Wednesday, July 6, 2022

Latest Posts

ಹೆಚ್ಚುತ್ತಿರುವ ಕೊರೋನಾ: ಕೇರಳದಲ್ಲಿ ಸದ್ಯಕ್ಕಿಲ್ಲ ಸಿನಿಮಾ ಟಾಕೀಸ್ ಓಪನ್

ಹೊಸ ದಿಗಂತ ವರದಿ, ತಿರುವನಂತಪುರ:

ಕೇರಳದಲ್ಲಿ ಸಿನಿಮಾ ಥಿಯೇಟರ್ ಗಳನ್ನು ಸದ್ಯಕ್ಕೆ ತೆರೆಯದಿರುವಂತೆ ಮುಖ್ಯಮಂತ್ರಿ ಪಿಣರಾಯಿ ವಿಜಯನ್ ಅವರ ಅಧ್ಯಕ್ಷತೆಯಲ್ಲಿ ತಿರುವನಂತಪುರದಲ್ಲಿ ಜರಗಿದ ಚಲನಚಿತ್ರ ಮಂಡಳಿ ಮತ್ತು ಸಂಘಟನೆಗಳ ಸಭೆಯಲ್ಲಿ ತೀರ್ಮಾನಿಸಲಾಗಿದೆ.
ರಾಜ್ಯದಲ್ಲಿ ಕೋವಿಡ್ ವೈರಸ್ ಸೋಂಕು ಹರಡುವಿಕೆ ಹೆಚ್ಚಿದ ಹಿನ್ನೆಲೆಯಲ್ಲಿ ಈ ನಿರ್ಧಾರ ಕೈಗೊಳ್ಳಲಾಗಿದೆ. ಪ್ರಸ್ತುತ ಪರಿಸ್ಥಿತಿಯನ್ನು ಪರಿಗಣಿಸಿ ಸಿನಿಮಾ ಟಾಕೀಸ್ ತೆರೆಯುವುದನ್ನು ಮುಂದೂಡುವುದು ಸೂಕ್ತವೆಂಬ ಸರಕಾರದ ತೀರ್ಮಾನವನ್ನು ಸಂಘಟನೆಗಳು ಬೆಂಬಲಿಸಿವೆ. ಇದೇ ವೇಳೆ ಪ್ರಸ್ತುತ 50 ಮಂದಿಯನ್ನು ಸೇರಿಸಿಕೊಂಡು ಸಿನಿಮಾ ಚಿತ್ರೀಕರಣ ಮಾಡಲಾಗುತ್ತಿದೆ. ಇನ್ನು ಮುಂದೆ 100 ಮಂದಿಯನ್ನು ಸೇರಿಸಿ ಚಿತ್ರೀಕರಣ ನಡೆಸುವಂತೆ ಸರಕಾರವು ಅನುಮತಿ ನೀಡಿದೆ.
ಇನ್ನೊಂದೆಡೆ ಸ್ಥಳೀಯಾಡಳಿತ ಸಂಸ್ಥೆಗಳ ಚುನಾವಣೆಯ ಅಂಗವಾಗಿ ನೀತಿ ಸಂಹಿತೆ ಜಾರಿಗೆ ಬಂದುದರಿಂದ ಥಿಯೇಟರ್ ಗಳ ವಿದ್ಯುತ್ ದರದಲ್ಲಿ ಕಡಿತಗೊಳಿಸಬೇಕೆಂಬ ಬೇಡಿಕೆಯನ್ನು ಮುಂದೆ ಪರಿಶೀಲಿಸಲಾಗುವುದು ಎಂದು ಮುಖ್ಯಮಂತ್ರಿ ಇದೇ ಸಂದರ್ಭ ತಿಳಿಸಿದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss