ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಹಿಂದೂ ಸಂಪ್ರದಾಯದ ಆಚರಣೆಗಳನ್ನು ಆರಾಧಿಸುವ ಬ್ರೆಜಿಲ್ ಭಕ್ತರು ಕಾಳಹಸ್ತಿಗೆ ಭೇಟಿ ನೀಡಿ, ಕಾಳಹಸ್ತೇಶ್ವರನಿಗೆ ವಿಶೇಷ ಪೂಜೆ ಸಲ್ಲಿಸಿದ್ದಾರೆ.
ಆಂಧ್ರಪ್ರದೇಶದ ಕಾಳಹಸ್ತಿಗೆ ಬ್ರೆಜಿಲ್‌ನ 22 ಭಕ್ತರು ಆಗಮಿಸಿದ್ದು,ರಾಹು-ಕೇತು ಪೂಜೆಗಳನ್ನು ಮಾಡಿಸಿದ್ದಾರೆ. ದೇಗುಲದಲ್ಲಿ ಕುಳಿತು ಹಾಲು, ಪಂಚಾಮೃತ, ಶ್ರೀಗಂಧದೊಂದಿಗೆ ಮೃತ್ಯುಂಜಯ ಅಭಿಷೇಕ ನೆರವೇರಿಸಿದರು.
ಇಲ್ಲಿಗೆ ಭೇಟಿ ನೀಡಿದ್ದು ಅಪಾರ ಖುಷಿ ನೀಡಿದೆ. ದೇವರ ಮೇಲೆ ನಮಗೆ ನಂಬಿಕೆಯಿದೆ, ಇಲ್ಲಿಗೆ ಕಾಲಿಟ್ಟಿದ್ದೇ ನಮ್ಮ ಪುಣ್ಯ ಎಂದು ಬ್ರೆಜಿಲ್ ಪ್ರಜೆಯೊಬ್ಬರು ಹೇಳಿದ್ದಾರೆ. ಬ್ರೆಜಿಲ್‌ನಲ್ಲಿ ಕಾಳಹಸ್ತೇಶ್ವರನನ್ನು ನಂಬುವ ಭಕ್ತರಿದ್ದಾರೆ. ಬಂದವರಿಗೆ ಉತ್ತಮ ಆತಿಥ್ಯ ನೀಡಿದ್ದೇವೆ. ರಾಹು-ಕೇತು ಪೂಜೆಗಳನ್ನು ಶಾಸ್ತ್ರೋತ್ಕವಾಗಿ ಮಾಡಿಸಿದ್ದೇವೆ ಎಂದು ದೇವಾಲಯದ ಸಿಬ್ಬಂದಿ ಹೇಳಿದ್ದಾರೆ.
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ
