ಹೊಸದಿಗಂತ ಡಿಜಿಟಲ್‌ ಡೆಸ್ಕ್‌
ರಾಷ್ಟ್ರೀಯ ಮಹಿಳಾ ಆಯೋಗವು ಧರ್ಮ ಅಥವಾ ವೈಯಕ್ತಿಕ ಕಾನೂನುಗಳನ್ನು ಲೆಕ್ಕಿಸದೇ ಮದುವೆಯ ಏಕರೂಪದ ವಯಸ್ಸಿನ ಬಗ್ಗೆ ಕೋರಿ ಸುಪ್ರೀಂ ಕೋರ್ಟ್ ಗೆ ಅರ್ಜಿಯನ್ನು ಸಲ್ಲಿಸಿದ್ದು, ಇದೀಗ ಈ ಕುರಿತು ಕೇಂದ್ರದ ಪ್ರತಿಕ್ರಿಯೆಯನ್ನು ಕೋರ್ಟ್ ಕೋರಿದೆ.
ಭಾರತದಲ್ಲಿ ಚಾಲ್ತಿಯಲ್ಲಿರುವ ಕಾನೂನುಗಳಿಗೆ ಅನುಗುಣವಾಗಿ ಮುಸ್ಲಿಂ ವೈಯಕ್ತಿಕ ಕಾನೂನಿನ ಅಡಿಯಲ್ಲಿ ವಿವಾಹದ ವಯಸ್ಸನ್ನು ಹೆಚ್ಚಿಸುವಂತೆ ಕೋರಿ ಅರ್ಜಿ ಸಲ್ಲಿಸಲಾಗಿತ್ತು.
ಸಿಜೆಐ ಡಿ.ವೈ. ಚಂದ್ರಚೂಡ್ ನೇತೃತ್ವದ ಪೀಠದ ಬಳಿ ರಾಷ್ಟ್ರೀಯ ಮಹಿಳಾ ಆಯೋಗ(NCW) ತಮ್ಮ ಧರ್ಮವನ್ನು ಲೆಕ್ಕಿಸದೆ ಎಲ್ಲಾ ಸಮುದಾಯಗಳ ಎಲ್ಲಾ ಹುಡುಗಿಯರು / ಮಹಿಳೆಯರಿಗೆ 18 ವರ್ಷವನ್ನು ಮದುವೆಯ ವಯಸ್ಸುನಿಗದಿ ಮಾಡಲು ನಿರ್ದೇಶನ ನೀಡಲು ಕೋರಿದೆ.
ಇತರ ವೈಯಕ್ತಿಕ ಕಾನೂನುಗಳು ಮತ್ತು ದಂಡದ ಕಾನೂನುಗಳ ಪ್ರಕಾರ ‘ಮದುವೆಯ ಕನಿಷ್ಠ ವಯಸ್ಸು’ ಪುರುಷನಿಗೆ 21 ವರ್ಷಗಳು ಮತ್ತು ಮಹಿಳೆಗೆ 18 ವರ್ಷಗಳು, ಮುಸ್ಲಿಂ ವೈಯಕ್ತಿಕ ಕಾನೂನಿನ ಪ್ರಕಾರ, ಪ್ರೌಢಾವಸ್ಥೆಯನ್ನು ತಲುಪಿದ ವ್ಯಕ್ತಿಗಳು ಮದುವೆಯಾಗಲು ಅನುಮತಿಸಲಾಗಿದೆ, ಅಂದರೆ. 15 ವರ್ಷ ವಯಸ್ಸು(ಸಾಕ್ಷ್ಯದ ಅನುಪಸ್ಥಿತಿಯಲ್ಲಿ) ಎಂದು ಹೇಳಲಾಗಿದೆ.
ಆದ್ದರಿಂದ, ಎನ್‌ಸಿಡಬ್ಲ್ಯೂ ಪ್ರಕಾರ, 18 ವರ್ಷಕ್ಕಿಂತ ಕಡಿಮೆ ವಯಸ್ಸಿನ ಅಪ್ರಾಪ್ತ ಮುಸ್ಲಿಂ ವಿವಾಹಿತ ಮಹಿಳೆಯರಿಗೆ ಹೆಚ್ಚಿನ ವಯಸ್ಸನ್ನು ತಲುಪುವ ಮೊದಲು ವಿವಾಹವಾದವರಿಗೆ ದಂಡದ ಕಾನೂನುಗಳನ್ನು ಅನ್ವಯಿಸಬೇಕು ಎಂದು ಹೇಳಿದೆ.
ಮುಂದಿನ ವಿಚಾರಣೆ ಜನವರಿ 8, 2023ಕ್ಕೆ ಮುಂದೂಡಲಾಯಿತು. ಕೇಂದ್ರ ಸರ್ಕಾರವು ತನ್ನ ಉತ್ತರವನ್ನ ಸಲ್ಲಿಸಬೇಕಾಗಿದೆ.
