Thursday, July 7, 2022

Latest Posts

ಮಂತ್ರಾಲಯದ ರಾಜಾ ಎಸ್.ಗಿರಿ ಆಚಾರ್ಯ’ರಿಗೆ ವಿಜಯನಗರ ಶ್ರೀಕೃಷ್ಣದೇವರಾಯ ವಿವಿಯ ಗೌರವ ಡಾಕ್ಟರೇಟ್

ಹೊಸದಿಗಂತ ವರದಿ,ಬಳ್ಳಾರಿ:

ಕಲಬುರ್ಗಿ ವಿಶ್ವ ವಿದ್ಯಾಲಯದಿಂದ ಮಂತ್ರಾಲಯ ಶ್ರೀ ರಾಘವೇಂದ್ರ ಶ್ರೀಮಠದ ಸ್ವಾಮೀಜಿ ಅವರಿಗೆ ಇತ್ತೀಚೆಗೆ ಗೌರವ ಡಾಕ್ಟರೇಟ್ ನೀಡಿದ ಬೆನ್ನೆಲ್ಲೇ ಶ್ರೀಮಠದ ವಿದ್ವಾಂಸರಾದ ರಾಜಾ ಎಸ್.ಗಿರಿ ಅಚಾರ್ಯ ಅವರಿಗೆ ಇಲ್ಲಿನ ವಿಎಸ್ ಕೆ ವಿ.ವಿ.ಯು ಗೌರವ ಡಾಕ್ಟರೇಟ್ ನೀಡಿ ಗೌರವಿಸಲು ಮುಂದಾಗಿದೆ.

ಈ ಕುರಿತು ನಗರದ ವಿಜಯನಗರ ಶ್ರೀಕೃಷ್ಣ ದೇವರಾಯ ವಿಶ್ವ ವಿದ್ಯಾಲಯದಲ್ಲಿ‌ನಡೆದ ಸುದ್ದಿ ಗೋಷ್ಠಿಯಲ್ಲಿ ವಿ.ವಿ.ಕುಲಪತಿಗಳು ಘೋಷಿಸಿದರು. ವಿಜಯನಗರ ಶ್ರೀಕೃಷ್ಣ ದೇವರಾಯ ವಿಶ್ವವಿದ್ಯಾಲಯದ 8ನೇ ಘಟಿಕೋತ್ಸವ ಸಮಾರಂಭ ಡಿ.29 ರಂದು ಆಯೋಜಿಸಲಾಗಿದ್ದು, ಈ ಸಮಾರಂಭದಲ್ಲಿ ಮಂತ್ರಾಲಯ ಶ್ರೀಮಠದ ರಾಜಾ ಎಸ್.ಗಿರಿ ಆಚಾರ್ಯರಿಗೆ ಗೌರವ ಡಾಕ್ಟರೇಟ್ ನೀಡಿ ಗೌರವಿಸಲಾಗುವುದು ಎಂದು ವಿವಿಯ ಕುಲಪತಿ ಪ್ರೊ.ಸಿದ್ದು ಪಿ.ಅಲಗೂರು ಪ್ರಕಟಿಸಿದರು.

ಮೊದಲ ಬಾರಿಗೆ ವಿವಿಯ ಘಟಿಕೋತ್ಸವವನ್ನು ನಾಳೆ ಬೆಳಿಗ್ಗೆ 11 ಗಂಟೆಗೆ ವಿವಿಯ ಬಯಲು ರಂಗ ಮಂದಿರದಲ್ಲಿ ಘಟಿಕೋತ್ಸವ ಸಮಾರಂಭ ನಡೆಯಲಿದೆ. ಉನ್ನತ ಶಿಕ್ಷಣ ಸಚಿವ ಡಾ.ಅಶ್ವಥ್ ನಾರಾಯಾಣ ಅವರು ಸಮಾರಂಭದ ಅಧ್ಯಕ್ಷತೆ ವಹಿಸಲಿದ್ದಾರೆ. ವಿಶ್ವ ವಿದ್ಯಾಲಯದ ಅನುದಾನ ಆಯೋಗ (ಯುಜಿಸಿ) ದ ಕಾರ್ಯದರ್ಶಿ ಪ್ರೊ.ರಜನೀಶ್ ಜೈನ್ ಘಟಿಕೋತ್ಸವ ಭಾಷಣ ಮಾಡಲಿದ್ದಾರೆ. ಅವರು ಆನ್ ಲೈನ್ ಮೂಲಕವೇ ಭಾಷಣ ಮಾಡಲಿದ್ದಾರೆ.

