Wednesday, August 10, 2022

Latest Posts

ರಾಜಸ್ಥಾನ್ ರಾಯಲ್ಸ್​ ಗೆ 174 ರನ್​ಗಳ ಗುರಿ ನೀಡಿದ ಕೋಲ್ಕತ್ತಾ ನೈಟ್​ ರೈಡರ್ಸ್

ಅಬುಧಾಬಿ: ಐಪಿಎಲ್​ನ 12ನೇ ಪಂದ್ಯದಲ್ಲಿ ಕೋಲ್ಕತ್ತಾ ನೈಟ್​ ರೈಡರ್ಸ್​ ರಾಜಸ್ಥಾನ್ ರಾಯಲ್ಸ್​ ತಂಡಕ್ಕೆ ಗೆಲುವಿಗಾಗಿ 174 ರನ್​ಗಳ ಮೊತ್ತ ನೀಡಿದೆ.
ಟಾಸ್​ ಸೋತು ಬ್ಯಾಟಿಂಗ್ ಇಳಿದ ಕೆಕೆಆರ್​ಗೆ ಶುಬ್ಮನ್​ ಗಿಲ್​ ಹಾಗೂ ನರೈನ್ 36 ರನ್​ಗಳ ಜೊತೆಯಾಟ ನಡೆಸಿ ಉತ್ತಮ ಆರಂಭ ಒದಗಿಸಿಕೊಟ್ಟರು. ಆದರೆ ಸುನೀಲ್ ನರೈನ್​ ಇಂದಿನ ಪಂದ್ಯದಲ್ಲೂ ಕೇವಲ 15 ರನ್​ಗಳಿಗೆ ವಿಕೆಟ್​ ಒಪ್ಪಿಸಿ ಮತ್ತೆ ಬ್ಯಾಟಿಂಗ್ ವೈಫಲ್ಯ ಅನುಭವಿಸಿದರು.
ನಂತರ ಬಂದ ನಿತೀಶ್​ ರಾಣಾ 2ನೇ ವಿಕೆಟ್​ಗೆ ಗಿಲ್ ಜೊತೆ 46 ರನ್​ ಸೇರಿಸಿದರುಇವರ ಬೆನ್ನಲ್ಲೇ 34 ಎಸೆತಗಳಲ್ಲಿ 5 ಬೌಂಡರಿ ಹಾಗೂ ಒಂದು ಸಿಕ್ಸರ್​ ಸಹಿತ 47 ರನ್​ಗಳಿಸಿದ್ದ ಗಿಲ್ ಕೂಡ ಆರ್ಚರ್​ ಬೌಲಿಂಗ್​ನಲ್ಲಿ ಅವರಿಗೆ ಕ್ಯಾಚ್​ ನೀಡಿ ಪೆವಿಲಿಯನ್​ ಸೇರಿಕೊಂಡರು. ನಾಯಕ ದಿನೇಶ್ ಕಾರ್ತಿಕ್​ ೧ ರನ್ ಗೆ ಔಟ್ ಆದರೆ , ಬಳಿಕ ಬಂದ ರಸೆಲ್ 14 ಎಸೆತಗಳಲ್ಲಿ 3 ಸಿಕ್ಸರ್​ ಸಹಿತ 24 ರನ್​ಗಳಿಸಿ ರಜಪೂತ್​ ಬೌಲಿಂಗ್​ನಲ್ಲಿ ವಿಕೆಟ್​ ಉನಾದ್ಕಟ್​ಗೆ ಕ್ಯಾಚ್​ ನೀಡಿ ಔಟಾದರು.
ಆದರೆ ಕೊನೆಯ ಓವರ್​ಗಳಲ್ಲಿ ಅಬ್ಬರಿಸಿದ ಇಯಾನ್ ಮಾರ್ಗನ್​ 23 ಎಸೆತಗಳಲ್ಲಿ 2 ಸಿಕ್ಸರ್​ ಹಾಗೂ 1 ಬೌಂಡರಿ ಸಹಿತ 34 ರನ್​ಗಳಿಸಿ ತಂಡದ ಮೊತ್ತವನ್ನು ಹೆಚ್ಚಿಸಿದರು. ಪ್ಯಾಟ್​ ಕಮ್ಮಿನ್ಸ್ 12 ರನ್​ಗಳಿಸಿದರೆ, ನಾಗರಕೋಟಿ 8 ರನ್​ಗಳಿಸಿ ಔಟಾಗದೆ ಉಳಿದರು. ಕೆಕೆಆರ್​ ಒಟ್ಟಾರೆ 20 ಓವರ್​ಗಳಲ್ಲಿ 6 ವಿಕೆಟ್​ ನಷ್ಟಕ್ಕೆ 174 ರನ್​ಗಳಿಸಿತು.
ರಾಜಸ್ಥಾನ್ ರಾಯಲ್ಸ್ ಪರ ಜೋಫ್ರಾ ಆರ್ಚರ್​ 2 ವಿಕೆಟ್​ ಪಡೆದರೆ, ಅಂಕಿತ್ ರಜಪೂತ್​ 1, ಉನಾದ್ಕಟ್​ 1, ಟಾಮ್ ಕರ್ರನ್ 1, ಹಾಗೂ ರಾಹುಲ್ ತೆವಾಟಿಯಾ 1 ವಿಕೆಟ್​ ಪಡೆದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss