Sunday, August 14, 2022

Latest Posts

12-17 ವರ್ಷದೊಳಗಿನ ಮಕ್ಕಳಿಗೆ ಸಿದ್ಧವಾಯ್ತು ಒಂದು ಕೋಟಿ ಕೊರೋನಾ ಲಸಿಕೆ!

ಹೊಸದಿಗಂತ ಆನ್ ಲೈನ್ ಡೆಸ್ಕ್:

ಈ ತಿಂಗಳ ಅಂತ್ಯದೊಳಗೆ ಝೈಡಸ್ ಕ್ಯಾಡಿಲಾ ಸಂಸ್ಥೆಯ ಕೊರೋನಾ ಲಸಿಕೆಯ ಬರೋಬ್ಬರಿ 1 ಕೋಟಿ ಡೋಸ್ ಗುಣಮಟ್ಟ ಪರೀಕ್ಷೆಗೆ ಸಿದ್ದವಾಗಿದೆ ಎಂದು ವರದಿ ತಿಳಿಸಿದೆ.
ಝೈಡಸ್ ಕ್ಯಾಡಿಲಾದ 1 ಕೋಟಿ ಲಸಿಕೆಯನ್ನು ಕಸೌಲಿಯ ಕೇಂದ್ರ ಔಷಧ ಪ್ರಯೋಗಾಲಯದಲ್ಲಿ ಗುಣಮಟ್ಟ ಪರೀಕ್ಷೆ ನಡೆಸಲಾಗುತ್ತದೆ. ಈ ಲಸಿಕೆಯನ್ನು 12-17 ವರ್ಷದೊಳಗಿನ ಮಕ್ಕಳಿಗೆ ನೀಡಲು ನಿರ್ಧರಿಸಲಾಗಿದ್ದು, ತಜ್ಞರಿಂದ ಸೂಕ್ತ ಮಾರ್ಗಸೂಚಿ ಪಡೆಯಬೇಕಿದೆ ಎಂದು ಸರ್ಕಾರದ ಮೂಲಗಳು ತಿಳಿಸಿದೆ.
ಝೈಕೋವ್-ಡಿ ಲಸಿಕೆಯು ವಿಶ್ವದ ಮೊದಲ ಡಿಎನ್’ಎ ಲಸಿಕೆಯಾಗಿದ್ದು, ಮೂರು ಡೋಸ್ ಲಸಿಕೆ ಪಡೆಯಬೇಕಾಗುತ್ತದೆ. ಮೊದಲ ಡೋಸ್ ಬಳಿಕ 28ನೇ ದಿನ ಎರಡನೇ ಡೋಸ್ ಹಾಗೂ 56ನೇ ದಿನದಂದು ಮೂರನೇ ಡೋಸ್ ಲಸಿಕೆ ಹಾಕಿಸಿಕೊಳ್ಳಬೇಕು.
ಲಸಿಕೆಯ ಬೆಲೆ ಕುರಿತು ಈಗಷ್ಟೆ ಚರ್ಚೆ ಪ್ರಾರಂಭವಾಗಿದ್ದು, ಶೀಘ್ರದಲ್ಲಿ ಸೂಕ್ತ ನಿರ್ಧರ ಕೈಗೊಳ್ಳಲಾಗುತ್ತದೆ. ಈ ಲಸಿಕೆಯನ್ನು ರಾಷ್ಟ್ರೀಯ ಲಸಿಕಾ ಕಾರ್ಯಕ್ರಮದಲ್ಲಿ ಸೇರಿಸಲು ಚಿಂತನೆ ನಡೆಸಲಾಗುತ್ತಿದೆ ಎಂದು ನೀತಿ ಆಯೋಗದ ಸದಸ್ಯ ಡಾ. ವಿ.ಕೆ. ಪಾಲ್ ತಿಳಿಸಿದ್ದಾರೆ.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss