Sunday, July 3, 2022

Latest Posts

ಮಾಲ್ಡೇವ್ಸ್ ನಿಂದ 19 ಗರ್ಭಿಣಿಯರು ಸೇರಿ 698 ಮಂದಿ ತಾಯ್ನಾಡಿಗೆ ವಾಪಸ್

ಕಾಸರಗೋಡು: ವಿದೇಶಗಳಲ್ಲಿ ಲಾಕ್​ಡೌನ್​ನಲ್ಲಿ ಸಿಲುಕಿರುವ ಭಾರತೀಯರನ್ನು ವಂದೇ ಭಾರತ್ ಮಿಷನ್ ಅಡಿಯಲ್ಲಿ ತಾಯ್ನಾಡಿಗೆ ವಾಪಸ್ ಕರೆತರಲಾಗುತ್ತಿದೆ. ಈಗಾಗಲೇ ವಿಮಾನಗಳ ಮೂಲಕ ಒಂದಷ್ಟು ಜನರನ್ನು ವಾಪಸ್ ಕರೆತರಲಾಗಿದೆ. ಇದೀಗ ಭಾರತೀಯ ನೌಕಾ ದಳ ಆಪರೇಷನ್ ಸಮುದ್ರ ಸೇತು ಹೆಸರಿನಲ್ಲಿ ನೌಕಾದಳದ ಹಡಗಿನಲ್ಲಿ ಮೊದಲ ಬ್ಯಾಚ್​ನ್ನು ಮಾಲ್ಡೀವ್ಸ್​​ನಿಂದ ಭಾರತಕ್ಕೆ ಕರೆತಂದಿದೆ.

ಅದರಂತೆ ಭಾನುವಾರ ಬೆಳಗ್ಗೆ 698 ಮಂದಿಯನ್ನ ಹೊತ್ತ ನೌಕಾ ಪಡೆಯ ಐಎನ್​ಎಸ್ ಜಲಾಶ್ವ ಹಡಗು ಕೇರಳದ ಕೊಚ್ಚಿ ಬಂದರ್​ಗೆ ಬಂದು ತಲುಪಿದೆ. ಮಾಲ್ಡೀವ್ಸ್​​ನ ಮಾಲೆ ಬಂದರಿನಿಂದ ಹೊರಟಿದ್ದ ಹಡಗಿನಲ್ಲಿ 19 ಮಂದಿ ಗರ್ಭಿಣಿಯರೂ ಸೇರಿದಂತೆ 698 ಮಂದಿ ಭಾರತಕ್ಕೆ ವಾಪಸ್ ಆಗಿದ್ದಾರೆ. ಮಾಲ್ಡೀವ್ಸ್​ನಿಂದ ಹೊರಡುವ ಮೊದಲೇ ಅಲ್ಲಿ ಎಲ್ಲರ ಆರೋಗ್ಯ ತಪಾಸಣೆ ನಡೆಸಲಾಗಿತ್ತು. ಇದೀಗ ಕೊಚ್ಚಿ ಬಂದರಿನಲ್ಲೂ ಅವರ ಸಮಗ್ರ ಆರೋಗ್ಯ ತಪಾಸಣೆ ನಡೆಸಲಾಗುತ್ತದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss