ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಚಿಕ್ಕಮಕ್ಕಳು ಎಲ್ಲದಕ್ಕೂ ಹಠ ಮಾಡೋದು ಕಾಮನ್‌, ಅದರಲ್ಲೂ ಹೋಮ್ ವರ್ಕ್ ವಿಚಾರದಲ್ಲಿ ಮಾತ್ರ ಏನಾದರೂ ನೆಪ ಹೇಳಿ ತಪ್ಪಿಸಿಕೊಳ್ಳುತ್ತಾರೆ. ಹೀಗೆ ಹೋಂ ವರ್ಕ್ ಮಾಡದ ಮಗುವಿಗೆ ತಾಯಿಯೊಬ್ಬಳು ಯಾರೂ ಊಹಿಸದ ರೀತಿಯಲ್ಲಿ ಶಿಕ್ಷೆ ವಿಧಿಸಿದ್ದಾಳೆ. ಮಗುವಿನ ಕೈ-ಕಾಲುಗಳನ್ನು ಕಟ್ಟಿ ಹಾಕಿ, ಮಧ್ಯಾಹ್ನ 2ಗಂಟೆ ವೇಳೆಗೆ ಸುಡುವ ರಣ ಬಿಸಿಲಿನಲ್ಲಿ ಮನೆಯ ಟೆರಸ್‌ ಮೇಲೆ ಮಲಗಿಸಿರುವ ಘಟನೆ ದೆಹಲಿಯ ಖಜೂರಿಖಾಸ್ ಪ್ರದೇಶದಲ್ಲಿ ನಡೆದಿದೆ. ಕೆಂಡದಂತಹ ಬಿಸಿಲಿಗೆ ಮಗು ಕಿರುಚಿಕೊಳ್ಳುತ್ತಿದ್ದರೂ ಆ ಅಮ್ಮ ತಲೆಕೆಡಿಸಿಕೊಳ್ಳಲಿಲ್ಲ. ಸ್ಥಳೀಯರು ಈ ಘಟನೆಯ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.
ಈ ವಿಡಿಯೋವನ್ನು ಒಬ್ಬ ವ್ಯಕ್ತಿ ದೆಹಲಿ ಪೊಲೀಸರಿಗೆ ಟ್ಯಾಗ್‌ ಮಾಡಿದ್ದಾನೆ. ಕೂಡಲೇ ಈ ಘಟನೆಗೆ ಪ್ರತಿಕ್ರಿಯಿಸಿದ ಪೊಲೀಸರು, ಮನೆಯ ಮೇಲ್ಛಾವಣಿಯಲ್ಲಿ ಬಾಲಕಿಯನ್ನು ಕಟ್ಟಿ ಅಮಾನುಷವಾಗಿ ಶಿಕ್ಷಿಸಿದ ತಾಯಿಯನ್ನು ಗುರುತಿಸಿದ್ದಾರೆ. ಇದೀಗ ಆಕೆಯ ವಿರುದ್ಧ ಪ್ರಕರಣ ದಾಖಲು ಮಾಡಿದ್ದಾರೆ.
After a video of a girl child tied up on the roof of a house surfaced on social media, all possible efforts were made by Delhi Police to ascertain her identity and circumstances. The family of the child has been identified and appropriate action initiated.#DelhiPoliceCares
— Delhi Police (@DelhiPolice) June 8, 2022
