Wednesday, July 6, 2022

Latest Posts

ಮುಖದ ಸೌಂದರ್ಯಕ್ಕೆ ದುಬಾರಿ ಫೇಸ್‌ಕ್ರೀಂ ಏಕೆ? ಮನೆಯಲ್ಲೇ ಸಿಗುವ ನಿಂಬೇಹಣ್ಣೇ ಸಾಕು !

ಹೆಣ್ಣುಮಕ್ಕಳಿಗೆ ತಮ್ಮ ತ್ವಚೆಯ ಬಗ್ಗೆ ಎಲ್ಲಿಲ್ಲದ ಪ್ರೀತಿ. ತ್ವಚೆ ಅಂದ ಕಾಯ್ದಿರಿಸಿಕೊಳ್ಳಲು ದುಬಾರಿ ಫೇಸ್‌ಕ್ರೀಂಗಳ ಮೊರೆ ಹೋಗುತ್ತಾರೆ. ಆದರೆ ಸುಲಭವಾಗಿ ಮನೆಯಲ್ಲಿಯೇ ದೊರೆಯುವ ವಸ್ತುಗಳನ್ನು ಬಸಿ ಮುಖದ ಅಂದ ಹೆಚ್ಚಿಸಿಕೊಳ್ಳಬಹುದು. ಇದು ಕೇವಲ ಹುಡುಗಿಯರಿಗಷ್ಟೇ ಅಲ್ಲ, ಗಂಡಸರೂ ಅನುಸರಿಸಬಹುದಾಗಿದೆ. ನಿಂಬೆರಸ ಪ್ರತಿಯೊಬ್ಬರ ಮನೆಯ ಅಡುಗೆ ಮನೆಯಲ್ಲಿ ಇದ್ದೇ ಇರುತ್ತದೆ. ನಿಂಬೆ ಕೇವಲ ಸೇವನೆಗೆ ಅಷ್ಟೇ ಅಲ್ಲ ಚರ್ಮಕ್ಕೂ ಹಿತಕರ. ನಿಂಬೆಯಿಂದ ನಿಮ್ಮ ತ್ವಚೆಯನ್ನು ಹೇಗೆ ಇಟ್ಟುಕೊಳ್ಳಬಹುದು ಎಂಬುದರ ಬಗ್ಗೆ ಕೆಲವು ಟಿಪ್ಸ್ ಇಲ್ಲಿದೆ

  • ನಿಂಬೆ ರಸ, ರೋಸ್ ವಾಟರ್ ಮತ್ತು ಸೌತೇಕಾಯಿ ರಸ ಸೇರಿಸಿ ಮುಖಕ್ಕೆ ಹಚ್ಚಿದರೆ ಟ್ಯಾನ್ ಹೋಗುತ್ತದೆ.
  • ನಿಂಬೆರಸ, ಜೇನುತುಪ್ಪ ಬೆರೆಸಿ ಹಚ್ಚಿದರೆ ಮುಖದ ಕಾಂತಿ ಹೆಚ್ಚುತ್ತದೆ ಹಾಗೂ ಟ್ಯಾನ್ ಕೂಡ ಹೋಗುತ್ತದೆ.
  • ಅರಿಶಿಣ, ಹಸಿ ಹಾಲು ಹಾಗೂ ನಿಂಬೆ ರಸ ಮಿಶ್ರಣ ಮುಖಕ್ಕೆ ಹಚ್ಚಿ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆಯಿರಿ ಇದರಿಂದ ನಿಮ್ಮ ಮುಖದ ಕಲೆಗಳು ಮಾಯವಾಗುತ್ತವೆ.
  • ನಿಮ್ಮ ತ್ವಚೆ ನುಣುಪಾಗಿರಲು ಓಟ್ಸ್ ಪುಡಿ ಮಾಡಿ, ಮಜ್ಜಿಗೆಯಲ್ಲಿ ನೆನೆಸಿ ಐದು ನಿಮಿಷ ಬಿಟ್ಟು ಫೇಸ್‌ಪ್ಯಾಕ್ ಮಾಡಿ.
  • ಕಡಲೆಹಿಟ್ಟು, ನಿಂಬೆರಸ, ಮೊಸರು ಪೇಸ್ಟ್ ಮುಖಕ್ಕೆ ಕುತ್ತಿಗೆಗೆ  ಕೈಗಳಿಗೆ ಹಚ್ಚಿ ಒಣಗಿದ ಮೇಲೆ ತೊಳೆದರೆ, ಬಿಸಿಲಿಗೆ ಒಣಗಿದಂತಾಗಿರುವ ತ್ವಚೆ ನಳನಳಿಸುತ್ತದೆ.
  • ನಿಂಬೆರಸಕ್ಕೆ ಏನನ್ನೂ ಬೆರೆಸದೆ ಹಾಗೇ ಕೂಡ ಹಚ್ಚಬಹುದು. ಸಿಟ್ರಿಕ್ ಆಮ್ಲ ಇರುವುದರಿಂದ ಮುಖ ಸ್ವಲ್ಪ ಉರಿದಂತಾಗುತ್ತದೆ. ಆದರೆ ಇದು ಕೆಲ ಸಮಯದವರೆಗೆ ಮಾತ್ರ. ನಂತರ ಮುಖದ ಮೇಲಿರುವ ಕೊಳೆ ಹೋಗಿ ತ್ವಚೆ ಸ್ವಚ್ಛವಾಗುತ್ತದೆ.
  • ತಾಜಾ ಎಳನೀರು ಬರಿ ಕುಡಿಯಲು ಅಷ್ಟೇ ಅಲ್ಲ, ಚರ್ಮಕ್ಕೂ ಉಪಯೋಗಕಾರಿ. ಇದನ್ನು ಹಚ್ಚಿ ಮುಖ ತೊಳೆಯುವುದರಿಂದ ತ್ವಚೆ ತಿಳಿಯಾಗುತ್ತದೆ.
  • ಲೋಳೆಸರ ಹಾಗೂ ಅರಿಶಿಣವನ್ನು ಮುಖಕ್ಕೆ ಹಚ್ಚುವುದರಿಂದ ಮೊಡವೆಗಳು ಕಡಿಮೆಯಾಗುತ್ತವೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss