Saturday, January 16, 2021

Latest Posts

ಹುಬ್ಬಳ್ಳಿ ಕಿಮ್ಸ್ ಸಿಬ್ಬಂದಿಯ ಎಡವಟ್ಟು, ನೂರಾರು ಜನರಲ್ಲಿ ಆತಂಕ!

ಹಾವೇರಿ: ಮರಣೋತ್ತರ ಕೋವಿಡ್ ಸೋಂಕಿನ ಕುರಿತು ದೃಢ ಪಡಿಸಿಕೊಳ್ಳದೇ ಮೃತ ದೇಹವನ್ನು ಕುಟುಂಬಸ್ತರಿಗೆ ನೀಡಿ, ಮೃತ ವ್ಯಕ್ತಿಯ ಅಂತ್ಯ ಸಂಸ್ಕಾರದ ನಂತರ ಮೃತ ವ್ಯಕ್ತಿಗೆ ಕೋವಿಡ್ ಸೋಂಕಿದೆ ಎಂದು ಸರ್ಟಿಫಿಕೇಟ್ ನೀಡಿದ ಪರಿಣಾಮ ಈಗ ನೂರಾರು ಜನರಲ್ಲಿ ಆತಂಕ ಪ್ರಾರಂಭವಾಗಿದೆ.
ಹೌದು, ತಾಲೂಕಿನ ಗುತ್ತಲ ಪಟ್ಟಣದ ೭೦ ವರ್ಷದ ಪುರುಷ ಹುಬ್ಬಳ್ಳಿಯ ಕಿಮ್ಸ್ ಆಸ್ಪತ್ರೆಯಲ್ಲಿ ಸೋಮವಾರ ರಾತ್ರಿ ನಿಧನರಾಗಿದ್ದರು, ಮೃತಪಟ್ಟ ಒಂದೆರಡು ಗಂಟೆಗಳಲ್ಲಿ ಮೃತ ದೇಹವನ್ನು ಕಿಮ್ಸ್ ಆಸ್ಪತ್ರೆಯವರು ಕುಟುಂಬಸ್ತರಿಗೆ ಹಸ್ತಾಂತರಿಸಿದ್ದಾರೆ. ಈ ಮೃತ ದೇಹವನ್ನು ಪಡೆಯುವದಕ್ಕೂ ಪೂರ್ವದಲ್ಲಿ ಕುಟುಂಬಸ್ತರು ಮೃತ ವ್ಯಕ್ತಿಗೆ ಕೋವಿಡ್ ಸೋಂಕಿನ ಬಗ್ಗೆ ದೃಢ ಪಡಿಸಿಕೊಂಡು ಮೃತ ದೇಹವನ್ನು ನೀಡುವಂತೆ ವಿನಿಂತಿಸಿಕೊಂಡಿದ್ದಾರೆ.
ಆದರೆ, ಕಿಮ್ಸ್ ಆಡಳಿತ ಮಂಡಳಿಯವರು ಇವರು ಕೋವಿಡ್‌ದಿಂದ ಮೃತ ಪಟ್ಟಿಲ್ಲ, ಬದಲಿಗೆ ವಿವಿಧ ಖಾಯಿಲೆಗಳಿಂದ ತೊಂದರೆ ಆಗಿ ಮೃತಪಟ್ಟಿದ್ದಾರೆ ಎಂದು ತಿಳಿಸಿದ್ದೂ ಅಲ್ಲದೆ ಕೋವಿಡ್ ನಿಯಮಾನುಸಾರ ಯಾವುದೇ ಮುಂಜಾಗ್ರತಾ ಕ್ರಮಗಳನ್ನು ಕೈಗೊಳ್ಳದೇ(ದೇಹವನ್ನು ಪ್ಯಾಕ್ ಮಾಡದೇ) ಆಂಬುಲೆನ್ಸ್ ನ ಲ್ಲಿ ಗುತ್ತಲಕ್ಕೆ ಕಳಿಸಿಕೊಟ್ಟಿದ್ದಾರೆ.
ಆಸ್ಪತ್ರೆಯವರು ಕೋವಿಡ್‌ನಿಂದ ಮೃತ ಪಟ್ಟಿಲ್ಲ ಎಂದು ದೃಢ ಪಡಿಸಿದ ಹಿನ್ನಲೆಯಲ್ಲಿ ಅವರ ಸಂಬಂಧಿಕರು ಬೇರೆ ಬೇರೆ ಊರುಗಳಿಂದ ಮತ್ತು ಗುತ್ತಲ ಪಟ್ಟಣದ ನೂರಾರು ಜನತೆ ಬಂದು ಅಂತಿಮ ದರ್ಶನವನ್ನು ಪಡೆದುಕೊಂಡು ಹೋಗಿದ್ದಾರೆ. ಕೆಲ ಕುಟುಂಬಸ್ತರು ಸಹಜವಾಗಿ ಗಂಟೆಗಂಟಲೇ ಮೃತ ದೇಹದಬಳಿ ಕಾಲವನ್ನು ಕಳೆದಿದ್ದಾರೆ. ಆ ನಂತರದಲ್ಲಿ ಮಧ್ಯಾಹ್ನದ ನಂತರದಲ್ಲಿ ಅಂತ್ಯ ಸಂಸ್ಕಾರವನ್ನು ಪೂರೈಸಿದ್ದಾರೆ.
ಆದರೆ, ಕುಟುಂಬಸ್ತರಿಗೆ ಸಂಕಟ ಪ್ರಾರಂಭವಾಗಿದ್ದೇ ಅಂತ್ಯಸಂಸ್ಕಾರದ ನಂತರದಿಂದ. ಅಂತ್ಯಸಂಸ್ಕಾರ ಪೂರೈಸಿಕೊಂಡು ಮನೆಗೆ ಬಂದಾಗ ಮೃತ ವ್ಯಕ್ತಿಯ ಮಗನಿಗೆ ಪಟ್ಟಣದ ಆರೋಗ್ಯ ಇಲಾಖೆಯ ಸಿಬ್ಬಂಧಿಯೋರ್ವರು ಕರೆ ಮಾಡಿ ನಿಮ್ಮ ತಂದೆಯವರಿಗೆ ಕೋವಿಡ್ ಸೋಂಕು ದೃಢ ಪಟ್ಟಿದೆ ಹೀಗಾಗಿ ಪ್ರಥಮ ಸಂಪರ್ಕಿತರೆಂದು ಗುರಿತಿಸಿರುವ ಎಲ್ಲ ೧೪ ಜನರನ್ನು ಕ್ವಾರಂಟೈನ್ ಕೇಂದ್ರಕ್ಕೆ ಕರೆದೊಯ್ಯಲಾಗುವುದು ಆದ್ದರಿಂದ ಅಗತ್ಯ ವಸ್ತುಗಳೊಂದಿಗೆ ಸಿದ್ಧರಾಗಿ ಎಂದು ಹೇಳಿದಾಗ. ಈ ಮಾತುಗಳನ್ನು ಕೇಳಿದ ಕುಟುಂಬಸ್ತರು ಮತ್ತು ಬೇರೆ ಬೇರೆ ಊರುಗಳಿಂದ ಬಂದಿದ್ದ ಸಂಬಂಧಿಕರಿಗೆ ಬರಸಿಡಿಲು ಬಡಿದಂತಾಗಿದೆ.
ಈ ಘಟನೆಯಿಂದ ಪ್ರಸಕ್ತ ಗುತ್ತಲ ಪಟ್ಟಣದಲ್ಲಿ ಆತಂಕದ ವಾತಾವರಣ ನಿರ್ಮಾಣವಾಗಿದೆ. ಇದಲ್ಲದೆ ಅನೇಕ ಸಾರ್ವಜನಿಕರು ಮೃತ ವ್ಯಕ್ತಿಯ ಕುಟುಂಬದ ಸದಸ್ಯರನ್ನು ನಿಂದಿಸುವಂತಾಗುತ್ತಿದೆ. ಇದರಿಂದ ಕುಟುಂಬಸ್ತರು ಬಹಳ ಬೇಸರದಲ್ಲಿದ್ದಾರೆ.
ವಿಶ್ವದಲ್ಲಿ ಕೋವಿಡ್ ಸೋಂಕಿನಿಂದ ಕೋಟ್ಯಾಂತರ ಜನ ಸಂಕಷ್ಟವನ್ನು ಅನುಭವಿಸುತ್ತಿರುವುದನ್ನು ಕಾಣುತ್ತಿದ್ದೇವೆ. ಆಸ್ಪತ್ರೆಗಳು ಮಾಡುವ ತಪ್ಪಿನಿಂದ ಸಾರ್ವಜನಿಕರೀಗ ತೊಂದರೆ ಅನುಭವಿಸುವಂತಾಗುತ್ತಿದೆ.

ಸುದ್ದಿ ಇಷ್ಟವಾಯ್ತಾ, ಇತರರಿಗೂ ಶೇರ್ ಮಾಡಿ, ಓದಿಸಿ.

Whatsapp Group
Telegram

Latest Posts

Don't Miss

error: Content is protected !!