ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಚೀನಾದ ಸೇನೆಯು ತೈವಾನ್ ಬಳಿ 36 ಫೈಟರ್ ಜೆಟ್‌ಗಳು ಮತ್ತು ಬಾಂಬರ್‌ಗಳನ್ನು ಹಾರಿಸಿದೆ ಎಂದು ತೈವಾನ್ ರಕ್ಷಣಾ ಸಚಿವಾಲಯವು ಘೋಷಿಸಿದೆ. ಚೀನಾ ಮೇಲೆ ತನ್ನ ಹಕ್ಕು ಸಾಧಿಸುತ್ತಿರುವ ಚೀನಾವು ತೈವಾನ್ ಗೆ ಬೆದರಿಕೆ ಹಾಕುವ ಭಾಗವಾಗಿ ಈ ಹಾರಾಟಗಳನ್ನು ನಡೆಸಿದೆ ಎನ್ನಲಾಗಿದೆ.
ಶನಿವಾರದಂದು ಹತ್ತು ವಿಮಾನಗಳು ತೈವಾನ್ ದ್ವೀಪವನ್ನು ಮುಖ್ಯ ಭೂಭಾಗದಿಂದ ಪ್ರತ್ಯೇಕಿಸುವ ಜಲಸಂಧಿಯಲ್ಲಿನ ಮಧ್ಯದ ರೇಖೆಯ ಉದ್ದಕ್ಕೂ ಹಾರಿದವು ಎಂದು ಸಚಿವಾಲಯ ತಿಳಿಸಿದೆ. ಅವುಗಳಲ್ಲಿ ಆರು ಶೆನ್ಯಾಂಗ್ ಜೆ-11 ಮತ್ತು ನಾಲ್ಕು ಜೆ-16 ವಿಮಾನಗಳು ಸೇರಿವೆ ಎಂದು ಅದು ಹೇಳಿದೆ.
1949 ರಲ್ಲಿ ತೈವಾನ್ ಮತ್ತು ಚೀನಾ ಅಂತರ್ಯುದ್ಧದದಲ್ಲಿ ಮುಖ್ಯಭೂಬಾಗದಿಂದ ತೈವಾನ್ ಬೇರ್ಪಟ್ಟಿದೆ. ಅಲ್ಲಿಂದ ನಂತರ ಚೀನಾವು ತೈವಾನ್ ಮೇಲೆ ತನ್ನ ಹಕ್ಕು ಸಾಧಿಸುತ್ತಿದೆ. ಚೀನಾ ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಅವರ ಸರ್ಕಾರವು ತೈವಾನ್ ಅನ್ನು ಬೆದರಿಸುವ ಪ್ರಯತ್ನಗಳನ್ನು ಈ ವರ್ಷ ಹೆಚ್ಚಿಸಿದೆ. ಇದು ದ್ವೀಪದ ಬಳಿ ಹಾರಲು ಯುದ್ಧ ವಿಮಾನಗಳು ಮತ್ತು ಬಾಂಬರ್‌ಗಳನ್ನು ಕಳುಹಿಸಿದೆ ಮತ್ತು ಸಮುದ್ರಕ್ಕೆ ಕ್ಷಿಪಣಿಗಳನ್ನು ಹಾರಿಸಿದೆ.
ಶನಿವಾರ, ತೈವಾನ್‌ನ ಸೇನೆಯು ನಾಲ್ಕು ಚೆಂಗ್ಡು ಜೆ-10 ಫೈಟರ್‌ಗಳು, ವೈ-8 ಜಲಾಂತರ್ಗಾಮಿ ವಿರೋಧಿ ಯುದ್ಧ ವಿಮಾನ ಮತ್ತು ಮೂರು H-6 ಬಾಂಬರ್‌ಗಳನ್ನು ದ್ವೀಪದ ನೈಋತ್ಯದಲ್ಲಿ ಗುರುತಿಸಿದೆ ಎಂದು ತೈವಾನ್ ರಕ್ಷಣಾ ಸಚಿವಾಲಯ ತನ್ನ ವೆಬ್‌ಸೈಟ್‌ನಲ್ಲಿ ತಿಳಿಸಿದೆ. ಚೀನಾದ ಮೂರು ಡ್ರೋನ್‌ಗಳು ಸಹ ಪತ್ತೆಯಾಗಿವೆ ಎಂದು ಅದು ಹೇಳಿದೆ.
