ಹೊಸದಿಗಂತ ಡಿಜಿಟಲ್ ಡೆಸ್ಕ್:
ಕಾಶಿ ದೇಗುಲದಲ್ಲಿ ನಿತ್ಯವೂ ಸಾವಿರಾರು ಭಕ್ತರು ಬಂದು, ಕಾಶಿ ವಿಶ್ವನಾಥನ ದರುಶನ ಪಡೆಯುತ್ತಾರೆ.
ಜನಸಂದಣಿ ಹೆಚ್ಚಿರುವ ಕಾರಣ ಬಿಸಿಲಿನ ಬೇಗೆಗೆ ನಿಂತು ಕಾಯುವ ಜನ ಹೈರಾಣಾಗುತ್ತಾರೆ. ಇದೇ ಕಾರಣದಿಂದಾಗಿ, ದೇಗುಕದ ಆವರಣ ಹಾಗೂ ಮುಂಭಾಗದಲ್ಲಿ ಜರ್ಮನ್ ಹ್ಯಾಂಗರ್ ಅಳವಡಿಸಲಾಗುತ್ತಿದೆ.
ಬಿಸಿಲು, ಮಳೆ, ಜೋರು ಗಾಳಿಯಿಂದ ಜನರು ಹೈರಾಣಾಗಿದ್ದು, ಅವರನ್ನು ಇದರಿಂದ ರಕ್ಷಿಸಲು ಜರ್ಮನ್ ಹ್ಯಾಂಗರ್ ಅಳವಡಿಸಲಾಗುತ್ತಿದೆ. ಜರ್ಮನ್ ಹ್ಯಾಂಗರ್ ಎಂದರೆ ದೊಡ್ಡ ಸಮಾರಂಭಗಳು, ಮದುವೆಗಳು, ಚುನಾವಣಾ ಪ್ರಚಾರದಲ್ಲಿ ನೀವು ಕಾಣುವ ಬೃಹತ್ ಗಾತ್ರದ ಟೆಂಟ್ಗಳಲ್ಲಿ ಹೆಚ್ಚಿನವು ಜರ್ಮನ್ ಹ್ಯಾಂಗರ್ ಆಗಿರುತ್ತವೆ.
ಕಾಶಿ ವಿಶ್ವನಾಥ ದೇಗುಲದಲ್ಲಿ ಜರ್ಮನ್ ಹ್ಯಾಂಗರ್ ಅಳವಡಿಕೆ ಬಗ್ಗೆ ತಿಳಿದ ಭಕ್ತರು ಮಂಡಳಿಯ ನಿರ್ಧಾರವನ್ನು ಸ್ವಾಗತಿಸಿದ್ದಾರೆ.