ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಸ್ಪಿನ್ ದಂತಕಥೆ ಶೇನ್‌ ವಾರ್ನ್ ನಿನ್ನೆ ಹೃದಯಾಘಾತದಿಂದ ನಿಧನರಾಗಿದ್ದಾರೆ. ಅವರ ನಿಧನಕ್ಕೆ ಕ್ರಿಕೆಟಿಗರು, ಅಭಿಮಾನಿಗಳು ಕಂಬನಿ ಮಿಡಿತ್ತಿದ್ದಾರೆ. ಕ್ರಿಕೆಟ್ ಆಸ್ಟೇಲಿಯಾವು ದಿಗ್ಗಜ ಆಟಗಾರನ ಹೆಸರು ಕ್ರೀಡಾಭಿಮಾನಿಗಳ ಮನದಲ್ಲಿ ಸದಾ ಜೀವಂತವಾಗಿರಿಸುವಂತಹ ವಿಶೇಷ ನಿರ್ಧಾರವೊಂದನ್ನು ಕೈಗೊಂಡಿದೆ.
ಆಸ್ಟ್ರೇಲಿಯಾದ ಮೆಲ್ಬೋರ್ನ್ ಕ್ರಿಕೆಟ್ ಗ್ರೌಂಡ್ (ಎಂಸಿಜಿ) ನಲ್ಲಿರುವ ಒಂದು ಸ್ಟ್ಯಾಂಡ್ ಗೆ ಶೇನ್‌ ವಾರ್ನ್ ಹೆಸರನ್ನಿಡಲು ತೀಮಾನಿಸಲಾಗಿದೆ.
ವಾರ್ನ್ ಗೆ ಗೌರರವ ಸಲ್ಲಿಸುವ ಉದ್ದೇಶದಿಂದ ಮೆಲ್ಬೋರ್ನ್ ಕ್ರಿಕೆಟ್ ಮೈದಾನದಲ್ಲಿನ ಗ್ರೇಟ್ ಸದರ್ನ್ ಸ್ಟ್ಯಾಂಡ್ ಅನ್ನು ಶೇನ್‌ ವಾರ್ನ್ ಸ್ಟ್ಯಾಂಡ್ ಎಂದು ಮರುನಾಮಕರಣ ಮಾಡುವುದಾಗಿ ಕ್ರಿಕೆಟ್ ಆಸ್ಟ್ರೇಲಿಯಾ ಘೋಷಿಸಿದೆ. ಈ ಮೈದಾನದಲ್ಲಿ ಒಟ್ಟು 39 ಅಂತರಾಷ್ಟ್ರೀಯ ಪಂದ್ಯಗಳನ್ನಾಡಿರುವ ವಾರ್ನ್, 102 ವಿಕೆಟ್‌ ಗಳನ್ನು ಕಬಳಿಸಿದ್ದಾರೆ. 52 ರನ್‌ ಗೆ 7 ವಿಕೆಟ್‌ ಗಳಿಸಿದ್ದು ಇಲ್ಲಿ ಅವರ ಅವರ ಅತ್ಯುತ್ತಮ ಪ್ರದರ್ಶನವಾಗಿದೆ.
ಎಂಸಿಜಿ ಕ್ರಿಕೆಟ್ ಸ್ಟಾಂಡ್‌ ಗೆ ವಾರ್ನ್ ಹೆಸರು: ಅಗಲಿದ ಸ್ಪಿನ್ ಮಾಂತ್ರಿಕನಿಗೆ ಸಿಎ ವಿಶೇಷ ಗೌರವ
ಈ ಸುದ್ದಿಯನ್ನು ಇತರರ ಜೊತೆಗೂ ಹಂಚಿಕೊಳ್ಳಿ
