ಒಂದು ಕಾಲದಲ್ಲಿ ಮಾನಸಿಕ ಆರೋಗ್ಯ ಸಮಸ್ಯೆ ಅನ್ನೋದನ್ನು ಹುಚ್ಚುತನ ಅಂತ ತಪ್ಪಾಗಿ ಅರ್ಥಮಾಡಿಕೊಳ್ಳುತ್ತಿದ್ರು. ಆದರೆ ಇಂದು ಅದರ ಬಗ್ಗೆ ಜನರಲ್ಲಿ ಅರಿವು ಹೆಚ್ಚಾಗಿದೆ. ಮಾನಸಿಕ ತೊಂದರೆಗಳಿಗೆ ಹಲವು ಕಾರಣಗಳಿರಬಹುದು. ಅದರಲ್ಲೂ ಚಿಕ್ಕಚಿಕ್ಕ ವಿಷಯಗಳಿಗೆ ತುಂಬಾ ಸಿಟ್ಟು ಮಾಡಿಕೊಳ್ಳೋದು ಪ್ರಮುಖ ಲಕ್ಷಣವಾಗಿರಬಹುದು.
ಇತ್ತೀಚಿನ ದಿನಗಳಲ್ಲಿ ನಮ್ಮ ಸುತ್ತಲೂ ಇರುವ ಹಲವರು ಸಣ್ಣ ಕಾರಣಕ್ಕೂ ಕಿರಿಕಿರಿ, ಕೋಪಗೊಳ್ಳುತ್ತಾರೆ. ಬಹುಮಂದಿಗೆ ಇದು ಸಾಮಾನ್ಯವೆನಿಸುತ್ತರೂ, ಇದು ಮಾನಸಿಕ ಆರೋಗ್ಯದಲ್ಲಿ ಏರ್ಪಟ್ಟ ವ್ಯತಿಹಾರದ ಸೂಚಕವಾಗಿರಬಹುದು ಎಂಬುದನ್ನು ನಾವು ಅರ್ಥಮಾಡಿಕೊಳ್ಳಬೇಕು.
ಕೆಲವೊಮ್ಮೆ ತೀವ್ರ ಕೋಪ ಆವರಿಸಿ, ನಮ್ಮ ಮಾತು ಮತ್ತು ವರ್ತನೆಯ ಮೇಲಿನ ನಿಯಂತ್ರಣವನ್ನು ಕಳೆದುಕೊಳ್ಳುತ್ತೇವೆ. ಇದೇ ಕೋಪ ನಿಶ್ಚಿತವಾಗಿ ವೈಯಕ್ತಿಕ ಜೀವನ, ಸಂಬಂಧಗಳು, ವೃತ್ತಿಪರ ಜೀವನದ ಮೇಲೆ ದುಷ್ಪರಿಣಾಮ ಬೀರುತ್ತದೆ. ಅಂತಹ ಸಂದರ್ಭಗಳಲ್ಲಿ ಕೋಪವನ್ನು ನಿಯಂತ್ರಿಸಲು ಸದಾ ಪ್ರಯತ್ನ ಮಾಡಬೇಕು.
ಇದನ್ನು ತಡೆಯಲು ಕೆಲವು ಸರಳ ಕ್ರಮಗಳನ್ನು ಅನುಸರಿಸಬಹುದು:
- ಕೋಪ ಬಂದಾಗ ತಣ್ಣೀರು ಕುಡಿಯುವುದು: ಇದು ಮನಸ್ಸಿಗೆ ತಾತ್ಕಾಲಿಕ ತಂಪು ನೀಡುತ್ತದೆ.
- ಸಂಗೀತ ಕೇಳುವುದು: ಇದು ಮನಸ್ಸನ್ನು ಬೇರೆಡೆಗೆ ಸೆಳೆಯಲು ಸಹಾಯಕವಾಗುತ್ತದೆ.
- ಆಲೋಚನೆ ಮತ್ತು ಆತ್ಮಾವಲೋಕನ: “ನಾನು ಬೇರೆಯವರ ಮೇಲೆ ಹೇಗೆ ಕೋಪಗೊಳ್ಳುತ್ತೇನೆಯೋ, ಅದೇ ರೀತಿ ಬೇರೆಯವರು ನನ್ನ ಮೇಲೆ ಕೋಪಗೊಂಡರೆ ನನಗೆ ಹೇಗೆ ಅನಿಸಬಹುದು ?” ಎಂಬ ಪ್ರಶ್ನೆ ನಿಮ್ಮ ಪ್ರತಿಕ್ರಿಯೆಗೆ ತಾಳ್ಮೆ ತರಬಹುದು.
- ದಿನಚರಿಯಲ್ಲಿ ಧ್ಯಾನ ಅಥವಾ ಯೋಗವನ್ನು ಸೇರಿಸಿಕೊಳ್ಳುವುದು: ಮನಸ್ಸನ್ನು ಶಾಂತಗೊಳಿಸಲು ಇದು ಉತ್ತಮ ಪರಿಹಾರವಾಗಿದೆ.
- ನಿರಂತರ ಅಭ್ಯಾಸ: ಇದು ರಾತ್ರೋರಾತ್ರಿ ಸಾಧ್ಯವಲ್ಲ. ಆದರೆ ಸಣ್ಣ ಪ್ರಯತ್ನಗಳ ಮೂಲಕ ಕೋಪದ ಮೇಲೆ ನಿಯಂತ್ರಣ ಸಾಧಿಸಬಹುದು.
ತಜ್ಞರ ಮಾತು ಕೇಳಿದರೆ, ಇಂತಹ ಆಲೋಚನೆಗಳು ಕೋಪವನ್ನು ಕಡಿಮೆ ಮಾಡುವಲ್ಲಿಯೂ, ಆರೋಗ್ಯಕರ ಮನಸ್ಸನ್ನು ಕಾಪಾಡಿಕೊಳ್ಳುವಲ್ಲಿಯೂ ಮಹತ್ವಪೂರ್ಣವಾಗಿದೆ.
