Monday, July 4, 2022

Latest Posts

ಡು ಪ್ಲೆಸಿಸ್ ಅರ್ಧಶತಕ: ಪಂಜಾಬ್​ ಗೆ 135 ರನ್​ಗಳ ಟಾರ್ಗೆಟ್

ಹೊಸ ದಿಗಂತ ಆನ್ ಲೈನ್ ಡೆಸ್ಕ್:

ಫಾಫ್​ ಡು ಪ್ಲೆಸಿಸ್ ಅರ್ಧಶತಕದ ನೆರವಿಂದ ಚೆನ್ನೈ ಸೂಪರ್ ಕಿಂಗ್ಸ್​ ಎದುರಾಳಿ ಪಂಜಾಬ್​ ಕಿಂಗ್ಸ್​ ತಂಡಕ್ಕೆ ಗೆಲ್ಲಲು ಕೇವಲ 135 ರನ್​ಗಳ ಸಾಧಾರಣ ಗುರಿ ನೀಡಿದೆ.
ಟಾಸ್​ ಸೋತು ಬ್ಯಾಟಿಂಗ್ ಮಾಡಿದ ಚೆನ್ನೈ ಸೂಪರ್ ಕಿಂಗ್ಸ್ 20 ಓವರ್​ಗಳಲ್ಲಿ 6 ವಿಕೆಟ್ ಕಳೆದುಕೊಂಡು 134 ರನ್​ಗಳಿಸಿತು. ಆರಂಭಿಕ ಬ್ಯಾಟರ್​ ಫಾಫ್​ ಡು ಪ್ಲೆಸಿಸ್​ 55 ಎಸೆತಗಳಲ್ಲಿ 8 ಬೌಂಡರಿ ಮತ್ತು 2 ಸಿಕ್ಸರ್ ಸಹಿತ 76​ ರನ್​ಗಳಿಸಿ ತಂಡದ ಗರಿಷ್ಠ ಸ್ಕೋರರ್​ ಎನಿಸಿಕೊಂಡರು.
ರುತುರಾಜ್ ಗಾಯಕ್ವಾಡ್​ 12, ಮೊಯೀನ್​ ಅಲಿ ಯಾವುದೆ ರನ್​ಗಳಿಸದೆ ಅರ್ಶದೀಪ್ ಸಿಂಗ್​ಗೆ ವಿಕೆಟ್​ ಒಪ್ಪಿಸಿದರು.ಕನ್ನಡಿಗ ರಾಬಿನ್ ಉತ್ತಪ್ಪ(2) ಮತ್ತು ಅಂಬಾಟಿ ರಾಯುಡು(4) ಇಂಗ್ಲೆಂಡ್ ವೇಗಿ ಜೋರ್ಡನ್​ ಬೌಲಿಂಗ್​ನಲ್ಲಿ ದೊಡ್ಡ ಹೊಡೆತದ ಪ್ರಯತ್ನದಲ್ಲಿ ವಿಕೆಟ್​ ಒಪ್ಪಿಸಿದರು. ನಾಯಕ ಧೋನಿ 15 ಎಸೆತಗಳಲ್ಲಿ 12 ರನ್​ಗಳಿಸಿ ಯುವ ಸ್ಪಿನ್ನರ್​ ರವಿ ಬಿಷ್ಣೋಯ್​ ಬೌಲಿಂಗ್​ನಲ್ಲಿ ಬೌಲ್ಡ್​ ಆಗಿ ಮತ್ತೊಮ್ಮೆ ನಿರಾಶೆ ಮೂಡಿಸಿದರು. ರವೀಂದ್ರ ಜಡೇಜಾ ಅಜೇಯ 15 ಮತ್ತು ಬ್ರಾವೋ ಅಜೇಯ 4 ರನ್​ಗಳಿಸಿದರು.
ಪಂಜಾಬ್ ಕಿಂಗ್ಸ್ ಪರ ಅರ್ಶದೀಪ್ ಸಿಂಗ್ 35ಕ್ಕೆ 2, ಕ್ರಿಸ್ ಜೋರ್ಡನ್​ 20ಕ್ಕೆ 2, ರವಿ ಬಿಷ್ಣೋಯ್ 25ಕ್ಕೆ1 ಮತ್ತು ಮೊಹಮ್ಮದ್ ಶಮಿ 22ಕ್ಕೆ1 ವಿಕೆಟ್ ಪಡೆದು ಮಿಂಚಿದರು.

ಈ ಸುದ್ದಿ ಇತರರೊಂದಿಗೂ ಹಂಚಿಕೊಳ್ಳಿ

Whatsapp Group
Telegram

Latest Posts

Don't Miss