ನಿಮ್ಮ ಮನೆಯಲ್ಲಿ ಎಷ್ಟು ಪಾತ್ರೆ ಇದೆ? ಅಲ್ಯುಮಿನಿಯಮ್, ಸ್ಟೀಲ್, ಕಾಸ್ಟ್ಲಿಯಾದ ನಾನ್‌ಸ್ಟಿಕ್ ಹೀಗೆ ಸಾಕಷ್ಟು ಪಾತ್ರೆಗಳಿದೆ ಅಲ್ವಾ? ಒಂದಾದರೂ ಮಣ್ಣಿನ ಪಾತ್ರೆ ಇದೆಯಾ ನಿಮ್ಮಲ್ಲಿ? ಆದಷ್ಟು ಮಣ್ಣಿನ ಪಾತ್ರೆಗಳಲ್ಲಿ ಅಡುಗೆ ಮಾಡಿ ಸೇವಿಸಿ ಯಾಕೆ ಗೊತ್ತಾ?
ಅಡುಗೆ ನಿಧಾನವಾಗಿ ಬೆಂದಷ್ಟು ಒಳ್ಳೆಯದು, ಮಣ್ಣಿನ ಮಡಿಕೆಯಲ್ಲಿ ರುಚಿಕರವಾದ ಅಡುಗೆ ನಿಧಾನವಾಗಿ ತಯಾರಾಗುತ್ತದೆ.
ಆಹಾರದ ಪಿಎಚ್ ಲೆವೆಲ್ ಮಣ್ಣಿನ ಮಡಿಕೆಯಲ್ಲಿ ಸರಿಯಾಗಿರುತ್ತದೆ. ಇದರಿಂದ ಯಾವುದೇ ಅಸಿಡಿಟಿ ಸಮಸ್ಯೆಗಳು ಬಾಧಿಸುವುದಿಲ್ಲ.
ನೀವು ಬಳಸುವ ತರಕಾರಿ, ಕಾಳು ಬೇಳೆಯಲ್ಲಿರುವ ಪ್ರತಿಶತಃ ನೂರರಷ್ಟು ನ್ಯೂಟ್ರಿಯಂಟ್ಸ್ ಮಣ್ಣಿನ ಪಾತ್ರೆಯಲ್ಲಿ ಮಾಡಿದ ಅಡುಗೆಯಲ್ಲಿ ಹಾಗೆಯೇ ಉಳಿಯುತ್ತದೆ.
ಮಾಮೂಲಿ ಪಾತ್ರೆಗಳಲ್ಲಿ ಮಾಡುವ ಅಡುಗೆಗಿಂತ ಕಡಿಮೆ ಎಣ್ಣೆಯನ್ನು ಹಾಕಿ ಇಲ್ಲಿ ಅಡುಗೆ ಮಾಡಬಹುದು.
ಊಟವನ್ನು ಪದೇ ಪದೆ ಬಿಸಿ ಮಾಡಬೇಕು ಅಂತೇನಿಲ್ಲ, ಒಂದು ಬಾರಿ ಅಡುಗೆ ಆದ ನಂತರ ಪಾತ್ರೆಯಲ್ಲಿರುವ ಆಹಾರ ಬಿಸಿಯಾಗಿಯೇ ಇರುತ್ತದೆ.
ಪರಿಸರದ ಬಗ್ಗೆಯೂ ಯೋಚನೆ ಮಾಡಿ, ಇದು ಸಂಪೂರ್ಣ ನೈಸರ್ಗಿಕ, ಯಾವುದೇ ಟಾಕ್ಸಿಕ್ ಕೆಮಿಕಲ್‌ಗಳಿಲ್ಲದೆ ತಯಾರಾದ ಪಾತ್ರೆಗಳುವು. ಹೆಚ್ಚು ಕಾಲ ಬಾಳಿಕೆ ಕೂಡ ಬರುತ್ತವೆ.