ಅಲ್ಲದೆ ವಿವಿಧ ವಿಭಾಗದ 52 ವಿದ್ಯಾರ್ಥಿಗಳಿಗೆ ಚಿನ್ನದ ಪದಕಗಳು, 43 ವಿದ್ಯಾರ್ಥಿಗಳಿಗೆ ಪಿ.ಹೆಚ್.ಡಿ ಪದವಿ‌ ನೀಡಿ ಗೌರವಿಸಲಿದೆ.
ವಿವಿ ವ್ಯಾಪ್ತಿಯ ವಿವಿಧ ಪದವಿಗಳಲ್ಲಿ ಶೇ 85.51 ರಷ್ಟು ತೇರ್ಗಡೆ ಪ್ರಮಾಣ ಇದೆ.

ಪದವಿ ವಿಭಾಗದಲ್ಲಿ ಶೇ.81.67 ರಷ್ಟು ಮತ್ತು ಸ್ನಾತಕೋತ್ತರ ವಿಭಾಗದಲ್ಲಿ ಶೇ.95.25 ರಷ್ಟು ತೇರ್ಗಡೆ ಪ್ರಮಾಣ ಹೊಂದಿದೆ.
ಜೀವಾಣು ಶಾಸ್ತ್ರ ವಿಭಾಗವನ್ನು ಖನಿಜ ನಿಧಿಯ ಎಂಟು ಕೋಟಿ ರೂ ಅನುದಾನದಲ್ಲಿ ನಿರ್ಮಾಣ ಮಾಡುತ್ತಿದೆ. ರಾಜ್ಯದಲ್ಲಿಯೇ ಮೊದಲ ಬಾರಿಗೆ ಸ್ನಾತಕೋತ್ತರ ಪದವಿಗಳಿಗೆ ಸಂಪೂರ್ಣ ಆನ್ ಲೈನ್ ನಲ್ಲಿ ಪ್ರವೇಶ ಪಡೆದಿದೆ ಇದು ರಾಜ್ಯದಲ್ಲಿಯೇ ಈ‌ ಒಂದು ವಿವಿಯಿಂದ ವಿಶೇಷ ಪ್ರಯತ್ನ ಆಗಿದೆ ಎಂದರು.

ಇದಕ್ಕೆ ಬಹುತೇಕ ಉತ್ತಮ ಅಭಿಪ್ರಾಯ ಬಂದಿದೆ ಎಂದರು. ವಿವಿಯ ಪಕ್ಕದಲ್ಲಿರುವ ಹಳೇ ಕಾಟನ್ ಮಿಲ್ ನ ನಿವೇಶನವನ್ನು ವಿವಿಗೆ ಪಡೆಯುವ ವಿಷಯ ಇನ್ನೂ ನಡೆದಿದೆ. ಈ ವರ್ಷದ ಅಭಿವೃದ್ಧಿ ಅನುದಾನವಾಗಿ ಸರ್ಕಾರ 50 ಲಕ್ಷ ರೂ ನೀಡಿದೆ ಎಂದರು. ಈ ಸಂದರ್ಭದಲ್ಲಿ ವಿಶ್ವವಿದ್ಯಾಲಯದ ಕುಲಸಚಿವರಾದ ಪ್ರೊ. ತುಳಸಿ ಮಾಲಾ, ಪ್ರೊ.ಶಶಿಕಾಂತ್ ಎಸ್ ಹುಡಕೇರಿ ಸೇರಿದಂತೆ ಇತರರು ಉಪಸ್ಥಿತರಿದ್ದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss