ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಬ್ರೆಜಿಲ್‌ನಲ್ಲಿ ನಡೆಯುತ್ತಿರುವ ಜಿ20 ಶೃಂಗಸಭೆಯಲ್ಲಿ ಪ್ರಧಾನಿ ನರೇಂದ್ರ ಮೋದಿ, ವಿದೇಶಾಂಗ ಸಚಿವ ಜೈಶಂಕರ್ ಸೇರಿದಂತೆ ಭಾರತದ ಅಧಿಕಾರಿಗಳ ತಂಡ ಪಾಲ್ಗೊಂಡಿದೆ. ಬ್ರಿಟನ್ ಸೇರಿದಂತೆ ಹಲವು ದೇಶಗಳ ಜೊತೆ ಭಾರತ ದ್ವಿಪಕ್ಷೀಯ ಮಾತುಕತೆ ನಡೆಸಿದೆ.
ಈ ಪೈಕಿ ಇಂಡೋನೇಷಿಯಾ ಜೊತೆಗಿನ ದ್ವಿಪಕ್ಷೀಯ ಮಾತುಕತೆ ಆರಂಭಕ್ಕೂ ಮುನ್ನ ಪ್ರಧಾನಿ ಮೋದಿ ನೇತೃತ್ವದ ತಂಡವನ್ನು ಇಂಡೋನೇಷಿಯಾ ಅಧ್ಯಕರು ಸ್ವಾಗತಿಸಿದ್ದರು. ಈ ವೇಳೆ ಸಚಿವ ಎಸ್ ಜೈಶಂಕರ್ ನೋಡುತ್ತಿದ್ದಂತೆ ನಿಮ್ಮನ್ನು ನನಗೆ ಗೊತ್ತು, ನೀವು ತುಂಬಾ ಫೇಮಸ್ ಎಂದಿದ್ದಾರೆ. ಈ ಮಾತಿನ ಬೆನ್ನಲ್ಲೇ ಪ್ರಧಾನಿ ಮೋದಿ ಹೆಮ್ಮೆಯಿಂದ ನಕ್ಕಿದ್ದಾರೆ.
ಬ್ರಿಜಿಲ್ ಜಿ20 ಶೃಂಗಸಭೆಯಲ್ಲಿ ಭಾರತ ಫಲಪ್ರದ ಮಾತುಕತೆ ನಡೆಸುತ್ತಿದೆ. ಈ ಪೈಕಿ ಇಂಡೋನೇಷಿಯಾ ಜೊತೆಗೆ ದ್ವಿಪಕ್ಷೀಯ ಮಾತುಕತೆ ನಡೆಸಿದೆ. ಮಾತುಕತೆಗೂ ಮುನ್ನ ಪ್ರಧಾನಿ ಮೋದಿ, ಜೈಶಂಕರ್ ಸೇರಿದಂತೆ ಅಧಿಕಾರಿಗಳ ತಂಡ, ಇಂಡೋನೇಷಿಯಾ ಅಧ್ಯಕ್ಷ ಪ್ರಭೋವ್ ಸುಬಿಯಾಂಟೋ ಅವರಿಗೆ ಹಸ್ತಲಾಘವ ಮಾಡಿದೆ. ಮೋದಿ ಹಸ್ತಲಾಘವ ಮಾಡಿದ ಬಳಿಕ ಜೈಶಂಕರ್ ಬಳಿ ಬಂದ ಸುಬಿಯಾಂಟೋ ಕೈಕುಲುಕಿದ್ದಾರೆ. ಈ ವೇಳೆ ಜೈಶಂಕರ್ ತಮ್ಮ ಪರಿಚಯ ಮಾಡಿಕೊಳ್ಳಲು ಮುಂದಾಗಿದ್ದಾರೆ. ನಾನು ಜೈಂಶಕರ್, ವಿದೇಶಾಂಗ ಸಚಿವ ಎಂದು ಹೇಳುತ್ತಿದ್ದಂತೆ, ನಿಮ್ಮನ್ನು ನನಗೆ ಗೊತ್ತು, ನೀವು ತುಂಬಾ ಫೇಮಸ್ ಎಂದು ಸುಬಿಯಾಂಟೋ ಹೇಳಿದ್ದಾರೆ.
ಸುಬಿಯಾಂಟೋ ಮಾತಿಗೆ ಮೋದಿ ನಕ್ಕಿದ್ದಾರೆ. ಇತ್ತ ಭಾರತೀಯ ಅಧಿಕಾರಿಗಳ ತಂಡ ಹಾಗೂ ಇಂಡೋನೇಷಿಯಾ ಅಧಿಕಾರಿಗಳ ತಂಡ ನಕ್ಕಿದೆ. ಈ ಘಟನೆ ಬಳಿಕ ಭಾರತ ಹಾಗೂ ಇಂಡೋನೇಷ್ಯಾ ದ್ವಿಪೀಕ್ಷಿಯ ಮಾತುಕತೆ ನಡೆಸಿದೆ.
