ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಭಾರತೀಯ ಸಂಸ್ಕೃತಿ ಮತ್ತು ಸಂಪ್ರದಾಯಗಳನ್ನು ಅನೇಕ ದೇಶಗಳು ಪ್ರೀತಿಸುತ್ತವೆ. ವಿದೇಶಿಯರೆಲ್ಲರೂ ಗೌರವಿಸುವ ಶ್ರೇಷ್ಠ ಸಂಸ್ಕೃತಿ ನಮ್ಮದು. ಅದಕ್ಕಾಗಿಯೇ ಜಪಾನ್‌ನ ಯುವ ಗಾಯಕರೊಬ್ಬರು ನಮ್ಮ ಸಂಸ್ಕೃತಿಯ ಬಗ್ಗೆ ಮ್ಯೂಸಿಕ್ ವಿಡಿಯೋ ಮಾಡಿದ್ದಾರೆ.
ಜಪಾನಿನ ಗಾಯಕ ಫ್ಯೂಜಿ ಕೇಜ್ ಇತ್ತೀಚೆಗೆ ‘ಗ್ರೇಸ್’ ಎಂಬ ಶೀರ್ಷಿಕೆಯ ಸಂಗೀತ ವೀಡಿಯೊವನ್ನು ಮಾಡಿದ್ದಾರೆ. ಅವರು ಈ ವಿಡಿಯೋವನ್ನು ಸಂಪೂರ್ಣವಾಗಿ ಉತ್ತರಾಖಂಡದಲ್ಲಿಯೇ ಚಿತ್ರೀಕರಿಸಲಾಗಿದೆ. ಈ ಹಾಡಿನ ಹಿನ್ನೆಲೆ ಮತ್ತು ಸಾಹಿತ್ಯ ನಮ್ಮ ಸಂಸ್ಕೃತಿಯನ್ನು ಬಿಂಬಿಸುತ್ತದೆ. ಖಾಸಗಿ ಯೋಜನೆಯ ಭಾಗವಾಗಿ ಫ್ಯೂಜಿ ಈ ವೀಡಿಯೊವನ್ನು ಮಾಡಿದ್ದಾರೆ. ಜಪಾನ್‌ನಲ್ಲಿ ಫ್ಯೂಜಿ ಒಳ್ಳೆಯ ಕ್ರೇಜ್‌ ಸಂಪಾದಿಸಿದ್ದು, ಸಂಗೀತಗಾರರಾಗಿ ದೊಡ್ಡ ಖ್ಯಾತಿಯನ್ನು ಗಳಿಸಿದ್ದಾರೆ. ಅವರ ಇತ್ತೀಚಿನ ‘ಗ್ರೇಸ್’ ವೀಡಿಯೊ ಕೂಡ ಲಕ್ಷಾಂತರ ವೀಕ್ಷಣೆಗಳೊಂದಿಗೆ ಗಗನಕ್ಕೇರುತ್ತಿದೆ. ಕಳೆದ ಅಕ್ಟೋಬರ್‌ನಲ್ಲಿ ಬಿಡುಗಡೆಯಾದ ಈ ಹಾಡು ಈಗಾಗಲೇ ಯೂಟ್ಯೂಬ್‌ನಲ್ಲಿ 11 ಮಿಲಿಯನ್‌ಗಿಂತಲೂ ಹೆಚ್ಚು ವೀಕ್ಷಣೆಗಳನ್ನು ಪಡೆದುಕೊಂಡಿದೆ.
ಈ ಹಾಡು ಸಂಗೀತ ಪ್ರೇಮಿಗಳನ್ನು ಆಕರ್ಷಿಸುತ್ತಿದೆ. ಭಾರತೀಯರು ವಿಶೇಷವಾಗಿ ಈ ಹಾಡನ್ನು ಇಷ್ಟಪಡುತ್ತಾರೆ. ಜಪಾನೀಸ್ ಆಗಿರುವ ಫ್ಯೂಜಿ ಭಾರತೀಯ ಸಂಸ್ಕೃತಿಯ ಕುರಿತು ಹಾಡನ್ನು ರಚಿಸಿ ಪ್ರಶಂಸೆಗೆ ಪಾತ್ರರಾಗಿದ್ದಾರೆ. ಈ ಹಾಡು ಇಲ್ಲಿನ ಜನರ ದೈನಂದಿನ ಬದುಕನ್ನು ತೋರಿಸುತ್ತದೆ. ನಮ್ಮ ಚಹಾ ಅಂಗಡಿಗಳು, ದೇವಸ್ಥಾನಗಳು, ರೈಲು ನಿಲ್ದಾಣಗಳು ಮತ್ತು ಮಾರುಕಟ್ಟೆಗಳನ್ನು ಈ ಹಾಡಿನಲ್ಲಿ ತೋರಿಸಲಾಗಿದೆ.
