ಆಕ್ಲೆಂಡ್: ನ್ಯೂಜಿಲೆಂಡ್ ನ ಸಾರ್ವತ್ರಿಕ ಚುನಾವಣೆಯಲ್ಲಿ ಗೆಲುವು ಸಾಧಿಸಿದ ಪ್ರಧಾನಿ ಜಸಿಂಡಾ ಅರ್ಡೆರ್ನ್ ಗೆ ಮುಂದಿನ ಸರ್ಕಾರ ರಚಿಸಲು ಗ್ರೀನ್ ಪಾರ್ಟಿಯ ಬೆಂಬಲ ಗಳಿಸಿಕೊಂಡಿದ್ದಾರೆ.
ಸಂಸತ್ತಿನಲ್ಲಿ ವಿಶ್ವಾಸ ಮತಗಳಿಗೆ ಬೆಂಬಲ ನೀಡಿದ್ದಕ್ಕಾಗಿ ಪ್ರತಿಯಾಗಿ ತನ್ನ ಲೇಬರ್ ಪಕ್ಷವು ಗ್ರೀನ್ಸ್ ಜೊತೆ ಸಹಕಾರ ಒಪ್ಪಂದವನ್ನು ಮಾಡಿಕೊಂಡಿದೆ ಎಂದು ಅರ್ಡೆರ್ನ್ ಶನಿವಾರ ಘೋಷಿಸಿದರು. ನವೆಂಬರ್ 6 ರಂದು ಮಂತ್ರಿಗಳು ಅಧಿಕೃತವಾಗಿ ಪ್ರಮಾಣ ವಚನ ಸ್ವೀಕರಿಸುವುದರೊಂದಿಗೆ ಅರ್ಡೆರ್ನ್ ಸೋಮವಾರ ತಮ್ಮ ಹೊಸ ಸಂಪುಟವನ್ನು ಪ್ರಕಟಿಸಲಿದ್ದಾರೆ.
ಈ ಒಪ್ಪಂದವು ಸರ್ಕಾರದ ಸ್ಥಿರತೆಯನ್ನು ಬಲಪಡಿಸುತ್ತದೆ ಮತ್ತು ಪ್ರಮುಖ ಮತಗಳ ಮೇಲೆ ಸಂಸತ್ತಿನಲ್ಲಿ ಬಲವಾದ ಬಹುಮತವನ್ನು ಖಚಿತಪಡಿಸುತ್ತದೆ ಎಂದು ಅರ್ಡೆರ್ನ್ ಹೇಳಿದರು.
