spot_img

ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ, ಕೊರೋನಾದಿಂದ ಸುರಕ್ಷಿತರಾಗಿರಿ.

Monday, September 20, 2021

ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಪಾಡಿ, ಕೊರೋನಾದಿಂದ ಸುರಕ್ಷಿತರಾಗಿರಿ.

Latest Posts

ಸೋಂಕಿತರ ಪತ್ತೆಗಾಗಿ 8500ಕಿಟ್ ಬಂದಿದೆ: ಬಿಜೆಪಿ ಶಾಸಕ ಎಲ್.ನಾಗೇಂದ್ರ

- Advertisement -Nitte

ಮೈಸೂರು: ಮೈಸೂರಿನಲ್ಲಿ ಕೊರೋನಾ ಸೋಂಕಿತರ ಪತ್ತೆಗಾಗಿ 8500 ರ‍್ಯಾಪಿಡ್ ಕಿಟ್ ಬಂದಿದ್ದು, ಕೋವಿಡ್ ಲಕ್ಷಣವುಳ್ಳವರು ಪರೀಕ್ಷೆ ಮಾಡಿಸಿಕೊಳ್ಳುವ ಮೂಲಕ ಸೋಂಕು ಹರಡುವಿಕೆಗೆ ಕಡಿವಾಣ ಹಾಕಲು ಸಹಕರಿಸಬೇಕೆಂದು ಮೈಸೂರಿನ ಚಾಮರಾಜ ಕ್ಷೇತ್ರದ ಬಿಜೆಪಿ ಶಾಸಕ ಎಲ್.ನಾಗೇಂದ್ರ ತಿಳಿಸಿದರು.
ಶುಕ್ರವಾರ ಮೈಸೂರು ನಗರಪಾಲಿಕೆಯ ವಾರ್ಡ್ ನಂ-೧೯ ರ ವ್ಯಾಪ್ತಿಯಲ್ಲಿಲ್ಲಿ ಬರುವ ಪ್ರೀಮಿಯರ್ ಸ್ಟುಡಿಯೋ ಹತ್ತಿರದ ಹುಣಸೂರು ರಸ್ತೆಯಿಂದ ಕಾಳಿದಾಸ ರಸ್ತೆಯವರೆಗೆ ರಸ್ತೆ ಅಭಿವೃದ್ದಿ ಕಾಮಗಾರಿಗೆ ಗುದ್ದಲಿಪೂಜೆ ನೆರವೇರಿಸುವ ಮೂಲಕ ಚಾಲನೆ ನೀಡಿ ಮಾತನಾಡಿದ ಅವರು, ಕೈಲಾಸಪುರಂ ಈ ಭಾಗದಲ್ಲಿ ೨೮೦ಮಂದಿಗೆ ಟೆಸ್ಟ್ ಮಾಡಿಸಿದಾಗ ಸುಮಾರು ೫೮-೬೦ಮಂದಿಗೆ ಕೊರೋನಾ ಬಂದಿದೆ. ಅದೇ ರೀತಿ ವಿಜಯ ನಗರ, ಹೆಬ್ಬಾಳು ಇಲ್ಲಿಯೂ ಹೆಚ್ಚು ವಿಕ್ರಾಂತ್ (ಜೆಕೆ ಟೈರ್) ಕಾರ್ಖಾನೆಯಲ್ಲಿರೋದರಿಂದ ಹೆಬ್ಬಾಳು, ಲೋಕನಾಯಕ ನಗರ, ಮೇಟಗಳ್ಳಿ ಈ ಭಾಗದ ಜನರಿಗೂ ಮೂರು ದಿನ ಸತತವಾಗಿ ರ‍್ಯಾಂಡಮ್ ಟೆಸ್ಟ್ ಮಾಡಲಾಗುತ್ತಿದ್ದು, ಸಾರ್ವಜನಿಕರು ಅದರ ಉಪಯೋಗವನ್ನು ಪಡೆಯಬೇಕು ಎಂದು ಹೇಳಿದರು.
ಯಾರಲ್ಲಿ ಸೋಂಕಿನ ಲಕ್ಷಣಗಳಿವೆಯೋ ಅವರು ಟೆಸ್ಟ್ ಮಾಡಿಸಿಕೊಳ್ಳಿ, ಯಾವುದೇ ಲಕ್ಷಣಗಳಿರದವರು ಅನವಶ್ಯಕವಾಗಿ ಟೆಸ್ಟ್ ಮಾಡಿಸಿಕೊಳ್ಳುವುದು ಬೇಡ. ಕೆಮ್ಮು, ನೆಗಡಿ, ಶೀತಬಾಧೆಯಿಂದ, ಉಸಿರಾಟದ ಸಮಸ್ಯೆಯಿಂದ ಒದ್ದಾಡುತ್ತಿರುವವರ ಸಹ ಕೋವಿಡ್ ಟೆಸ್ಟ್ ಮಾಡಿಸಿಕೊಳ್ಳುವುದು ಒಳ್ಳೆಯದು. ನಮ್ಮಿಂದ ಬೇರೆ ಬೇರೆಯವರಿಗೆ ಹರಡದಂತೆ ತಡೆಯುವುದಕ್ಕೋಸ್ಕರ ಟೆಸ್ಟ್ ಮಾಡಿಸಿಕೊಳ್ಳಿ, ಯಾರೂ ಹೆದರುವ ಅವಶ್ಯಕತೆಯಿಲ್ಲ. ಸೋಂಕಿತರ ಚಿಕಿತ್ಸೆಗಂದು ಸರ್ಕಾರ ಖರ್ಚು ಮಾಡುತ್ತಿದೆ ಎಂದರು.
ಪ್ರೀಮಿಯರ್ ಸ್ಟುಡಿಯೋ ಪಕ್ಕದಲ್ಲಿ ಬಹಳ ಪ್ರಮುಖವಾಗಿ ಜನ ಓಡಾಡುವಂತಹ ರಸ್ತೆ. ಇದು ತುಂಬಾ ಹಾಳಾಗಿತ್ತು. ೩೪ಲಕ್ಷರೂ. ವೆಚ್ಚದಲ್ಲಿ ಈ ರಸ್ತೆ ಕಾಮಗಾರಿಯನ್ನು ಕೈಗೆತ್ತಿಕೊಂಡಿದ್ದೇವೆ. ಬಹಳ ವರ್ಷಗಳಿಂದ ಬಹಳ ಸಮಸ್ಯೆಯಾಗಿತ್ತು. ಮಳೆ ಬಂದರೆ ಓಡಾಡಲು ಸಾಧ್ಯವಾಗುತ್ತಿರಲಿಲ್ಲ. ನಾನು ಕೂಡ ಓಡಾಡೋ ರಸ್ತೆ. ನನಗೂ ಕೂಡ ಓಡಾಡಲು ಕಷ್ಟವಾಗ್ತಿತ್ತು. ಹಾಗಾಗಿ ನನಗೂ ಕೂಡ ಸಮಸ್ಯೆಯಾಗುತ್ತಿತ್ತು. ಇದನ್ನು ನಿವಾರಿಸುವ ನಿಟ್ಟಿನಲ್ಲಿ ಈಗ ಕಾಮಗಾರಿಗೆ ಚಾಲನೆ ನೀಡಲಾಗಿದೆ ಎಂದರು.
ಕಾರ್ಯಕ್ರಮದಲ್ಲಿ ನಗರಪಾಲಿಕೆ ಸದಸ್ಯೆ ಭಾಗ್ಯ ಮಾದೇಶ್, ಚಾಮರಾಜ ಕ್ಷೇತ್ರದ ಬಿಜೆಪಿ ಅಧ್ಯಕ್ಷ ಸೋಮಶೇಖರರಾಜು, ಉಪಾಧ್ಯಕ್ಷ ಕುಮಾರ್ ಗೌಡ, ಪ್ರಧಾನ ಕಾರ್ಯದರ್ಶಿ ರಮೇಶ್, ಚಿಕ್ಕವೆಂಕಟ್, ಚಂದ್ರಕಲಾ, ಮಹೇಶ್, ಹರೀಶ್ ಮಹಾನಗರಪಾಲಿಕೆ ವಲಯ ಕಚೇರಿ-೪ ರ ಸಹಾಯಕ ಆಯುಕ್ತೆ ಪ್ರಿಯದರ್ಶಿನಿ, ಅಭಿವೃದ್ದಿ ಅಧಿಕಾರಿ ಹೇಗಾನಂದ್, ಪಾಲಿಕೆ ಇಂಜಿನಿಯರ್ ಗುರುಸಿದ್ದಯ್ಯ, ಗುತ್ತಿಗೆದಾರರಾದ ಎಸ್.ಎಂ. ಇಂದ್ರೇಶ್ ಮತ್ತಿತರರು ಹಾಜರಿದ್ದರು.

- Advertisement -Srinivas collage

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

spot_imgspot_img

Don't Miss