Wednesday, August 10, 2022

Latest Posts

ಲೇಹ್​ ಸೆಕ್ಟರ್​​ನಲ್ಲಿ HAL ತಯಾರಿಸಿದ ಎರಡು ಲಘು ಯುದ್ಧ ಹೆಲಿಕಾಪ್ಟರ್​​ಗಳ ನಿಯೋಜನೆ

ಲಡಾಖ್: ಲೇಹ್​ ಸೆಕ್ಟರ್​​ನಲ್ಲಿ ಹೆಚ್​ಎಎಲ್​​​​​ ತಯಾರಿಸಿರುವ ಎರಡು ಲಘು ಯುದ್ಧ ಹೆಲಿಕಾಪ್ಟರ್​​ಗಳನ್ನು ನಿಯೋಜಿಸಲಾಗಿದೆ. ಭಾರತೀಯ ವಾಯುಸೇನೆಯ ಯೋಜನೆಗಳಿಗೆ ಸಾಥ್ ನೀಡಲು ಅತ್ಯಂತ ಕಡಿಮೆ ಅವಧಿಯಲ್ಲಿ ಈ ಹೆಲಿಕಾಪ್ಟರ್​​ಗಳನ್ನ ನಿಯೋಜಿಸಲಾಗಿದೆ.
ಇದು ಹೆಚ್​ಎಎಲ್ ವಿನ್ಯಾಸಗೊಳಿಸಿ ಅಭಿವೃದ್ಧಿಪಡಿಸಿರೋ, ವಿಶ್ವದಲ್ಲೇ ಅತೀ ಹಗುರವಾದ ದಾಳಿ ಹೆಲಿಕಾಪ್ಟರ್. ಭಾರತೀಯ ವಾಯುಸೇನೆಯ ನಿರ್ದಿಷ್ಟ ಹಾಗೂ ವಿಶಿಷ್ಟ ಅಗತ್ಯತೆಗಳಿಗೆ ತಕ್ಕಂತೆ ಈ ಹೆಲಿಕಾಪ್ಟರ್​ ವಿನ್ಯಾಸಗೊಳಿಸಲಾಗಿದೆ. ಈ ಮೂಲಕ ಆತ್ಮನಿರ್ಭರ ಭಾರತ ನಿರ್ಮಾಣಕ್ಕೆ ಹೆಚ್​​ಎಎಲ್​​ ಪ್ರಮುಖ ಪಾತ್ರ ವಹಿಸಿದೆ ಎಂದು ಹೆಚ್​ಎಎಲ್​ನ ಅಧ್ಯಕ್ಷ ಆರ್​. ಮಾಧವನ್ ಹೇಳಿದ್ದಾರೆ.
ಲಘು ಯುದ್ಧ ಹೆಲಿಕಾಪ್ಟರ್​​ಗಳ ಲ್ಲಿನ ಶಸ್ತ್ರಾಸ್ತ್ರಗಳು ಹಗಲು ಅಥವಾ ರಾತ್ರಿ ವೇಳೆ ಯಾವುದೇ ರೀತಿಯ ಗುರಿ ಮೇಲೆ ನಿಖರವಾಗಿ ದಾಳಿ ಮಾಡಬಲ್ಲವು. ಅಲ್ಲದೆ ವಿವಿಧ ರೀತಿಯ ಪರಿಸ್ಥಿತಿಯಲ್ಲಿ ಅತೀ ಎತ್ತರದ ಪ್ರದೇಶಕ್ಕೆ ಸಾಕಷ್ಟು ಶಸ್ತ್ರಾಸ್ತ್ರಗಳನ್ನು ಸಾಗಿಸುವ ಸಾಮರ್ಥ್ಯ ಹೊಂದಿದೆ.
ಭಾರತೀಯ ವಾಯುಸೇನೆ ಹಾಗೂ ಭಾರತ ಸೇನೆ ಎರಡಕ್ಕೂ ಸೇರಿ ಒಟ್ಟು 160 ಲಘು ಯುದ್ಧ ಹೆಲಿಕಾಪ್ಟರ್​​ಗಳ ಅಗತ್ಯವಿದೆ. ಡಿಫೆನ್ಸ್​ ಅಕ್ವಿಸಿಷನ್ ಕೌನ್ಸಿಲ್ ಮೊದಲ ಬ್ಯಾಚ್​​ನ 15 ಹೆಲಿಕಾಪ್ಟರ್​​ಗಳಿಗೆ ಸಮ್ಮತಿ ನೀಡಿತ್ತು. 15 ಲಿಮಿಟೆಡ್ ಸೀರಿಸ್​ ಪ್ರೊಡಕ್ಷನ್ ಹೆಲಿಕಾಪ್ಟರ್​ಗಳಿಗಾಗಿ ಐಎಎಫ್​ ಮನವಿ ಮಾಡಿತ್ತು(10 ಐಎಎಫ್​​ಗೆ, 5 ಸೇನಾಪಡೆಗೆ).​​ ಈ ಕುರಿತು ತಾಂತ್ರಿಕ ಪರಿಶೀಲನೆ ಹಾಗೂ ಹಣಕಾಸಿನ ಮಾತುಕತೆ ಮುಗಿದಿದೆ. ಶೀಘ್ರದಲ್ಲೇ ಆರ್ಡರ್​ ಬರುವ ನಿರೀಕ್ಷೆಯಿದೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss