ಹಳೆ ಗಾಡಿಗಳು ಗುಜರಿಗೆ: ಕರ್ನಾಟಕ ರಾಜ್ಯವೊಂದರಲ್ಲೇ ಇವೆ ಇಷ್ಟೊಂದು ವಾಹನಗಳು!

ಹೊಸದಿಗಂತ ಆನ್ ಲೈನ್ ಡೆಸ್ಕ್:

ರಾಜ್ಯದಲ್ಲಿ 63 ಲಕ್ಷ ವಾಹನಗಳು 15 ವರ್ಷಕ್ಕಿಂತ ಹಿಂದಿನವು ಎಂದು ಸಾರಿಗೆ ಇಲಾಖೆ ಮಾಹಿತಿ ನೀಡಿದೆ.
ಕೇಂದ್ರ ಬಜೆಟ್​ ಮಂಡನೆ ವೇಳೆ ಕೇಂದ್ರ ಸಚಿವೆ ನಿರ್ಮಲಾ ಸೀತಾರಾಮನ್​ ಹಳೆ ವಾಹನಗಳನ್ನು ಸ್ವಯಂ ಪ್ರೇರಿತವಾಗಿ ಗುಜರಿಗೆ ಹಾಕುವ ನೀತಿಯನ್ನು ಜಾರಿಗೆ ತರೋದಾಗಿ ಹೇಳಿದ್ದರು. ಇದೀಗ ಕಳೆದ ವರ್ಷದ ಮಾರ್ಚ್​ ತಿಂಗಳವರೆಗೆ ರಾಜ್ಯದಲ್ಲಿ 40.2 ಲಕ್ಷ ದ್ವಿಚಕ್ರ ವಾಹನ, 11 ಲಕ್ಷ ಕಾರು, 2.2 ಲಕ್ಷ ಟ್ರಕ್​-ಲಾರಿಗಳು ಹಾಗೂ 2.6 ಆಟೋ ರಿಕ್ಷಾಗಳು 15 ವರ್ಷಕ್ಕಿಂತ ಹಳೆಯದಾಗಿವೆ.
ಇನ್ನು ಕೇವಲ ಬೆಂಗಳೂರು ಒಂದರಲ್ಲೇ 12.5 ಲಕ್ಷ ದ್ವಿಚಕ್ರ ವಾಹನಗಳು 15 ವರ್ಷ ಹಳೆಯದಾಗಿವೆ. 5.3 ಲಕ್ಷ ಕಾರುಗಳು, 1.2 ಲಕ್ಷ ಆಟೋಗಳು ಗುಜರಿ ಸಾಲಿಗೆ ಸೇರಿವೆ.