Thursday, June 30, 2022

Latest Posts

ಶರಣಬಸವ ವಿಶ್ವವಿದ್ಯಾಲಯದಿಂದ “ಆಹಾರ ಮತ್ತು ಪೌಷ್ಟಿಕಾಂಶದಲ್ಲಿ ಪ್ರಮಾಣಪತ್ರ ಕೋರ್ಸ್ ಆರಂಭ

ಹೊಸ ದಿಗಂತ ವರದಿ, ಕಲಬುರಗಿ:

ಶರಣಬಸವ ವಿಶ್ವವಿದ್ಯಾಲಯವು ಉದ್ಯೋಗ ಆಧಾರಿತ ಅಲ್ಪಾವಧಿಯ ಕೋರ್ಸ್‍ಗಳನ್ನು ನೀಡುವಲ್ಲಿ ಮತ್ತೊಂದು ದೊಡ್ಡ ಹೆಜ್ಜೆಯನ್ನು ಇಟ್ಟಿದೆ. ಈ ಶೈಕ್ಷಣಿಕ ವರ್ಷದಿಂದ ಸಮೂಹ ಸಂವಹನ ಮತ್ತು ಪತ್ರಿಕೋದ್ಯಮದಲ್ಲಿ ಒಂದು ವರ್ಷದ ಪ್ರಮಾಣಪತ್ರ ಕೋರ್ಸ್ ಅನ್ನು ಈಗಾಗಲೇ ಪರಿಚಯಿಸಿರುವ ವಿಶ್ವವಿದ್ಯಾಲಯವು, ಇದೇ ಶೈಕ್ಷಣಿಕ ವರ್ಷದಿಂದ ಶರಣ ವಿಶ್ವವಿದ್ಯಾಲಯದ ಪ್ರವಾಸೋದ್ಯಮ ವಿಭಾಗದಲ್ಲಿ “ಆಹಾರ ಮತ್ತು ಪೌಷ್ಟಿಕಾಂಶದಲ್ಲಿ ಆರು ತಿಂಗಳ ವಿನೂತನ ಪ್ರಮಾಣಪತ್ರ ಕೋರ್ಸ್ ಅನ್ನು ಆರಂಭಿಸಿದೆ.

ಶರಣಬಸವೇಶ್ವರ ಸಂಸ್ಥಾನದ ಮಹಾದಾಸೋಹ ಪೀಠಾಧಿಪತಿ ಮತ್ತು ಶರಣಬಸವ ವಿಶ್ವವಿದ್ಯಾಲಯದ ಕುಲಾಧಿಪತಿ ಪೂಜ್ಯ ಡಾ.ಶರಣಬಸವಪ್ಪ ಅಪ್ಪಾಜಿ ಹಾಗೂ ಶರಣಬಸವೇಶ್ವರ ವಿದ್ಯಾವರ್ಧಕ ಸಂಘದ ಚೇರ್‍ಪರ್ಸನ್ ಮಾತೋಶ್ರೀ ಡಾ.ದಾಕ್ಷಾಯಿಣಿ ಅವ್ವಾಜಿ ಗುರುವಾರದಂದು ಔಪಚಾರಿಕವಾಗಿ ಈ ವಿನೂತನ ಪ್ರಮಾಣಪತ್ರ ಕೋರ್ಸ್ ಅನ್ನು ಪರಿಚಯಿಸಿದರು.

ಪ್ರವಾಸೋದ್ಯಮ ವಿಭಾಗದ ಮುಖ್ಯಸ್ಥೆ ಪ್ರೊಫೆಸರ್ ವಾಣಿಶ್ರೀ, ಆಹಾರ ಉದ್ಯಮದಲ್ಲಿ ಪೌಷ್ಟಿಕಾಂಶ ಕ್ಷೇತ್ರವು ಹೊಸ ಉದ್ಯೋಗಾವಕಾಶಗಳನ್ನು ಸೃಷ್ಟಿಸುವಲ್ಲಿ ಪ್ರಧಾನ ಸ್ಥಾನವನ್ನು ಪಡೆದುಕೊಂಡಿದೆ ಮತ್ತು ವೃತ್ತಿಪರರನ್ನು ಉತ್ಪಾದಿಸಲು ಸೀಮಿತ ಅವಧಿಯಲ್ಲಿ ಗರಿಷ್ಠ ತರಬೇತಿ ನೀಡಲು ಹೊಸ ಪ್ರಮಾಣಪತ್ರ ಕೋರ್ಸ್ ಅನ್ನು ವಿನ್ಯಾಸಗೊಳಿಸಲಾಗಿದೆ ಎಂದು ಹೇಳಿದರು.

ಪೌಷ್ಟಿಕ ಉದ್ಯಮದ ಅಗತ್ಯಗಳನ್ನು ಪೂರೈಸಲು. “ನೀವು ಮತ್ತು ನಿಮ್ಮ ಆಹಾರ”, “ನಿಮ್ಮ ಆಹಾರ ಮತ್ತು ಅದರ ಬಳಕೆ”, “ಆಹಾರದ ಅರ್ಥಶಾಸ್ತ್ರ”,”ಆಹಾರ ಉದ್ಯಮಶೀಲತೆ”, “ವ್ಯಾಪಾರಕ್ಕಾಗಿ ಐಟಿ ಪರಿಕರಗಳು” ಮತ್ತು “ವೃತ್ತಿಪರ ಸಂವಹನ” ಸೇರಿದಂತೆ ಪೌಷ್ಟಿಕಾಂಶದ ಎಲ್ಲಾ ಮೂಲಭೂತ ಅಂಶಗಳನ್ನು ಕೋರ್ಸ್ ಅವಧಿಯಲ್ಲಿ ಕಲಿಸಲಾಗುತ್ತದೆ ಎಂದರು.

ಈ ಕೋರ್ಸ್‍ನಲ್ಲಿ ತರಬೇತಿ ಪಡೆದವರಿಗೆ ಉದ್ಯೋಗ ಮಾರ್ಗಗಳಲ್ಲಿ, ತರಬೇತಿ ಪಡೆದ ವೃತ್ತಿಪರರು ಆಸ್ಪತ್ರೆಗಳು, ಆರೋಗ್ಯ ಇಲಾಖೆ, ಶಾಲೆಗಳು ಮತ್ತು ಕಾಲೇಜುಗಳು, ಆಹಾರ ಸಂಸ್ಕರಣಾ ಕೈಗಾರಿಕೆಗಳು, ಆರೋಗ್ಯ ಕ್ಲಬ್‍ಗಳು ಮತ್ತು ಸಂಬಂಧಿತ ವಲಯಗಳಲ್ಲಿ ಪೌಷ್ಟಿಕ ಉದ್ಯಮವಾಗಿ ಕ್ಲಿನಿಕಲ್ ಡಯಟೀಷಿಯನ್, ಕನ್ಸಲ್ಟೆಂಟ್ ಡಯೀಟೀಶಿಯನ್ ಆಗಿ ಸೇರಿಕೊಳ್ಳಬಹುದು ಎಂದು ಪೆÇ್ರಫೆಸರ್ ವಾಣಿಶ್ರೀ ವಿವರಿಸಿದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss