೆ. ಚಹಾ ಸೇವನೆ ಹೆಚ್ಚಾದರೆ ಕಣ್ಣಿನ ತೊಂದರೆ ಬರುತ್ತದೆ.

ನಿದ್ರಾಹೀನತೆ
ನಿಮಗೂ ಗೊತ್ತಿದೆ ಚಹಾ ಸೇವನೆ ಹೆಚ್ಚಾದರೆ ನಿದ್ರೆ ಬರುವುದಿಲ್ಲ. ಏಕೆಂದರೆ ನಮ್ಮ ದೇಹದಲ್ಲಿ ಉತ್ಪತ್ತಿಯಾಗುವ ಕೆಫೀನಾ ಮೆಲಾಟೋನಿನ್ ಅಂಶ ಕಡಿಮೆ ಆಗುತ್ತದೆ. ಇದರಿಂದ ಸಹಜವಾಗಿ ಬರುವ ನಿದ್ದೆ ಬರುವುದಿಲ್ಲ.

ಪಿತ್ತದ ಅಂಶ ಹೆಚ್ಚುತ್ತದೆ
ಕೆಲವೊಬ್ಬರಿಗೆ ಬೆಳಿಗ್ಗೆ ಎದ್ದ ತಕ್ಷಣ ತಿಂಡಿ ತಿನ್ನುವ ಮೊದಲು ಚಹಾ ಸೇವಿಸುವ ಅಭ್ಯಾಸವಿದೆ. ಹಸಿದ ಹೊಟ್ಟೆಯಲ್ಲಿ ಚಹಾ ಸೇವಿಸುವುದರಿಂದ ಪಿತ್ತದ ಅಂಶ ಹೆಚ್ಚುತ್ತದೆ. ಹಾಗಾಗಿ ಅತೀಯಾಗಿ ಚಹಾ ಸೇವಿಸುವುದು ಬೇಡ.

ಮನಸ್ಸಿಗೆ ಅಶಾಂತಿ ಮತ್ತು ಒತ್ತಡ
ಕೆಲವೊಬ್ಬರಿಗೆ ಚಹಾ ಕುಡಿದರೆ ಒತ್ತಡ ಕಡಿಮೆ ಆಗುತ್ತದೆ. ಟ್ರೆಸ್ ನಿವಾರಣೆಯಾಗುತ್ತದೆ ಎಂದು ಹೆಚ್ಚೆಚ್ಚು ಚಹಾ ಸೇವಿಸುತ್ತಾರೆ. ಆದರೆ ಅದು ಸುಳ್ಳು. ಚಹಾ ಕುಡಿಯುವುದರಿಂದ ಖಿನ್ನತೆ ಹೆಚ್ಚುತ್ತದೆ, ಮತ್ತು ಒತ್ತಡ ಹೆಚ್ಚುತ್ತದೆ ಇದನ್ನು ವೈದ್ಯರೇ ಹೇಳಿದ್ದಾರೆ

ಗರ್ಭಾವಸ್ಥೆಯಲ್ಲಿ ತೊಂದರೆ
ಮಹಿಳೆಯರು ಹೆಚ್ಚೆಚ್ಚು ಚಹಾ ಕುಡಿದರೆ ಹೊಟ್ಟೆಯಲ್ಲಿ ಇರುವ ಮಗುವಿನ ಬೆಳವಣಿಗೆಯಲ್ಲಿ ತೊಂದರೆ ಉಂಟಾಗುತ್ತದೆ. ಮತ್ತು ಗರ್ಭಧರಿಸುವಲ್ಲಿ ತೊಂದರೆ ಆಗುತ್ತದೆ. ಹಾಗಾಗಿ ಮಹಿಳೆಯರು ಚಹಾ ಕುಡಿಯುವುದನ್ನು ಕಡಿಮೆ ಮಾಡಬೇಕು. ಕಷಾಯಗನ್ನು ಕುಡಿಯುವುದನ್ನು ರೂಢಿಸಿಕೊಳ್ಳಿ.

ತಲೆನೋವು
ದಿನದಲ್ಲಿ ನಾಲ್ಕು ಹೊತ್ತು ಚಹಾ ಕುಡಿದರೆ ನೀವು ಚಹಾಕ್ಕೆ ಅಡಿಕ್ಟ್ ಆಗುತ್ತೀರಾ. ಇದರಿಂದಾಗಿ ನೀವು ಚಹಾ ಕುಡಿಯುವುದನ್ನು ಕಡಿಮೆ ಮಾಡಲೇ ಆಗದಂತಹ ಸ್ಥಿತಿ ತಲುಪುತ್ತೀರ. ಚಹಾ ಕುಡಿಯುವುದು ಬಿಟ್ಟರೆ ತಲೆನೋವು ಬರುತ್ತದೆ. ಮತ್ತು ಪಿತ್ತ ಹೆಚ್ಚಾಗಿಯೂ ತಲೆನೋವು ಬರುತ್ತದೆ. ಚಹಾದಿಂದ ಪಿತ್ತ ಹೆಚ್ಚುತ್ತದೆ.

-ಕಾವ್ಯಾ ಜಕ್ಕೊಳ್ಳಿ

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

Don't Miss

error: Content is protected !!