Saturday, January 16, 2021

Latest Posts

ಶ್ಲೋಕಗಳ ಪಠನೆಯಿಂದ ಪಾಸಿಟಿವ್ ಎನರ್ಜಿ ಹೆಚ್ಚುತ್ತದೆ..! ಯಾವಾಗ ಯಾವ ಶ್ಲೋಕ ಹೇಳಬೇಕು ಎಂಬುದು ಇಲ್ಲಿದೆ ಓದಿ…

ಶ್ಲೋಕಗಳಿಗೆ ಇರುವ ಶಕ್ತಿ ಯಾವ ಮೆಡಿಸಿನ್‌ನಲ್ಲಿಯೂ ಇಲ್ಲ. ಶ್ಲೋಕಗಳಲ್ಲಿರುವ ಶಕ್ತಿಯಿಂದ ಮನುಷ್ಯ ಆರೋಗ್ಯವಾಗಿ ಮತ್ತು ಶಾಂತಿಯುತವಾಗಿ ಇರಲು ಸಹಕಾರಿಯಾಗುತ್ತದೆ. ನಿತ್ಯವೂ ಶ್ಲೋಕಗಳನ್ನು ಪಠನೆ ಮಾಡುವುದರಿಂದ ನಿಮ್ಮಲ್ಲಿ ಒಂದು ಪಾಸಿಟಿವ್ ಎನರ್ಜಿ ಬರುತ್ತದೆ. ಏನನ್ನಾದರೂ ಸಾಧಿಸಬಹುದು, ನಮ್ಮ ಜೊತೆ ದೇವರಿದ್ದಾನೆ ಎಂಬ ಮನಸ್ಥಿತಿ ಬರುತ್ತದೆ. ಶ್ಲೋಕಗಳ ಪಠನೆ ಎಂದರೇ ಒಂದಿಷ್ಟು ದೇವರನ್ನು ನೆನೆಯುವುದೋ ಅಥವಾ ನಿಮಗೆ ಬರುವ ಮಂತ್ರವನ್ನೇ ಹೇಳುವುದಲ್ಲ. ಸಮಯಕ್ಕೆ ಸರಿಯಾಗಿ, ನಿಮ್ಮ ಕೆಲಸಕ್ಕೆ ತಕ್ಕಂತೆ ಮಂತ್ರಗಳನ್ನು ಪಠಿಸಬೇಕು. ತುಂಬಾ ಜನಕ್ಕೆ ಯಾವ ಸಮಯದಲ್ಲಿ ಯಾವ ಶ್ಲೋಕ ಪಠನೆ ಮಾಡಬೇಕು ಎಂಬುದು ಗೊತ್ತಿರುವುದಿಲ್ಲ. ಹಾಗಿದ್ದಲ್ಲಿ ಇದನ್ನು ಓದಿ..

ಬೆಳಿಗ್ಗೆ ಎದ್ದ ತಕ್ಷಣ:
ಬೆಳಿಗ್ಗೆ ಎದ್ದ ತಕ್ಷಣ ಎರಡು ಕೈಗಳ ಹಸ್ತವನ್ನು ನೋಡಿಕೊಳ್ಳುತ್ತ.ದೇವರನ್ನು ನೆನೆದು ಈ ಶ್ಲೋಕವನ್ನು ಹೇಳಬೇಕು.

ಕರಾಗ್ರೇ ವಸತೇ ಲಕ್ಷ್ಮೀ ಕರಮಧ್ಯೆ ಸರಸ್ವತಿ |
ಕರಮೂಲೇ ತು ಗೊವಿಂದಃ ಪ್ರಭಾತೇ ಕರದರ್ಶನಂ||

ಸ್ನಾನ ಮಾಡುವಾಗ:
ನೀವು ಸ್ನಾನ ಮಾಡುವಾಗ ನೀರನ್ನು ಮುಟ್ಟಿ ಈ ಶ್ಲೋಕವನ್ನು ಹೇಳಬೇಕು.

ಗಂಗೇಚ ಯಮುನೇಚೈವ ಗೋದಾವರಿ ಸರಸ್ವತಿl
ನರ್ಮದೇ ಸಿಂಧು ಕಾವೇರಿ ಜಲೇಸ್ಮಿನ್ ಸನ್ನಿಧಿಂ ಕುರು||

ತಿಂಡಿ, ಊಟ ಸೇವಿಸುವಾಗ:
ಊಟ ಮತ್ತು ತಿಂಡಿ ಸೇವಿಸುವಾಗ ಈ ಶ್ಲೋಕವನ್ನು ಹೇಳಿಕೊಳ್ಳಬೇಕು.

ಅನ್ನಪೂರ್ಣೆ ಸದಾಪೂರ್ಣೆ ಶಂಕರಿ ಪ್ರಾಣವಲ್ಲಭೆ|
ಚೈತನ್ಯೇ ರೂಪಿ ಸರ್ವೇಷಿ ಪ್ರಸನ್ನೇ ತ್ರಾಹಿ ಪಾರ್ವತಿ||

ಔಷಧಿ ಸೇವಿಸುವಾಗ:
ಔಷಧಿ ಸೇವಿಸುವಾಗ ದನ್ವಂತರಿ ದೇವಿಯನ್ನು‌ ನೆನೆದು ಈ‌ ಶ್ಲೋಕ ಹೇಳಬೇಕು.

ನಮಾಮಿ ಧನ್ವಂತರಿಂ ಆದಿದೇವಂ|
ಸುರಾಸುರೈಃ ವಂದಿತಪಾದಪದಂ||
ಲೋಕೇ ಜರಾರುಕ್ ಭಯಮೃತ್ಯುನಾಶಂ|
ದಾತಾರಮೀಶಂ ವಿವಿಧೌಷಧೀನಾಂ||

ಪುಸ್ತಕ ಓದುವಾಗ:
ನೀವು ಯಾವುದೇ ಪುಸ್ತಕ ಓದುವ ಮೊದಲು ಈ ಶ್ಲೋಕ ಹೇಳಿ

ಸರಸ್ವತಿ ನಮಸ್ಥುಭ್ಯಮ್ ವರದೇ ಕಾಮರೂಪಿಣಿ|
ವಿದ್ಯಾರಂಭಂ ಕರಿಷ್ಯಾಮಿ ಸಿದ್ಧಿರ್ಭವತು ಮೇ ಸಧಾ||

ದೇವರಿಗೆ ಸಮಸ್ಕರಿಸುವಾಗ:
ದೇವರಿಗೆ ನಮಸ್ಕರಿಸುವಾಗ ಗಣಪತಿಯನ್ನು ಮೊದಲು ನೆನೆದು ಈ ಶ್ಲೋಕ್ ಹೇಳಬೇಕು

ವಕ್ರತುಂಡ ಮಹಾಕಾಯ ಸೂರ್ಯ ಕೋಟಿ ಸಮಪ್ರಭ
ನಿರ್ವಿಘ್ನಂ ಕುರುಮೇ ದೇವ ಸರ್ವಕಾಲೇಶು ಸರ್ವದಾ||

ಮತ್ತು ನೀವು ನಿತ್ಯ ಮಾಡಿದ ಅಪರಾಧಗಳನ್ನು ಕ್ಷಮಿಸುವಂತೆ ದೇವಿಯಲ್ಲಿ ಪ್ರಾರ್ಥಿಸಿಕೊಂಡು ಈ ಶ್ಲೋಕ ಹೇಳಬೇಕು

ಅಪರಾಧ ಸಹಸ್ರಾಣಿ ಕ್ರಿಯಂತೆ ಅಹರ್ನಿಶಂl
ದಾಸೋ ಆಯಮಿಥಿಮಾಂ ಮತ್ವ ಕ್ಷಮಸ್ವ ಪರಮೇಶ್ವರll

ಪಾಪೋಹಂ ಪಾಪಕರ್ಮಾಹಂ ಪಾಪಾತ್ಮ ಪಾಪ ಸಂಭವಃl
ತ್ರಾಹಿಮಾಂ ಕೃಪಯಾ ದೇವಶರಣಾಗತ ವತ್ಸಲll

ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮl
ತಸ್ಮಾತ್ ಕಾರುಣ್ಯ ಭಾವೇನ ರಕ್ಷ ರಕ್ಷ ಜನಾರ್ಧನಃll

ರಾತ್ರಿ ಮಲಗುವಾಗ:
ರಾತ್ರಿ ಮಲಗುವಾಗ ದೇವರನ್ನು ನೆನೆದು ಈ ಶ್ಲೋಕ ಹೇಳಬೇಕು.

ರಾಮಂ ಸ್ಕಂದಂ ಹನೂಮನ್ತಂ ವೈನತೇಯಂ ವೃಕೋದರಂl
ಶಯನೇಯಃ ಸ್ಮರೇನಿತ್ಯಂ ದುಸ್ವಪ್ನಂ ತಸ್ಯ ನಸ್ಯತಿಃll

-ಕಾವ್ಯಾ ಜಕ್ಕೊಳ್ಳಿ

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

Don't Miss

error: Content is protected !!