ಸ್ಥಗಿತಗೊಂಡಿದ್ದ ಡೆಮು ಪ್ಯಾಸೆಂಜರ್ ರೈಲು ನಾಳೆಯಿಂದ ಆರಂಭ

ಪ್ರೀತಿಯ ಓದುಗರೇ,
ಕೋವಿಡ್ ನಿರ್ನಾಮ ನಮ್ಮ ಕೈಯಲ್ಲೇ ಇದೆ. ಮಾಸ್ಕ್ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ, ಕೈ, ಮುಖವನ್ನು ಸ್ವಚ್ಛವಾಗಿ ಇಟ್ಟುಕೊಳ್ಳಿ. ನೀವೂ ಸುರಕ್ಷಿತರಾಗಿರಿ, ನಿಮ್ಮವರನ್ನೂ ಸುರಕ್ಷಿತರಾಗಿ ಇರುವಂತೆ ನೋಡಿಕೊಳ್ಳಿ.
…………………………………

ಹೊಸದಿಗಂತ ವರದಿ, ಬೀದರ್

ಕೋವಿಡ್ ಸೋಂಕಿನ ಕಾರಣದಿಂದಾಗಿ ಬೀದರ್ – ಕಲಬುರಗಿ ಸ್ಥಗಿತಗೊಂಡಿದ್ದ ಡೆಮು ಪ್ಯಾಸೆಂಜರ್ ರೈಲು ನಾಳೆಯಿಂದ
ಜು.19ರಿಂದ ಆರಂಭವಾಗಲಿದೆ ಎಂದು ಕೇಂದ್ರ ಸಚಿವ ಭಗವಂತ ಖುಬಾ ಅವರು ತಿಳಿಸಿದ್ದಾರೆ.
ನಾಳೆಯಿಂದ ಬೀದರದಿಂದ ಕಲಬುರಗಿಗೆ 2 ಬಾರಿ ಹೊಗಿ ಬರಲಿದೆ. ಈ ರೈಲು ವಾರದ 6 ದಿನಗಳು ಚಲಿಸಲಿದ್ದು, ಭಾನುವಾರ ರೈಲು ಸೇವೆ ಇರುವುದಿಲ್ಲ ಎಂದು ಅವರು ವಿವರಿಸಿದ್ದಾರೆ.
ಜಿಲ್ಲೆಯ ಜನರ ದಶಕಗಳ ಕನಸಾಗಿದ್ದ ಬೀದರ್- ಕಲಬುರಗಿ ರೈಲ್ವೆಯನ್ನು ಪ್ರಧಾನಮಂತ್ರಿಗಳಾದ ನರೇಂದ್ರ ಮೋದಿಜಯವರು ಉದ್ಭಾಟಿಸಿ, ಜನತೆಯ ಬಹುಬೇಡಿಕೆಯ ಕನಸನ್ನು ನನಸು ಮಾಡಿದ್ದರು. ಆದರೆ ಕೋವಿಡ್ ಮಹಾಮಾರಿ ಕಾರಣದಿಂದ ಬೀದರ – ಕಲಬುರಗಿ ಡೆಮೊ ರೈಲು ಸ್ಥಗಿತಗೊಂಡಿತ್ತು ಜೊತೆಗೆ ಹೈದ್ರಾಬಾದ-ಪೂರ್ಣ ಜಂಕ್ಷನ್ ಪ್ಯಾಸೆಂಜರ್ ರೈಲು ಸಹ ಸ್ಥಗಿತಗೊಂಡಿತ್ತು.
ಈ ರೈಲುಗಳಲ್ಲ, ಹೆಚ್ಚಾಗಿ ಬಡವರು. ವಿದ್ಯಾರ್ಥಿಗಳು, ಸಣ್ಣಪುಟ್ಟ ವ್ಯಾಪಾರಿಗಳು ಪ್ರಯಾಣಿಸುತ್ತಿದ್ದರು. ಈ ರೈಲುಗಳ ಸ್ಥಗಿತದಿಂದ ಜೀದರ ಲೋಕಸಭಾ ಕ್ಷೇತ್ರದ ಜನರಿಗೆ ತುಂಬಾ ಅನಾನುಕೂಲವಾಗುತ್ತಿತ್ತು. ಮೇಲಿಂದ ಮೇಲೆ ರೈಲ್ವೆ ಅಧಿಕಾರಿಗಳ ಮೇಲೆ ಒತ್ತಡ ತಂದು, ಈ ಎರಡು ರೈಲುಗಳು ನಾಳೆ ದಿನಾಂಕ: 19-07-2021 ರಿ0ದ ಪುನರ್ ಪ್ರಾರಂಭಗೊಳ್ಳಲಿವೆ.