ಹೊಸದಿಗಂತ ಡಿಜಿಟಲ್‌ ಡೆಸ್ಕ್
ವಿಶ್ವಸಂಸ್ಥೆ ಬಿಡುಗಡೆ ಮಾಡಿರುವ ವಿಶ್ವದ ಅತ್ಯಂತ ಸಂತೋಷದಾಯಕ ದೇಶಗಳ ಪಟ್ಟಿಯಲ್ಲಿ ಫಿನ್ಲೆಂಡ್‌ ಸತತ ಐದನೇ ಬಾರಿಗೆ ಮೊದಲನೇ ಸ್ಥಾನ ದಕ್ಕಿಸಿಕೊಂಡಿದೆ. 146 ರಾಷ್ಟ್ರಗಳ ವಿಶ್ವ ಸಂತೋಷ ಸೂಚ್ಯಂಕದಲ್ಲಿಅಫ್ಗಾನಿಸ್ತಾನ ಅತ್ಯಂತ ಅತೃಪ್ತಿಕರ ರಾಷ್ಟ್ರವೆಂಬ ಹಣೆಪಟ್ಟಿ ಹೊತ್ತಿದೆ.
ವಿಶ್ವ ಸಂತೋಷದಾದಾಯಕ ದೇಶಗಳ ವರದಿಯು ಕಳೆದ ಹತ್ತು ವರ್ಷಗಳಿಂದ ಪ್ರಕಟವಾಗುತ್ತಿದೆ. ಜನರ ಸಂತೋಷದ ಮೌಲ್ಯಮಾಪನ, ಆರ್ಥಿಕ ಮತ್ತು ಸಾಮಾಜಿಕ ಡೇಟಾವನ್ನು ಆಧರಿಸಿ ಪಟ್ಟಿ ಬಿಡುಗಡೆ ಮಾಡಲಾಗಿದೆ. ಇದು ಮೂರು ವರ್ಷಗಳ ಅವಧಿಯಲ್ಲಿ ಸರಾಸರಿ ಡೇಟಾದ ಆಧಾರದ ಮೇಲೆ ಸೊನ್ನೆಯಿಂದ 10 ರ ಸ್ಕೇಲ್‌ನಲ್ಲಿ ಸಂತೋಷದ ಸ್ಕೋರ್ ಅನ್ನು ನಿರ್ಧರಿಸುತ್ತದೆ. ಇತ್ತೀಚಿನ ಆವೃತ್ತಿಯನ್ನು ರಷ್ಯಾ – ಉಕ್ರೇನ್ ಸಂಘರ್ಷಕ್ಕಿಂತ ಕೊಂಚ ಮುಂಚೆ ಪೂರ್ಣಗೊಳಿಸಲಾಗಿತ್ತು.
ಜನರ ಆದಾಯ, ದೇಶಗಳಲ್ಲಿನ ಭ್ರಷ್ಟಾಚಾರದ ಮಟ್ಟ, ಜನರ ವೈಯಕ್ತಿಕ ಸ್ವಾತಂತ್ರ್ಯ ಹಾಗೂ ಆರೋಗ್ಯದ ಗುಣಮಟ್ಟ, ದೇಶದ ಒಟ್ಟು ಆಂತರಿಕ ಉತ್ಪನ್ನ (ಜಿಡಿಪಿ)ಮೊದಲಾದ ಅಂಶಗಳನ್ನು ಆಧರಿಸಿ ಈ ಪಟ್ಟಿಯನ್ನು ಸಿದ್ಧಪಡಿಸಲಾಗುತ್ತಿದೆ. ಫಿನ್ಲೆಂಡ್‌ ಮೊದಲ ಸ್ಥಾನ ಅಲಂಕರಿಸಿದ್ದರೆ, ನಂತರದ ಸ್ಥಾನದಲ್ಲಿ ಡೆನ್ಮಾರ್ಕ್ ಇದ್ದು, ನಂತರದಲ್ಲಿ ಐಸ್‌ಲ್ಯಾಂಡ್‌, ಸ್ವಿಟ್ಜರ್ಲೆಂಡ್ ಮತ್ತು ನೆದರ್ಲೆಂಡ್‌ ದೇಶಗಳು ಸ್ಥಾನ ಪಡೆದಿವೆ.
ಅಮೆರಿಕ 16ನೇ ಸ್ಥಾನಕ್ಕೇರಿದ್ದು, 17ನೇ ಸ್ಥಾನದಲ್ಲಿ ಬ್ರಿಟನ್‌ ಹಾಗೂ ಫ್ರಾನ್ಸ್‌ 20ನೇ ಸ್ಥಾನದಲ್ಲಿದೆ. ತಾಲೀಬಾನಿಗಳ ಆಡಳಿತ, ಮಾನವೀಯ ಬಿಕ್ಕಟ್ಟು, ಯುದ್ಧ ಆಘಾತಗಳನ್ನೆದುರಿಸುತ್ತಿರುವ ಅಫ್ಘಾನಿಸ್ತಾನ ಪಟ್ಟಿಯಲ್ಲಿ ಕಡೆಯ ಸ್ಥಾನದಲ್ಲಿದೆ. ಲೆಬನಾನ್‌ ಕಡೆಯಿಂದ ಎರಡನೇ ಸ್ಥಾನವನ್ನು ಪಡೆದಿದೆ. ಭಾರತ ಈ ವರ್ಷವೂ 136ನೇ ಸ್ಥಾನ ಪಡೆದಿದೆ.
ವಿಶ್ವದ ಅತ್ಯಂತ ಸಂತೋಷಭರಿತ ರಾಷ್ಟ್ರಗಳಲ್ಲಿ ಫಿನ್ಲೆಂಡ್‌ ಫಸ್ಟ್‌, ಅಫ್ಘಾನಿಸ್ತಾನ ಲಾಸ್ಟ್; ಭಾರತಕ್ಕೆ ಎಷ್ಟನೇ ಸ್ಥಾನ?
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ
