ಹಾವೇರಿ ಜಿಲ್ಲೆಯಲ್ಲಿ 172 ಜನರಲ್ಲಿ ಕೊರೋನಾ ದೃಢ, 401 ಮಂದಿ ಗುಣಮುಖ, ನಾಲ್ವರ ಬಲಿ

ಹಾವೇರಿ: ಜಿಲ್ಲೆಯಲ್ಲಿ ಪೊಲೀಸ್ ಇಲಾಖೆ ಮತ್ತು ಆರೋಗ್ಯ ಇಲಾಖೆಯ ಸಿಬ್ಬಂಧಿ ಸೇರಿ ಒಟ್ಟು ೧೭೨ ಜನರಲ್ಲಿ ಕೊರೋನಾ ಸೋಂಕು ದೃಢಪಟ್ಟಿದೆ. ಈ ಸೋಂಕಿನಿಂದ ನಾಲ್ವರು ಮೃತಪಟ್ಟಿದ್ದಾರೆ ಎಂದು ಜಿಲ್ಲಾಧಿಕಾರಿ ಸಂಜಯ ಶೆಟ್ಟೆಣ್ಣನವರ ತಿಳಿಸಿದ್ದಾರೆ.
ಜಿಲ್ಲೆಯ ಬ್ಯಾಡಗಿ ತಾಲೂಕಿನಲ್ಲಿ ೨೫, ಹಾನಗಲ್ ೮, ಹಾವೇರಿ ೬೪, ಹಿರೇಕೆರೂರ ೨೪, ಹಿರೇಕೆರೂರ ೨೬, ಸವಣೂರ ೫ ಹಾಗೂ ಶಿಗ್ಗಾಂವ ತಾಲೂಕಿನಲ್ಲಿ ೨೦ ಜನರು ಸೇರಿ ಒಟ್ಟು ೧೭೨ ಜನರಲ್ಲಿ ಸೋಂಕು ಕಾಣಿಸಿಕೊಂಡಿದೆ.
ಜಿಲ್ಲೆಯಲ್ಲಿ ಈವರೆಗೆ ೫೬೮೫ ಜನರಲ್ಲಿ ಸೋಂಕು ಕಾಣಿಸಿಕೊಂಡಿದ್ದರೆ ಇಂದಿನ ೪೦೧ ಜನರು ಸೇರಿದಮತೆ ಜಿಲ್ಲೆಯಲ್ಲಿ ಒಟ್ಟು ೪೩೫೨ ಜನರು ಸೋಂಕಿನಿಂದ ಗುಣಮುಖರಾಗಿ ಆಸ್ಪತ್ರೆಯಿಂದ ಬಿಡುಗಡೆಹೊಂದಿದ್ದಾರೆ. ಈವರೆಗೆ ಜಿಲ್ಲೆಯಲ್ಲಿ ೧೨೩ ಜನರು ಮರಣವನ್ನು ಹೊಂದಿದ್ದಾರೆ.ಹೋಂ ಐಸೋಲೇಷನ್‌ದಲ್ಲಿರುವ ೭೬೭ ಜನರು, ಜಿಲ್ಲೆಯ ವಿವಿಧ ಕೋವಿಡ್-೧೯ ಆಸ್ಪತ್ರೆಗಳಲ್ಲಿರುವ ೪೪೩ ಜನರು ಸೇರಿ ಒಟ್ಟು ೧೨೧೦ ಜನರಲ್ಲಿ ಕೊರೋನಾ ಸೋಂಕು ಸಕ್ರೀಯವಾಗಿದೆ ಎಂದು ಅವರು ತಿಳಿಸಿದ್ದಾರೆ.