ಪ್ರೀತಿಯ ಓದುಗರೇ,
ಕೋವಿಡ್ ನಿರ್ನಾಮ ನಮ್ಮ ಕೈಯಲ್ಲೇ ಇದೆ. ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ, ಕೈ, ಮುಖವನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳಿ. ನೀವೂ ಸುರಕ್ಷಿತರಾಗಿರಿ, ನಿಮ್ಮವರನ್ನೂ ಸುರಕ್ಷಿತರಾಗಿ ಇರುವಂತೆ ನೋಡಿಕೊಳ್ಳಿ.
……………………………………………………………………
ಹೊಸದಿಗಂತ ಆನ್ ಲೈನ್ ಡೆಸ್ಕ್:
ಬೆಂಗಳೂರು ನಗರದಲ್ಲಿ ಬೆಡ್ ಬ್ಲಾಕಿಂಗ್ ದಂಧೆ ಬಯಲಾದ ಬೆನ್ನಲ್ಲೇ, ಇಂದು 3 ಸಾವಿರಕ್ಕಿಂತ ಅಧಿಕ ಬೆಡ್ಗಳು ಖಾಲಿ ಇರುವುದಾಗಿ ವೆಬ್ಸೈಟ್ ತೋರಿಸುತ್ತಿದೆ.
ನಿನ್ನೆಯವರೆಗೆ ನಗರದ ಆಸ್ಪತ್ರೆಗಳಲ್ಲಿ ಬೆಡ್ ಇಲ್ಲ ಎಂದು ವೆಬ್ಸೈಟ್ಗಳಲ್ಲಿ ಶೂನ್ಯ ಸಂಖ್ಯೆ ತೋರಿಸುತ್ತಿತ್ತು. ಆದರೆ, ಇಂದು ಒಂದೇ ಸಮನೆ ಬೆಡ್ಗಳ ಸಂಖ್ಯೆ ಏರಿಕೆಯಾಗಿದ್ದು, ಬರೋಬ್ಬರಿ 3,210 ಬೆಡ್ಗಳು ಖಾಲಿ ಇದೆ.
ಬೆಂಗಳೂರಿನ ದಕ್ಷಿಣ ವಲಯದ ಕೋವಿಡ್ ವಾರ್ ರೂಂನಿಂದ ವಿವಿಧ ವಲಯಗಳ ಕೋವಿಡ್ ಸೋಂಕಿತರಿಗೆ ಅರಿವಿಲ್ಲದಂತೆಯೇ ಬೆಡ್ ಬುಕಿಂಗ್ ಮಾಡಿ ದಂಧೆ ನಡೆಸುತ್ತಿದ್ದ ಪ್ರಕರಣ ನಿನ್ನೆಯಷ್ಟೇ ಬಯಲಾಗಿತ್ತು. ಬಳಿಕ ವಾರ್ ರೂಂ 17 ಮಂದಿ ಗುತ್ತಿಗೆ ಸಿಬ್ಬಂದಿಯನ್ನು ಕೆಲಸದಿಂದ ವಜಾಗೊಳಿಸಲಾಗಿತ್ತು.
ನಿನ್ನೆಯವರೆಗೂ 12,736 ಸರ್ಕಾರಿ ಕೋಟಾದ ಬೆಡ್ಗಳ ಪೈಕಿ ಐಸಿಯು, ವೆಂಟಿಲೇಟರ್ ಇರುವ ಕೇವಲ ಬೆರಳೆಣಿಕೆಯಷ್ಟು ಮಾತ್ರ ಬೆಡ್ಗಳು ಖಾಲಿ ತೋರಿಸುತ್ತಿದ್ದ ಲೈವ್ ಸೆಂಟ್ರಲ್ ಹಾಸ್ಪಿಟಲ್ ಬೆಡ್ ಮ್ಯಾನೇಜ್ಮೆಂಟ್ ವೆಬ್ಸೈಟ್, ಇಂದು ಬರೋಬ್ಬರಿ 3,210 ಬೆಡ್ಗಳು ಖಾಲಿ ಎಂದು ತೋರಿಸುತ್ತಿದೆ.
ಸರ್ಕಾರಿ ಮೆಡಿಕಲ್ ಕಾಲೇಜು ಆಸ್ಪತ್ರೆಯಲ್ಲಿ 12, ಸರ್ಕಾರಿ ಆಸ್ಪತ್ರೆಯಲ್ಲಿ 67, ಖಾಸಗಿ ಮೆಡಿಕಲ್ ಕಾಲೇಜಿನಲ್ಲಿ 1,197, ಖಾಸಗಿ ಆಸ್ಪತ್ರೆಯಲ್ಲಿ 402, ಸೇರಿ ಒಟ್ಟು 1,693 ಬೆಡ್ಗಳು ಖಾಲಿ ಇವೆ.
ಅಲ್ಲದೆ ಶೇ.10 ರಷ್ಟು ಆಕ್ಸಿಜನ್ ಲಭ್ಯವಿರುವ ಕೋವಿಡ್ ಕೇರ್ ಸೆಂಟರ್ಗಳಲ್ಲೂ 1,517 ಬೆಡ್ಗಳು ಖಾಲಿ ಇವೆ. 127 ಖಾಸಗಿ ಆಸ್ಪತ್ರೆಗಳಲ್ಲಿ ಸರ್ಕಾರಿ ಕೋಟಾದ 29 ಐಸಿಯು, 13 ವೆಂಟಿಲೇಟರ್ ಬೆಡ್ಗಳು ಖಾಲಿ ಇವೆ
