ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ಶುಕ್ರವಾರ ಇಂಡೋನೇಷ್ಯಾದ ಪಶ್ಚಿಮ ಸುಮಾತ್ರಾ ಪ್ರಾಂತ್ಯದ ಕಲ್ಲಿದ್ದಲು ಗಣಿಯಲ್ಲಿ ಸಂಭವಿಸಿದ ಸ್ಫೋಟದಲ್ಲಿ ಒಂಬತ್ತು ಗಣಿಗಾರರು ಸಾವನ್ನಪ್ಪಿದ್ದಾರೆ. ರಕ್ಷಣಾ ಕಾರ್ಯಕರ್ತರು ಇಬ್ಬರನ್ನು ರಕ್ಷಿಸಿದ್ದು, ಕಾಣೆಯಾದ ಗಣಿಗಾರರಿಗೆ ಹುಡುಕುತ್ತಿದ್ದಾರೆ.
ಖಾಸಗಿ ಕಂಪನಿಯ ಒಡೆತನದ ಸವಾಲುಂಟೊ ಜಿಲ್ಲೆಯ ಗಣಿಯಲ್ಲಿ 12 ಗಣಿಗಾರರು ಪಿಟ್‌ಗೆ ಪ್ರವೇಶಿಸುತ್ತಿದ್ದಾಗ ಮೀಥೇನ್ ಸೇರಿದಂತೆ ವಿಷಕಾರಿ ಅನಿಲಗಳಿಂದ ಸ್ಫೋಟವು ಸಂಭವಿಸಿದೆ.
“ವಿಷಕಾರಿ ಅನಿಲಗಳು ಹರಡಿದ್ದರಿಂದ ರಕ್ಷಣಾ ತಂಡಕ್ಕೆ ಆ ಸ್ಥಳ ಪ್ರವೇಶಿಸಲು ಕಷ್ಟವಾಯಿತು ಎಂದು ರಕ್ಷಣಾ ತಂಡದ ಆಕ್ಟೇವಿಯಾಂಟೊ ಹೇಳಿದ್ದಾರೆ.
ಭೂಕುಸಿತಗಳು, ಪ್ರವಾಹ ಮತ್ತು ಸುರಂಗ ಕುಸಿತಗಳು ಗಣಿಗಾರರು ಎದುರಿಸುತ್ತಿರುವ ಕೆಲವು ಅಪಾಯಗಳಾಗಿವೆ. ಏಪ್ರಿಲ್‌ನಲ್ಲಿ, ಇಂಡೋನೇಷ್ಯಾದ ಪಶ್ಚಿಮ ಪಪುವಾ ಪ್ರಾಂತ್ಯದ ಅಕ್ರಮ ಚಿನ್ನದ ಗಣಿ ಬಳಿ 29 ಜನರನ್ನು ಹೊತ್ತೊಯ್ಯುತ್ತಿದ್ದ ಓವರ್‌ಲೋಡ್ ಟ್ರಕ್ ಬೆಟ್ಟಕ್ಕೆ ಡಿಕ್ಕಿ ಹೊಡೆದು 18 ಜನರು ಸಾವನ್ನಪ್ಪಿದರು ಮತ್ತು ಇತರರು ಗಾಯಗೊಂಡಿದರು.
ಇಂಡೋನೇಷ್ಯಾದಲ್ಲಿ ಮತ್ತೊಂದು ಪ್ರಮುಖ ಗಣಿಗಾರಿಕೆ-ಸಂಬಂಧಿತ ಅಪಘಾತವು ಫೆಬ್ರವರಿ 2019 ರಲ್ಲಿ ಸಂಭವಿಸಿತು, ಉತ್ತರ ಸುಲವೆಸಿ ಪ್ರಾಂತ್ಯದ ಅಕ್ರಮ ಚಿನ್ನದ ಗಣಿಯಲ್ಲಿ ತಾತ್ಕಾಲಿಕ ಮರದ ರಚನೆಯು ಕುಸಿದು 40 ಕ್ಕೂ ಹೆಚ್ಚು ಜನರು ಜೀವಂತ ಸಮಾಧಿಯಾಗಿದ್ದರು.
ಇಂಡೋನೇಷ್ಯಾ ಕಲ್ಲಿದ್ದಲು ಗಣಿಯಲ್ಲಿ ಸ್ಫೋಟ: 9 ಗಣಿ ಕಾರ್ಮಿಕರ ಸಾವು
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ
