ಇದೀಗ ಎಲ್ಲರ ಬದುಕು ಓಡಾಟದಿಂದ ತುಂಬಿದೆ. ದಿನಪತ್ರಿಕೆ ಓದುವುದಕ್ಕೂ, ಕಾಫಿ ಕುಡಿಯುವುದಕ್ಕೂ ಸಮಯವಿಲ್ಲದ ಇಂತಹ ವೇಗದ ಯುಗದಲ್ಲಿ ಅನೇಕರು ಎಲ್ಲದರ ಬಗ್ಗೆ ತೀವ್ರವಾಗಿ ಕಾಳಜಿ ಮಾಡುತ್ತಾರೆ. ಕಾಳಜಿಯ ನೆಪದಲ್ಲಿ ಮನಸ್ಸಿನ ಶಾಂತಿಯನ್ನೇ ಬಲಿಕೊಟ್ಟುಬಿಡುತ್ತಾರೆ. ಇನ್ನು ಕೆಲವರು ಯಾವುದರ ಬಗ್ಗೆ ಕಿಂಚಿತ್ತೂ ಯೋಚ್ನೆ ಮಾಡದೆ ನಿರ್ಲಕ್ಷ್ಯದ ಬದುಕನ್ನು ನಡೆಸುತ್ತಾರೆ. ಆದರೆ ಜೀವನದಲ್ಲಿ ಎಲ್ಲದರ ನಡುವೆ ಸಮತೋಲನ ವಹಿಸಿ, ಅನಗತ್ಯ ಚಿಂತೆಗಳಿಂದ ದೂರವಿದ್ದು, ನೆಮ್ಮದಿಯಿಂದ ಬದುಕುವುದು ಕಲೆ. ಈ ‘ಕಾಳಜಿಯಿಲ್ಲದ ಸಂತೋಷ ಬದುಕು’ ಕಲಿತರೆ, ಅದು ನಿಮ್ಮ ಜೀವನದ ಗುಣಮಟ್ಟವನ್ನು ಭಾರೀವಾಗಿ ಸುಧಾರಿಸುತ್ತದೆ.
“ಸಂತೋಷ ಎನ್ನುವುದು ಗುರಿಯಲ್ಲ, ಅದು ಪ್ರಸ್ತುತ ಕ್ಷಣದಲ್ಲಿ ನಿಮ್ಮ ಮನಸ್ಸಿನ ಸ್ಥಿತಿ.” ಹಾಗಾಗಿ, ನಿಮಗೆ ಬೇಕಾದರೆ ಸಂತೋಷವಾಗಿ ಇರಬೇಕಾದರೆ, ‘ಕಾಳಜಿಯಿಲ್ಲದ ಬದುಕು’ ಎಂಬ ಕಲೆಯನ್ನು ಕರಗತ ಮಾಡಿಕೊಳ್ಳಲೇಬೇಕು.
ನಿಮ್ಮ ಯೋಗಕ್ಷೇಮಕ್ಕೇ ಮೊದಲ ಆದ್ಯತೆ ಕೊಡಿ:
ನಿತ್ಯದ ಕೆಲಸದ ತೊಳಲಾಟದ ನಡುವೆ ಸ್ವಯಂ ಆರೈಕೆಗೆ ಕಾಲ ಕೊಡಿ – ನಿದ್ರೆ, ಆಹಾರ, ವ್ಯಾಯಾಮ, ಮನಸ್ಸಿಗೆ ನೆಮ್ಮದಿ ಕೊಡುವ ಚಟುವಟಿಕೆಗಳ ಕಡೆ ಗಮನ ಹರಿಸಿ.
ಅನುಮೋದನೆಯ ಅಗತ್ಯದಿಂದ ಮುಕ್ತವಾಗಿರಿ:
ಎಲ್ಲರೂ ನಿಮ್ಮ ಬಗ್ಗೆ ಏನು ಅಂದುಕೊಳ್ಳುತ್ತಾರೆ ಎಂಬುದು ತಾನೇ ಒತ್ತಡದ ಮೂಲ. ಈ ಒತ್ತಡದಿಂದ ತಪ್ಪಿಸಿಕೊಳ್ಳಿ. ನಿಮ್ಮ ದಾರಿ ನೀವು ಆಯ್ಕೆಮಾಡಿ, ನಿಮ್ಮ ತಾಳಮೇಳದಂತೆ ಬದುಕಿ. ಇತರರ ಒಪ್ಪಿಗೆಯ ಅಗತ್ಯವಿಲ್ಲ.
ನಿಮ್ಮ ನಿಯಂತ್ರಣದಲ್ಲಿರುವ ವಿಷಯಗಳತ್ತ ಗಮನ ಹರಿಸಿ:
ನೀವು ಏನು ನಿಯಂತ್ರಿಸಬಹುದು, ಅದನ್ನೆ ನೋಡಿ. ಇತರರ ಅಭಿಪ್ರಾಯ, ಭವಿಷ್ಯದ ಅಸ್ಥಿರತೆ, ಅಥವಾ ಹಳೆಯ ತಪ್ಪುಗಳ ಪಶ್ಚಾತಾಪ–ಇವು ಎಲ್ಲವೂ ಕೇವಲ ಮನಸ್ಸಿಗೆ ಒತ್ತಡ ಮಾತ್ರ ನೀಡುತ್ತವೆ.
ವೈಫಲ್ಯಕ್ಕೂ ಧನ್ಯವಾದ ಹೇಳಿ:
ವೈಫಲ್ಯವೆಂದರೆ ನಿಮ್ಮನ್ನು ಸೀಮಿತಗೊಳಿಸುವುದು ಅಲ್ಲ. ಅದು ಕಲಿಕೆಯ ಅವಕಾಶ. ತಪ್ಪುಗಳಿಂದ ಹೊಸ ಪಾಠ, ಹೊಸ ಮಾರ್ಗ ಇರುತ್ತದೆ. ಹೀಗೆ ನೋಡಿದರೆ, ಜೀವನದ ಪ್ರತಿಯೊಂದು ಹಂತವೂ ನಿಮ್ಮ ಬೆಳವಣಿಗೆಗೆ ಕಾರಣವಾಗಬಹುದು.
ಸಕಾರಾತ್ಮಕ ಜನರೊಂದಿಗೆ ಸಮಯ ಕಳೆಯಿರಿ:
ಸದುಪಯೋಗಿ, ಪ್ರೋತ್ಸಾಹಕರ ಸಂಬಂಧಗಳು ನಿಮ್ಮಲ್ಲಿನ ಶಕ್ತಿ ಮತ್ತು ಶಾಂತಿಯನ್ನು ಇನ್ನಷ್ಟು ಬೆಳಗಿಸುತ್ತವೆ. ನಿಮ್ಮ ಸುತ್ತಲೂ ಇದ್ದವರು ಪ್ರಾಮಾಣಿಕವಾಗಿ ನಿಮ್ಮ ಒಳ್ಳೆಯದಕ್ಕೆ ಆಸಕ್ತರಾಗಿರುವವರಾಗಿರಲಿ.
