ಹೊಸದಿಗಂತ ಡಿಜಿಟಲ್ ಡೆಸ್ಕ್
ಹೊಸದಿಲ್ಲಿ: ರಕ್ಷಣಾ ಸಂಶೋಧನೆ ಮತ್ತು ಅಭಿವೃದ್ಧಿ ಸಂಸ್ಥೆ (ಡಿಆರ್‌ಡಿಯು) ಶುಕ್ರವಾರ ಒಡಿಶಾ ಕರಾವಳಿಯ ಇಂಟಿಗ್ರೇಟೆಡ್ ಟೆಸ್ಟ್ ರೇಂಜ್ (ಐಟಿಆರ್) ಚಂಡೀಪುರದಿಂದ ಸಾಲಿಡ್ ಫ್ಯೂಯೆಲ್ ಡಕ್ಟೆಡ್ ರಾಮ್‌ಜೆಟ್ (ಎಸ್.ಎಫ್.ಡಿ.ಆರ್.) ಬೂಸ್ಟರ್‌ನ ಪ್ರಾಯೋಗಿಕ ಹಾರಾಟ ಯಶಸ್ವಿಯಾಗಿದೆ.
ಸಂಕೀರ್ಣ ಕ್ಷಿಪಣಿ ವ್ಯವಸ್ಥೆಯಲ್ಲಿ ಒಳಗೊಂಡಿರುವ ಎಲ್ಲಾ ನಿರ್ಣಾಯಕ ಘಟಕಗಳ ವಿಶ್ವಾಸಾರ್ಹ ಕಾರ್ಯನಿರ್ವಹಣೆ ಪರೀಕ್ಷೆಯು ಯಶಸ್ವಿಯಾಗಿದೆ ಮತ್ತು ಎಲ್ಲ ಉದ್ದೇಶಗಳನ್ನು ಪೂರೈಸಿದೆ. ಎಸ್.ಎಫ್.ಡಿ.ಆರ್. ಆಧಾರಿತ ಪ್ರೊಪಲ್ಷನ್ ಕ್ಷಿಪಣಿಯನ್ನು ಸೂಪರ್‌ಸಾನಿಕ್ ವೇಗದಲ್ಲಿ ಬಹಳ ದೂರದಲ್ಲಿ ವೈಮಾನಿಕ ಬೆದರಿಕೆಗಳನ್ನು ತಡೆಯಲು ಶಕ್ತಗೊಳಿಸುತ್ತದೆ.
ಐಟಿಆರ್ ನಿಯೋಜಿಸಿದ ಟೆಲಿಮೆಟ್ರಿ, ರಾಡಾರ್ ಮತ್ತು ಎಲೆಕ್ಟ್ರೋ-ಆಪ್ಟಿಕಲ್ ಟ್ರ್ಯಾಕಿಂಗ್ ಸಿಸ್ಟಮ್ಸ್ (ಇಒಟಿಎಸ್) ನಂತಹ ಹಲವಾರು ರೇಂಜ್ ಉಪಕರಣಗಳಿಂದ ಸೆರೆಹಿಡಿಯಲಾದ ಡೇಟಾದಿಂದ ಸಿಸ್ಟಮ್‌ನ ಕಾರ್ಯಕ್ಷಮತೆ ದೃಢೀಕರಿಸಲಾಗಿದೆ.
ಎಸ್.ಎಫ್.ಡಿ.ಆರ್. ಅನ್ನು ಹೈದರಾಬಾದ್‌ನ ಡಿಫೆನ್ಸ್ ರಿಸರ್ಚ್ ಆಂಡ್ ಡೆವಲಪ್‌ಮೆಂಟ್ ಲ್ಯಾಬೊರೇಟರಿ (ಎಸ್.ಎಫ್.ಡಿ.ಆರ್.), ಆರ್‌ಸಿಐ ಹೈದರಾಬಾದ್ ಮತ್ತು ಎಚ್‌ಇಎಂಆರ್‌ಎಲ್ ಪುಣೆಯಂತಹ ಇತರ ಡಿಆರ್‌ಡಿಒ ಪ್ರಯೋಗಾಲಯಗಳ ಸಹಯೋಗದೊಂದಿಗೆ ಅಭಿವೃದ್ಧಿಪಡಿಸಲಾಗಿದೆ.
ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಎಸ್.ಎಫ್.ಡಿ.ಆರ್.ನ ಯಶಸ್ವಿ ಪ್ರಯೋಗಕ್ಕಾಗಿ ಡಿಆರ್‌ಡಿಯು ಅನ್ನು ಅಭಿನಂದಿಸಿದ್ದಾರೆ. ಇದು ದೇಶದಲ್ಲಿ ನಿರ್ಣಾಯಕ ಕ್ಷಿಪಣಿ ತಂತ್ರಜ್ಞಾನಗಳ ಅಭಿವೃದ್ಧಿಗೆ ಪ್ರಮುಖ ಮೈಲಿಗಲ್ಲು ಎಂದು ಅಭಿಪ್ರಾಯಪಟ್ಟಿದ್ದಾರೆ.
 ಶುಕ್ರವಾರ ಒಡಿಶಾ ಕರಾವಳಿಯ ಇಂಟಿಗ್ರೇಟೆಡ್ ಟೆಸ್ಟ್ ರೇಂಜ್ (ಐಟಿಆರ್) ಚಂಡೀಪುರದಿಂದ ಸಾಲಿಡ್ ಫ್ಯೂಯೆಲ್ ಡಕ್ಟೆಡ್ ರಾಮ್‌ಜೆಟ್ (ಎಸ್.ಎಫ್.ಡಿ.ಆರ್.) ಬೂಸ್ಟರ್‌ನ ಪ್ರಾಯೋಗಿಕ ಹಾರಾಟ ಯಶಸ್ವಿಯಾಗಿದೆ.){kind=link}