ಮುಂದುವರಿಂದ ಸಾವಿನ ಓಟ: ಉತ್ತರ ಕರ್ನಾಟಕದಲ್ಲಿ ಒಂದೇ ದಿನ ನಾಲ್ಕು ಸಾವು!

ಹುಬ್ಬಳ್ಳಿ: ಉತ್ತರ ಕರ್ನಾಟಕದಲ್ಲಿ ಕೊರೋನಾ ಸಾವಿನ ಓಟ ಮುಂದುವರೆದಿದ್ದು, ಒಂದೇ ದಿನ ನಾಲ್ಕು ಜನ ಕೊರೋನಾ ಗೆ ಬಲಿಯಾಗಿದ್ದಾರೆ. ಬಳ್ಳಾರಿ ಹಾಗೂ ಕಲಬುರಗಿ ಜಿಲ್ಲೆಯಲ್ಲಿ ತಲಾ ಇಬ್ಬರು ಮೃತಪಟ್ಟಿದ್ದಾರೆ.
ಕಲ್ಯಾಣ ಕರ್ನಾಟಕದಲ್ಲಿ ಕೊರೋನಾ ಪ್ರಕರಣಗಳ ಏರಿಕೆಯ ಜೊತೆಗೆ ಮೃತಪಡುವವರ ಸಂಖ್ಯೆಯೂ ಹೆಚ್ಚಳವಾಗುತ್ತಿರುವುದು ಸುತ್ತ ಮುತ್ತಲಿನ ಜಿಲ್ಲೆಗಳ ಜನರ ಭೀತಿಗೆ ಕಾರಣವಾಗಿದೆ. ಉತ್ತರ ಕರ್ನಾಟಕದ 11 ಜಿಲ್ಲೆಗಳಲ್ಲಿ 118 ಕೊರೋನಾ ಪ್ರಕರಣಗಳು ದೃಢಪಟ್ಟಿವೆ. ಬಳ್ಳಾರಿ 34, ಕಲಬುರಗಿ 22, ಯಾದಗಿರಿ 13, ಧಾರವಾಡ 12, ಕೊಪ್ಪಳ 3, ರಾಯಚೂರು 9, ಉತ್ತರ ಕನ್ನಡ 9, ಗದಗ 6, ಬೀದರ 5, ವಿಜಯಪುರ 4, ಬೆಳಗಾವಿ 1 ಕೊರೋನಾ ಪ್ರಕರಣಗಳು ದೃಢಪಟ್ಟಿವೆ.