ಹೊಸದಿಗಂತ ಡಿಜಿಟಲ್‌ ಡೆಸ್ಕ್:
ಪ್ರಯಾಣದ ವೇಳೆ MMTS ರೈಲಿನಿಂದ ಭಾರಿ ಸದ್ದು ಕೇಳಿ ಬಂದಿದ್ದು, ಇದ್ದಕ್ಕಿದ್ದಂತೆ ರೈಲು ಹಳಿ ಮೇಲೆ ನಿಂತ ಘಟನೆ ಹೈದರಾಬಾದ್‌ನಲ್ಲಿ ನಡೆದಿದೆ. ಬಾರೀ ಶಬ್ದ ಕೇಳಿ ಗಾಬರಿಗೊಂಡ ಪ್ರಯಾಣಿಕರು ರೈಲಿನಿಂದ ಇಳಿದು ಎದ್ನೋ ಬಿದ್ನೋ ಅಂತ ಓಡಿದ್ದಾರೆ.
MMTS ರೈಲು ಬೆಗಂಪೇಟೆ- ನೆಕ್ಲೇಸ್ ರಸ್ತೆ ನಿಲ್ದಾಣಗಳ ನಡುವೆ ನಿಂತುಹೋಗಿದೆ. ಲಿಂಗಂಪಲ್ಲಿಯಿಂದ ಬರುತ್ತಿದ್ದ ರೈಲು ತಾಂತ್ರಿಕ ತೊಂದರೆಯಿಂದ ನಿಲುಗಡೆಯಾಗಿದೆ ಎಂದು ಅಧಿಕಾರಿಗಳು ಪ್ರಾಥಮಿಕ ವರದಿ ನೀಡಿದ್ದಾರೆ. ಆದರೆ, ರೈಲಿನಿಂದ ಭಾರೀ ಶಬ್ದ ಕೇಳಿ ಬಂದಿದ್ದರಿಂದ ಪ್ರಯಾಣಿಕರು ಭಯಭೀತರಾಗಿ ರೈಲಿನಿಂದ ಹೊರ ಓಡಿ ಬಂದಿದ್ದಾರೆ.
ಆ ರೈಲಿನಲ್ಲಿ ಕಚೇರಿ, ಕಾಲೇಜುಗಳಿಗೆ ತೆರಳುವವರ ಸಂಖ್ಯೆಯೇ ಹೆಚ್ಚಾಗಿದ್ದು, ಹಠಾತ್‌ ರೈಲು ನಿಂತಿದ್ದರಿಂದ ಸಮಯಕ್ಕೆ ಸರಿಯಾಗಿ ತಲುಪಲಾಗದೆ ಪ್ರಯಾಣಿಕರು ಪರದಾಡಿದರು.
