Monday, June 27, 2022

Latest Posts

ಬಳ್ಳಾರಿಯ ಉದ್ಯಮಿ ಎನ್.ದುರ್ಗಾ ಫಣೀಂದ್ರ ಬಿಜೆಪಿ ಸೇರ್ಪಡೆ

ಬಳ್ಳಾರಿ: ಇಲ್ಲಿನ ಉದ್ಯಮಿ ಎನ್.ದುರ್ಗಾ ಫಣೀಂದ್ರ ಅವರು ಬಿಜೆಪಿ ಸೇರ್ಪಡೆಯಾದರು.
ನಗರದ ಟ್ರಾನ್ಸ್ ಫೋರ್ಟ ಕಾಂಟ್ರಾಕ್ಟ್ ರ್ ಮತ್ತು ಫ್ಲೀಟ್ ಮಾಲೀಕರಾದ ಎನ್.ದುರ್ಗಾ ಫಣೀಂದ್ರ ಅವರು, ಹೈದ್ರಾಬಾದ್ ನಲ್ಲಿ ಬಿಜೆಪಿ ಆಶ್ರಯದಲ್ಲಿ ನಡೆದ ಸಮಾರಂಭದಲ್ಲಿ ಬಿಜೆಪಿ ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ರಾಮ್ ಮಾಧವ ಜೀ ಅವರ ಸಮ್ಮುಖದಲ್ಲಿ ಬಿಜೆಪಿ ಸೇರ್ಪಡೆಯಾದರು.
ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪಕ್ಷದ ತತ್ವ ಸಿದ್ಧಾಂತಗಳನ್ನು ನೆಚ್ಚಿ ಪಕ್ಷಕ್ಕೆ‌ ಸೇರ್ಪಡೆಯಾಗಿರುವೆ. ವರಿಷ್ಠರ ನಿರೀಕ್ಷೆಯಂತೆ ಪಕ್ಷದ ಕಾರ್ಯ ಚಟುವಟಿಕೆಗಳಲ್ಲಿ ಸಕ್ರಿಯವಾಗಿ ಭಾಗವಹಿಸಿ ಪಕ್ಷವನ್ನು ಇನ್ನಷ್ಟು ಬಲಿಷ್ಠ ಗೊಳಿಸುವಲ್ಲಿ ಪ್ರಾಮಾಣಿಕವಾಗಿ ಶ್ರಮಿಸುವೆ ಎಂದರು.
ಪ್ರಧಾನ ಮಂತ್ರಿ ನರೇಂದ್ರ ಮೋದಿ ಜೀ ಅವರು, ಕಳೆದ 6 ವರ್ಷಗಳಲ್ಲಿ‌ ದೇಶದ ಅಭಿವೃದ್ಧಿಗೆ ಕೈಗೊಂಡ ಅನೇಕ ಕ್ರಮಗಳನ್ನು ಇಡೀ ವಿಶ್ವವೇ ಕೊಂಡಾಡಿದೆ. ಮುಖ್ಯಮಂತ್ರಿ ಬಿ.ಎಸ್.ಯಡಿಯೂರಪ್ಪ ಅವರ‌‌ ನೇತ್ರತ್ವದ ಸರ್ಕಾರ ಬಡವರು, ರೈತರು ಸೇರಿದಂತೆ ಎಲ್ಲ ವರ್ಗದವರ ಅಭಿವೃದ್ಧಿಗೆ ಶ್ರಮಿಸುತ್ತಿದೆ.
ಹೆಮ್ಮಾರಿ ಕೊರೋನಾ ದೇಶದಲ್ಲಿ ಮೊದಲ‌ ಬಾರಿಗೆ ಪತ್ತೆಯಾದಾಗ ಮೋದಿಜೀ ಅವರು ಕಠಿಣ ಕ್ರಮಗಳನ್ನು ಕೈಗೊಂಡ ಹಿನ್ನೆಲೆ ದೇಶದಲ್ಲಿ ಸೊಂಕಿತರ ಸಂಖ್ಯೆ ಕಡಿಮೆಯಾಗಿದೆ. ರಾಜ್ಯ ಸರ್ಕಾರವೂ ಅನೇಕ ಕ್ರಮಗಳನ್ನು ಕೈಗೊಂಡಿದೆ. ಇಲ್ಲದಿದ್ದರೆ ಸೊಂಕಿತರ ಸಂಖ್ಯೆ ಊಹಿಸಲು ಸಾದ್ಯ ವಾಗುತ್ತಿರಲಿಲ್ಲ. ಅನೇಕ ಕಠಿಣ ಕ್ರಮಗಳನ್ನು ಕೈಗೊಳ್ಳುವುದರ ಜೊತೆಗೆ ಕಾರ್ಮಿಕರು, ರೈತರು, ಉದ್ಯಮಿದಾರರಿಗೆ ಸೇರಿದಂತೆ ಎಲ್ಲ ವರ್ಗದವರಿಗೂ ಅನುಕೂಲವಾಗಲೆಂದು ಕೇಂದ್ರ ಸರ್ಕಾರ 2ಲಕ್ಷ ಕೋಟಿ ರೂ.ವಿಶೇಷ ಪ್ಯಾಕೇಜ್ ಘೊಷಿಸಿದೆ. ಇತಿಹಾಸದಲ್ಲೇ ಇಷ್ಟು ದೊಡ್ಡ ಮಟ್ಟದ ಪ್ಯಾಕೇಜ್ ಘೊಷಣೆಯಾಗಿರಲಿಲ್ಲ, ಮೋದಿಜೀ ಅವರನ್ನು ದೇಶವಷ್ಟೇ ಅಲ್ಲ ಇಡೀ‌ ವಿಶ್ವವೇ ಕೊಂಡಾಡುತ್ತಿದೆ ಎಂದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

spot_img
spot_img
spot_img
spot_img

Don't Miss